(كما تدين تدان)قصه حقيقيه ( أهداء للأخت الخيل والليل)

انا قرأت قصة او مشكلة اختنا الخيل والليل وان اهل زوجها راحوا يخطبون له وهي مقهوره والقصه اللي راح احكيها والله حقيقيه 100%
فيه اثنين اخوا متزوجين وساكنبن بجنب بعض كانت زوجة الكبير تعليمها متوسط وثقافته مو لذيك الدرجه ولبسها بسيط وهي انسانه بسيطه بس مثل مايقولون ست بيت درجه أولى من ناحية اهتمامها بزوجها وأولادها وتبير شؤون البيت وزوجة الأخ الصغير متعلمه تعليم جامعي ومدرسه ولبس وكشخه وأناقه وكانت لما تروح للدوام تخلي عيالها عند سلفتها اللي هي زوجة الأخ الكبير ترعاهم وتهتم فيهم وحتى لما ترجع الثانيه من الدوام وتمر تاخذ عيالها تاخذ غداها جاهز من سلفتها يعني كانت طيبه معها بشكل خيالي
وفي جت زجة الصغير وقالت لزوجها الحين ليش أخوك صابر على زوجته هي قرويه وماهي شيك ولاتلبس ولاتهتم وهوماشاء الله منصب ووسامه ليه مايتزوج ثانيه تليق به راح الأخ الصغير قال لأخوه وصار يزن على اخوه وأن زوجته المدرسه تعرف وحده ماشاء الله جمال ودلال وأناقه ومستعده تخطبها له ومع الزن والحاحهم عليه قرر يتزوج وكل زوجة اخو تخطب له وتمت الموافقه وتحدد يوم الملك والدخله مع بعض
المهم جاء وقال لزوجته وصارت تيكي وتقول له انا قصرت معك وهو يقول لا والمسكينه صارت تدعي له ان الله يوفقه ويكتب له الخير وهي تبكي
وراح هو أخوه لأهل الخطيبه بس ماهو قادر ينسى دموع زوجته ودعواتها له من قلب مخلص وقال لأخوه انا مابي اتزوج انا زوجتي ماقصرت معي ولا انا مقتنع بالزواج ولا أنا قادر انسى دموعها واخوه يحاول يقنعه وهورافض وأخوه يقول لاتفشلنه عند الناس وهومصمم عل موقفه ورفض يتملك ويدخل على البنت وبعدين قال لأخو الصغير أذا انت تبيها خذها وطبعآ تفاديآ للأحراج مع الناس عقد عليها الأخ الصغير والثاني رجع لبيته وأم عياله
اما المدرسه حفرت حفره وطاحت فيها وبدال ماتزوج أخو زوجها زوجت زوجها بدون ماتدري
بس حبيت اقول ان الدنيا سلف ودين والله يصلحنا جميعآ