السلام عليكم ورحمة الله وبركاته
كيفكم كروووشات الله ييسر علي وعليكم
لفت انتباهي اكثر من وحده في المنتدي يسالون عن طريقه لفتح الرحم وتسهيل الولاده
وعن تجربه شخصيه اقسم بالله العلي العظيم انها تجربتبي انا
انا عندي ولدين الله يحفظهم ولادتي الاولى كنت غشيمه وبكريه وماني عارفه شيء كل مايجيني الم وانا اصيح وابكي
المهم جاني الم الطلق وصحاني من النوم الساعه 2 في الليل والساعه 4 ونص ماقدرت اتحمل الالم ابكي واصيح
وكان من جد الم قوي وبطني يتقطع ووصلت المستشفى وكان الرحم 3 سانتي وامشي وابكي واصيح ولا ولدت الا
الساعه 12 ونص بالييل بعد طلق صناعي وتدخل الدكاتره وجهاز الشفط لاني وصلت لمرحله خطره وبعدها كرهت
والولاده الله لايوريكم المهم بعد اربع سنوات قدر الله علي وحملت والله الذي لا اله الا هو اني استعملت خلطة ام
جمانه بالزبط زي ماهي واصفتها وكاتبتها والا يابنات وفي يوم من الايام رحت ابغى امشي بعد العشاء مع زوجي المهم
لمن جيت امشي ماقدرت في شيء ضاغط على من اسفل المهم ورحت البيت وانا مافيني الا العافيه صحيت
الساعه 3 ونص على الم زي الكذبه بسرعه راح لاكن اكرمكم الله حسيت اني مبلوله ورحت الحمام الا السداده نازله
افرازات ومعاهاا دم عرفت انه ولاده لاكن والله العلي العظيم الالم لايكاد يذكر رجعت ابغى انام ماقدرت مو من الالم من
الفجعه لاني عانيت كثير ف ولادتي الاولى المهم انتظرت الى اذان الفجر اللحين صار الالم متزايد ومنتظم كل عشر
دقايق صحيت زوجي صلى الفجر وانا مو راضيه اروح المستشفى لان الالم صراحه مو قوي المهم الساعه 6 رحت عند
امي جنبي هي وقعدت احسب الالم انا واختي والله اني اضحك لان الام خفيف بس سريع ورا بعض طبعا ما ابغى اروح
المستشفى لاني انتظر ذاك الالم القوي بس الساعه 6 ونص نزل علي دم كثير وطبعا بالقوه اخذوني امي وزوجي
للمستشفى وكنت امشي عادي عكس ولادتي الاولى المهم كان الرحم مفتوح 3 سانتي وكلها نص ساعه الا الرحم
مفتوح 6 سانتي وماجات الدكتوره الا وانا وضعي ولاده والله يابنات لمن ولدت اطالع في الساعه الا هي 8 ونص يعني
اقل من ساعتين وولدي في حضني والله اني ابكي واضحك من الفرحه في ذيك اللحظه ويشهد الله اني ماكتبت
تجربتي الا عشان البنات يستخدمونها وربي يسهل علي وعليكم واللحين انا حامل واكيد باعيد التجربه واستخدمها
لانها من جد رحمه من ربي
عارفه اني طولت عليكم لاكن للفائده وللامانه ذكرت تجربتي كامله
الخلطة هي :
كوب حليب سائل
5-أعواد قرفة كبيرة
5- أعواد قرنفل(مسمار)
ملعقتين عسل للتحلية
نصف فنجان شاي زيت سمسم
تخلط هذه المقادير وتغلى على النار لمدة دقائق
وتترك قليلاً ثم تشرب دافية.
هذه الخلطة تشرب بعد دخول الشهر التاسع بعشرة أيام وتشرب كل أربع أيام
وإذا ظهرت أعراض الولادة تشرب منها كوب قبل الذهاب للمستشفى مباشرة
والتساهيل أولاً وأخيراً بيد الله سبحانه .
توووته.. @toooth_19
محررة
يلزم عليك تسجيل الدخول أولًا لكتابة تعليق.
مييم
•
انا ولادتي الاولى قيصريه وحملت بعدها بسنه ينفع اخذها والا لا؟
ماشاءالله تبارك الله
بسويها لني مافيني طلق والرحم مقفل
بس الزيت السمسم فيه للجسم وللشعر اتوقع اي استخدم فيهم
ياليت تدري بدري يصير اشترية اليوم
بسويها لني مافيني طلق والرحم مقفل
بس الزيت السمسم فيه للجسم وللشعر اتوقع اي استخدم فيهم
ياليت تدري بدري يصير اشترية اليوم
توووته..
•
ماشاءالله تبارك الله بسويها لني مافيني طلق والرحم مقفل بس الزيت السمسم فيه للجسم وللشعر اتوقع اي استخدم فيهم ياليت تدري بدري يصير اشترية اليومماشاءالله تبارك الله بسويها لني مافيني طلق والرحم مقفل بس الزيت السمسم فيه للجسم وللشعر اتوقع...
انا استخدمت زيت سمسم تبع الطبخ تلقينه عند المعصرات والعطارين خذي المخصص للطبخ
الله يجزاتس خير
بس سمعت القرفه اذا مافيه طلق تصعب فتح الرحم تقسيه عشان كذا كنت استبعدها دايم مناعشاب تسهيل الولاده
نجرب والله يسهل
بس سمعت القرفه اذا مافيه طلق تصعب فتح الرحم تقسيه عشان كذا كنت استبعدها دايم مناعشاب تسهيل الولاده
نجرب والله يسهل
الصفحة الأخيرة