السلام عليكم ورحمة الله وبركاته
انا من فترة سجلت بالمنتدى بس ماإستمريت معاكم لأني مليت من فكرة وصول الردود خمسين عشان اتثبت عضوة عندكم...
لكن كنت اتابع واقرأ واعرف إن فيه عقليات حكيمة راح تواسيني وتساعدني ماابي اطول عليكم بحكي لكم بإختصار...
انا يابنات عانيت ومازلت من زوجي تزوجته وانا اكبر منه بسنتين ..صبرت عليه على ايام فقر كانت تمر فيه وايام قاطعوه اهله مالقى غيري اواسيه كان يعاني من مشاكل من قبل مااتزوجه واثرت على نفسيته ومع ذلك تحملته وسمحت له يصب غضبه علي ويطول صوته اتركه لحد مايهدى...
لكن تمادى وتعرض لأهلي بالسب وتعرض لي بالضرب وربي كان يضربني على اتفه الأسباب وطلقني مرة وانا بس اتصبر واحاوره بالعقل لاتفكرون إني ضعيفة لاوالله بس كنت اشتري الستر وماودي في المشاكل ...لكن نفذ صبري بعد ماضربني بعد وفاة ابوي بإسبوعين وياليتني إستنجدت في ابوي قبل لأني نمت بعد بكي وصياح جاني ابوي في الحلم وضايق صدرة كان حاس فيني رحت كلمت اخواني بعضهم عاتبه مجرد عتاب وبعضهم عطاه كلام قاسي وهدده طبعاً تعدل شهور لكن رجع مرة ثانية وحملت وكان يبغاني اسقط حملي لكن رفضت والحين عندي منه ولدين ...
مع الصبر والدعاء تعدل شوي لكن عصبيته وهواشه وإستهزائة فيني وتحقيره لأهلي وإذلاله لي امام اهله مازال للحين وصحيح قل ضربه لكن للحين مازال يمد يده بين فترة وفترة ..
انا يابنات كرهته كره العمى والمشكلة الأكبر صار مايجتمع مع اهلي بعد تهديدهم له واحس اهلي كارهينه ومو رادين له إعتبار وانا ماودي بهالشي لأني اشوف ازواج خواتي كيف مايقصرون مع اهلي واحس بالدونية...
وربي قلبي مليان حقد عليه واحس حياتي كلها تمثيل بس عشان اساير واعيش ...
فقدت الفرحة والضحكة وعرفت قيمتي عنده دايم يقول لي انتي مُهانة وماعندك كرامة ويقول احسن يوم عندي يوم تروحين بيت اهلك وتتركين لي عيالي...
الحين انا في بيت اهلي بعد ضربه آخر مرة لسبب تافه قمت دقيت على امي واخذت اغراض بسيطة وخليت عيالي وطلعت ..نمت هذيك الليلة مرتااااحة في بيت اهلي ولا كأن عندي عيال خليتهم وراي سبحان الله كأن ربي مطمني من بكره جابهم عند الباب وراح هم الحين عندي عرفت انه مو قد كلمته اهلي يقولون ماعليه حسافة لاترجعين إلا بشروط وانا يابنات طاااااب خاطري منه ...وماهمني شي غير استعيد كرامتي الحين صار لي إسبوعين إستخرت وارتحت للطلاق لكن خوفي من اللي راح يصير اخاف مااشوف عيالي واخاف مالقى وظيفة اصرف منها على نفسي واخاف من كلمة مطلقة ومن نظرة المجتمع وربي مايحس بالنار إلا واطيها ...
ماعندي مشاركات ارجوكم اللي ماتبغى ترد بس ترفع الموضوع الله يرفع قدرها ويسخر للي يردون مابين السموات والأرض ويرزقهم ربي من حيث لا يحتسبون...
ايمان خالد8 @ayman_khald8
عضوة جديدة
يلزم عليك تسجيل الدخول أولًا لكتابة تعليق.
تفاحه خضراء,
•
لآإله إلآ الله محمد رسول الله
ياقلبي الله يكون بعونك بس انتى عندك ولدين يعني مربوطة فيهم يمكن اذا طلقك ياخذ اولادك فعشان كذا فكرى زين حبيبتي والله يوفقك
دامك تقولين تغير شوي بعد الدعآء استمري بالدعاء ماتدرين يمكن الله يلين قلبه ويحن
بنفس الوقت استخيري ببقائك معه اوالطلاق ....
ماندم من استشار وما خاب من استخار
يسر الله أمرك
بنفس الوقت استخيري ببقائك معه اوالطلاق ....
ماندم من استشار وما خاب من استخار
يسر الله أمرك
الصفحة الأخيرة