OM WED

OM WED @om_wed_1

عضوة فعالة

حبيبـــــــــــــي طلقني لو سمحت!

الأسرة والمجتمع

بسم الله الرحمن الرحيم


اخباركم يابنات احلى عالم؟

انا اليوم طفشانه كثير قلت مالي غيركم بعد الله

وناويه افضفض لكم باللي بقلبي.

راح احكي لكم قصه اخوي مع زوجته وابي مشورتكم

واسال الله انه يختار الخير للكل

بدايه القصه..

اخوي شاب خلوق وطيب وهذا طبعا بشهاده الجميع

بعد مده من اكمال دراسته قرر ابوي يزوجه خصوصا بعد
ما توظف صحيح راتبه على قده بس الحمدلله اموره متيسره
من بيت وسياره المهم

رحنا خطبنا له من شهرين تقريبا وكان الاختيار من اختي الصغيره
يعني اختارت له صديقتها

بعد ما اخذنا رايه قال انتو نقو اللي تشوفوها مناسبه
راحت امي واختي عند اهل البنت وتعرفو عليهم اكثر
طلعو عائله محترمين جدا جــــــــــــــــدا

فاتحتها اختي بالموضوع وطبعا سوت مثل اي بنت >>طلبت فتره
تفكر بالموضوع وتاخذ راي اهلها

>>>المده اخذت اسبوع واحد وردت الاجابه بالموافقه

طبعا كلنا كنا طايرين من الفرح لانه حبوب ويستاهل

ونتمنى نشوفه عريس.

بعد اسبوع تقريبا من المواقفه راح اخوي وابوي يخطبون رسمي
والحمد لله تم كل شيء على خير
وتمت النظره الشرعيه وكانت اختي تاخذ الانطباعات من صديقتها
فترد عليها انها كثير مبسووطه وعجبها ومن ذا الكلام...
بعد ماسوو تحليل الزواج وطلعت النتيجه سليمه

بدانا نفكر فالملكه

اخوي كان مبسووووط كثير وخطيبته نفس الشيء
وصارت الملكه بعد شهر من النظره

مرت عليهم ماشاء الله الفتره الماضيه وهم مرتاحين وحلوين
واستمروا تقريبا شهر عاقدين

وقررنا نسوي الزواج باذن الله بشهر صفر الجاي
وبدينا نجهز
وحنا ياخواته الدنيا مو سايعتنا من الفرح

ولكن وش اللي صار بعد مرور شهر؟؟؟





تخيلو يابنات في ليله من الليالي وصل اخوي مسج
اخر الليل فتحه اخوي وانصددددددددددم
وش كان فيه؟؟




كانت رساله من زوجته تقول فيها مثل مادخلنا بالمعروف
نطلع بالمعروووف.


طبعا كان غير مستوعب اللي شافه واللي قراه
يرجع يرن عليها لكن ..الجوال مغلق

جلس يوم وعلمنا >>كلنا قامت قيامتنا وحنا مو عارفين وش
اللي صار المهم ابوي الله يحفظه قالنا اركدو خلو السالفه تهدا
حتى نعرف وش المشكله!!

سالنا اخوي يقول والله ماصار بينا ولا اي اختلاف نهائيا.
طبعا انا وخواتي دقينا عليها حتى شبعنا ماردت ولا فكرت

رحت انا ارسلت لها رساله واعاتبها يعني مو معقوله من بدايه
حياتك تفكرين بالانفصال لكن اذا مصره راح اقنع اخوي.
ردت علي :: تقول الله يخليك اذا تقدرين ساعديني>>تقصد تطلق

كلنا تعبنا من السالفه والله العظيم شهر كامل وحنا مانعرف وش
القصه بس الله يسامحها مو راضيه تتكلم

راح عندها ابوي ويقولها يابنتي مو معقوله تهدمين حياتك
فقامت حبت راسه وتقول لاتطلبني فالزواج

المهم عطيناها فرصه تفكر بس البنت عنيده وراكب راسها الف
عفريت

المشكله يالغوالي مو فقرار الانفصال
المشكله هنا مو راضيه تتكلم وش السبب كل مره نقول فيها شيء
حتى قلنا بنجيب شيخ يقرا عليها لكن البنت ماطلع فيها شيء

المسكين اخوي اللي مو راضي يصدق يقول البارح تتغزل فيني
واليوم تبغى اطلقها

بس بعد ماحاولنا نقنعها وتقولنا لو سبب واحد لكن الظاهر ماعندها
اي سبب>>لان كل ما سالناها تقول: لاتحاولون والله ماراح اتكلم

وكان القرار النهائي انها تطلق
اخوي يقول خلاص عفتها ماابغاها حتى لو رجعت عن قرارها
وارسل لها بالهدايا اللي كانت معاه من عندها
والطلاق قررو يصير مع بدايه الدوام

.................


وانا هنا ابي مشورتكم يابنات ودعواتكم
ان الله يختار اللي فيه الخير يارب


الله يسعدكم يابنات انا نسيت اقولكم شيء
اهلها طالبينا لانستعجل ويقولون عطونا فرصه نشوف
تدرون ان المده انتهت وماصار شيء
والاعظم والادهى ان اهلها حتى هم مو عارفين وش السالفه
وكل مايكلموها تبكي
ابوها مسكين حاول فيها اخر شيء قالها اذا عدك حجه تقوليها
امام ربك خلاص بكيفك
اما اخوها يقول لاتطلق والله لاخليها تروح بيتها غصب عنها

طبعا انا قلت لكم المشكله من اجل تدعون لهم باللي فيه الخير
>>انا حبيت اوضح راي اهلها بالموضوع.
52
5K

يلزم عليك تسجيل الدخول أولًا لكتابة تعليق.

تسجيل دخول

M!sS واثقه
M!sS واثقه
لاحول ولاقوه الا بالله العلي العظيم

يختي الله يعوض اخووك بالي احسن منهاا

وعسى ان تكرهو شى وهو خير لكم
جوري وهبلت من حولي
حبيبتي اكيد ماله نصيب الله يعوضه بأحسن منها
ماتدرون يمكن عندها ظروف او شي ماتقدر تقوله ..
kdosha
kdosha
مادري وش اقول بس اظاهر من كلامك انها قاصر مراهقه
يمكن سمعت شيء من وحده حقوده وصدقت
المهم قولو لاخوك يقولها ماني مطلق الا لما اعرف السبب
ولا اجلسي معلقه ببيت اهلك وانا بتزوج
وبعدين مامعاها اخوان اب عشان تسئلونهم
القدر انحرق
القدر انحرق
غريبة !!

وش هالبنت ؟؟

ووين اهلها

عبالها الزواج والطلاق لعبة

كويس انها طلبت الطلاق من الحين
يمكن خيرة لاخوك ماتدرين
والله يكتب لاخوك اللي فيه الخير
~مج ـنونتهـ~
~مج ـنونتهـ~
ماتدرين سبحان الله يمكن خيره للطرفين

بعدين انا اشوف ان لها كامل الحريه بقرارها لان هي الي بتتزوج وتعيش معه

وكويس انهاا طلبت الطلاق قبل الدخله ويكون فيه حمل وتصير المشكله مشكلتين

الله يعوض كل واحد فيهم خير ويصبر اخوك ويلاقي الي تسعده وتنسيه الي صار