زوجها دلوع امـــه..ياكرهي اذا الواحد يسمع كلام امه بكل شي

الأسرة والمجتمع

رح اقولكم قصة بنت خالتي بإختصار شديد

بنت خالتي عندها مشكله وتبي لها حل


بنت خالتي تزوجت وعمرها 18 سنه من واحد عمره 24 سنه وهو وحيد امه وسكنو مع امه
كانت بنت خالتي تحب ام زوجها لدرجة ان تسميه يمـــــــا
الام قالت لولدها قدام زوجته: الحين مرت 3سنوات ومافي بالطريق شي؟ انا ابي اشوف احفادي
الولد قال لأمه:ربي ماكتب يمه بعدين احنا صغار تونا..
الام قالت لولدها: شوف انا ابي احفاد يملون علي البيت والا والله مارضى عليك


راح الولد مع زوجته المستشفى يشوفون العيب من مين
حللو وكل حاجه الا الدكتوره تقول ان العيب من الزوجه
لمن عرفت امه قالت له : تزوج عليها
قال حق زوجته بكل بسااااااااطه انا بتزوج وهي المسكينه تبكي ومن القهر نزل دمها الين 8 وارتفع ضغطها مع انها صغيره مسكييييييييينه
قالت له قبل لاتتزوج طلقني قال لها بس كذا حااااااضر انتي طاااااااالق
تصدقون قال حق بنت خالتي انتي طالق بكل بساطه مالومه تربية امه ودلوع امه ماعنده مسؤوليه بشي
رجعت بيت اهلها
وتزوج عليها على طول عقب ماعرف انها ماتجيب عيال
عقب زواجه بكم يوم دقو عليه المستشفى وقالو له تعال المستشفى ضروري انت وزوجتك
راح المستشفى هو وزوجته الثانيه وقالت له الدكتوره اسفه انا اعتذر كان في سوء لخبطه باوراق التحاليل
واكتشف ان زوجتك سليمه معافاة وانت الي ماتجيب عيال

وندم نـــــــــــدم على انه طلق زوجته واكتشف انه ظلمها ويحبها
اما زوجته الثانيه قالت له ابي الطلاق انا ماقدر اصبر بدون اطفال
والحين بنت خالتي عرفت السالفه عرفت انها سليمه وتقدر تجيب عيال وهو يتأسف وندمااااااان يبي يرجعها
وهي ماتبيه لدرجة ان واقف ليل نهار عند بيت اهلها ويزعجها بالمسجات والمكالمات وهي ماترد عليه ماتبيه
ايش يبغى خلاص طلقها؟ ماله حق يغصبها بالرجعه.. صحيح هو ندمان بس بنت خالتي مجروحه منه تقول مافيه خيييير وكرهته وكرهت امه حتى يرسل لها مسجات ان امه هي السبب في تفريقهم
وهي الحين ماتبيه كرهته بس بنفس الوقت تقول ابيه وماابيه
ماادري ايش رايها محتاااااااره وبعد بنفس الوقت متقدم لها ولد عمها كان يحبها من زمان بس سافر امريكا للدراسه وماكان يدري بزواجها الا فجأه وهو متمسك فيها يبيها
وطليقها متمسك فيها كمان يبيها
وهي محتاره ايش تسوي بس ماتقدر تنسى جرحها

انا بصراحه قلت لها خذي ابن عمك الي كان يحبك انتو ايش رايكم......باللي سواه مو قهــر؟؟
31
5K

يلزم عليك تسجيل الدخول أولًا لكتابة تعليق.

تسجيل دخول

كشتي حلوة
كشتي حلوة
اقول حبيبتي خليهاتاخذ ولد عمها زوجها مافيه خير طلقها بكل سهوله خليها تحافظ على كرامتها ولاترجع له هي مولعبه بيده وقت مايبيها ترجع ووقت يمل منها يطلقها مصيره بيتشافئ باذن الله ممكن يمل ويطلقها مره ثانيه وثالثه تستخير وتاخذ ولد عمهاالله يوفقها يارب
شلوة
شلوة
الخيرة في ما يختاره الله اولا
وخليه تستخيرعن ولد عمها
والله يوفقها بس زوجها لا واذا صار نصيب ان شاء الله ولد عمها راح ينسيها الاسى كله
ام عبدالغفور
ام عبدالغفور
اخت كشتي انا برضو قلت لها كذا وهي تبي ولد عمها بس متردده شوي بس كلنا قاعدين نقنعها ويارب يوفقها وتاخذ ولد عمها
ام عبدالغفور
ام عبدالغفور
تسلمي شلوه على مرورك

والله رجال هالزمن ينخاف منهم
مـتـنـحـه بـتركـيز
دام ذي سواته ويمشي ع شور أمه وش تبي فيه

تاخذ ولد عمها أبرك لها

الله يوفقها ان شاء الله