زوجي من جده او يستهبل على راسي ؟!!!

الأسرة والمجتمع

السلام عليكم

رمضان كريم ومبارك علينا وعليكم يارب

تخيلوا يابنات

=====================

في الويك اند ...صحيت من النوم ماحصلت زوجي جنبي .. قلت انا يمكن انه صحي قبلي ونزل للصالة مثل العادة

المهم لمن نزلت تفاجأت انه زوجي ماخذ فراش ونايم لحاله بالمجلس وتاركني

انا بصراحه زعلت .. خير انا وش سويت عشان يتركني .. وبالفعل اثر هذا على نفسيتي .. خصوصا انه احنا مو متزاعلين ولا شي .. بالعكس سمن على عسل

تركته وقلت خليه بس يصحى بروح اكلمه

شوي اسمع زوجي طلع من المجلس وراح الحمام حق الرجال .. بعد شوي طلع من الحمام ورجع المجلس وسكر على نفسه ورجع على الفراش

انا بصراحه مره قفلت معايا .. حتى ماعبرني ولا قالي صح النوم ولا كاني موجوده

دخلت عنده المجلس ولقيته منسدح وجنبه صحن فيه مويه ومنشفة .. وباين شكله تعبان ..

سالته سلامات شفيك .. قالي فيني انفلونزا وسخونه .. اطلعي وسكري الباب عشان ماعديكي ..

طلعت السالفه كلها انه تاركني بالليل ونزل تحت عشان السخونه اللي جاته .. ومايبغى يجلس معايا عشان مايعديني .. :surprised

قلت له بطريقة حادة شوي .. طيب كان خبرتني عشان اسويلك كمادات وشي تشربه .. مو تنزل كذا ماحد داري عنك انك مريض وجالس لحالك

قالي كلها سخونه عاديه مافيها شي خطير ان شاء الله .. واصر علي الا اني اطلع ومادخل عليه

واذا بغيت شي ضروري ارسله بالواتس اب .. !!!!!!!

وعجزت اقنعه انه يجي بالصاله او يخليني اجلس عنده .. اخر شي قفلت الباب وانا معصبه وتركته مثل مايبغى



بصراحه صنف زوجي غريب ... انا اعرف الرجال اذا مرض يتدلع على زوجته واهله ويغثهم .. بس زوجي اذا مرض ينعزل عن الناس ويجلس لحاله الين يشفى .. اكثر من مره يسويها مايخبرني انه مريض ويجلس لحاله

هو مقتنع انه الانسان لو كان مريض وجلس مع ناس من غير حاجه .. هذه بتكون سبب للعدوى ( بمشيئة الله ) وتدخل ضمن نطاق الاذية

وحتى طلبات مايطلب مني اذا كان مريض ... زوجي عاش فترة طويلة عزابي لحاله وبعيد عن اهله قبل لايتزوجني .. مادري يمكن فترة العزوبيه هذه مأثرة عليه للحين



موقف طريف ... لمن كنت اكلمه واقوله تعال انسدح عندي بالصاله ..
يقول خلاص عندك البسة مثلي .. كلنا خشومنا حمرا ( عندي بالبيت بسة خمشها مره احمر )

هههههههههههههههههه


=========================

بالنهاية .. فيه ناس مثل كذا ؟!! .. ياليت المتزوجات والامهات يعطونا ارائهم ..

مشكورين حبايبي
49
13K

يلزم عليك تسجيل الدخول أولًا لكتابة تعليق.

تسجيل دخول

ROoOobi
ROoOobi
ياحيااتي يازين الرجال الي كذه هو ع حق وانتي ع حق
فيه بس قللليل الله يهنيكم ويشفيه
دفا الامال
دفا الامال
هههههههههههههه منجد ضحكت
الله يهنيكم ببعض
يمكن شخصية زوجك غير
متفلسفة ولكن
متفلسفة ولكن
'طيب احمدي ربي واشكريه انه خايف على صحتك ولايبغا يأذيك

مدري ايش تبون بالظبط

لا الطيب عاجبكم
ولا الخبيث
شربة عسل
شربة عسل
الزكام متعب مررره ويمكن زوجك من النوع الي يجييه بشكل حااااد

انا مثل زوجك اذا زكمت ما احب احد يجلس عندي
خلييه يوم يومين واعطيه عصائر وليمون حتى يخف
بوب كورن بالكراميل
خايف عليك يمكن
الله يخليكم لبعض