لأنك# انتي❤👧

#لأنك_أنتي
«الغموض »..
?? شذى متزوجه من ست سنوات زوجها
?? كان من النوع الصامت وكانت تحاول
تجذبه بالحديث ...
فما كان منها الا ان اخبرته بكل شئ عنها
وعن اسرتها ...
ومن ضمن الكلام انه اخوها الكبير لما كان
في بداية المراهقة سجن لمدة اربع
سنوات بتهمة تحرشه بولد الجيران ...
وللعلم انه اخوها لما تزوجت كان عمره
33 سنه يعني سالفه صار لها عشرين سنه ...
المهم في احدى زيارات شذى لبيت اهلها
وكان عندها ولد عمره خمس سنوات...
قال لها زوجها شذى انتبهي للولد اخوك
اليوم بالبيت حست شذى بالندم لانها خبرته
موضوع منتهي ولكن شو فايدة الندم
الحين؟؟
?? تكلمي مع زوجك محد مانعك لكن
لاتخبريه عن اوضاع اسرتك ...
لاتخبريه امك تضرب او ابوك يضربك
لانه بيكون سهل عنده يضربك لانه اهلك
يعاملونك بهذا الاسلوب ..
اذكر وحده من صديقاتي كان زوجها دايم
يضربها وجاتني تشتكي لي وهي وجها
مورم فلما قلت لها ليش يضربك قالت
ماادري وقالت الي يقهرني منه
يقول لي دائما عامل الاجساد بما تعتاد
لحظتها فهمت اكتشفت انها السبب كانت
تخبره انه امها دايم تضربها وتقول له
ماأدبني الا ضرب امي !!..
#لأنك_أنتي
@l2nk_anti
#لأنك_أنتي
?? اظن من النماذج السابقه فهمنا كيف
تكوني غامضه .
?? مشاكلك العائليه سواء كانت قديمه او
حديثه احتفظي بها في بيت اهلك .
?? حبك لصديقتك واعجابك بها اتركيه
لنفسك مو لازم زوجك يعرف لانه الاذن
تعشق قبل العين .
?? الم بعظامك مفاجئ مو لازم تسوين منه
قضيه عالميه ولا اول كلمة بتجيك
عجزتي!! ؛خلاص.
?? مو لازم كل شئ يعرفه زوجك
المفروض يعرف عن امور عياله وبيته
والمصروف الي ، ينصرف للعيال .
مثل ما سوت خلود تغيرت في كل شئ
ولما سألها عن سبب تغيرها...
قالت له انا اصلن كذا لكن المشاكل في
بيت اهلك ماخلتك..
تشوفني زين مع انها تغيرت تغير جذري
و اتخذت "داروا اعمالكم بالكتمان "
قانون حياتها .
مو لازم يعرف انها تزيت شعري علشان
يبين حلو..
ولا انها تسوي تنظيف لبشرتها من جذيه هي نظيفه...
ولا انها تسوي حمام مغربي ...
تخليه يشوف وينبهر وان سألها ، قلت
النظافه. من الايمان وخلاص .
#لأنك_أنتي
@l2nk_anti
#لأنك_أنتي
« الغموض »...
?? رحتي لحفله مو لازم يعرف كم وحده كانت
فيه وكم وحده لابسه فستان وكم وحده
صابغه شعرها !!!
?? مثلا انتي بدينه وزوجك لاحظتي عليه
يطالع بالبنات النحيفات فقمت ببراءه
تقولين له انا بسوي رجيم علشان ماتشوف غيري ...
اذا كان زوجك يحبك بيقولك ياليت لانه يبيك ...
واذا كان مثل قصة وحده اعرفها خليها
توصل لـ 180 كيلو غرام بعد ماكانت 60
والسبب يبي يحط عذر لنفسه علشان
يشوف براحته وان تكلمت قال انتي
السبب .
??ّاذا زوجك من النوع اللي عادي عنده
ياخذ منك الاول والتالي خصصي لك مبلغ
بدون لايدري ولاتقولي هذي خيانه هذا
حقك وتضمنين فيه مستقبلك...
"تقول شهد انه زوجها فاتح حساب بالبنك
لكل عيالها الا لها كانت لما تقول له وانا ليش
ماتفتح لي حساب كان يقول شغله طويله
عريضه وبعدين مالي كله لك ...
حست هي بالخوف من اسلوب فماكان منها
الا انها خلت اخوها ياخذها وفتحت لنفسها
حساب وظلت لمدة 15 سنه وهي تحط فيه
شهريا 500 من مصروفها واحيانا تحط
الفلوس الي يعطونها اخوانها وابوها
فكونت مبلغ لا بأس فيه بعد 15 سنه
زوجها قرر يتزوج عليها ولما اعترضت قال
لها اذا مو عاجبك الباب الي دخلتي منه
طلعي منه تقول تخيلوا لو طلعت وانا مثل
مادخلت صفر اليدين !!!
شو كنت بسوي وشو كانت بتكون حالتي !!!
تقول لما تشاجرت معه قال لها ان ماصبرتي
انتي الخسرانه انتي مالك بالدنيا هذي الا
عيالك وبس انصحك لاتتهورين وتطلعين
من البيت لانه ماعندك لا اول ولا تالي
تعيشين منه ...
لكن كانت صدمه قويه لما عرف انه المبلغ
الي عند زوجته بالبنك يساوي ضعفين من
الملبغ الي معه هو ؟!
الحين فهمتوا الغموض شو هو ؟
غموضك مايكون عند زوجك وبس عند الكل
فيه امور مو لازم الكل يعرفها وبالذات لو
كان فيه ناس تحسدك وتغار منك خليك
بالعربي انسانه رسميه جدا عند الناس...
وعند زوجك بامور اهلك ومشاكلهم ..
خليك دائما معتزه بنفسك غامضه باسرار
حياتك لانه الناس تعشق القوي وتقدره ..
#لأنك_أنتي
أعجبتني فنقلتها 🌹