سؤال عن الكريم كراميل

اطباق عالم حواء

سلام
والله اني مستحية اسأل بس شسوي غصبن عني
اني اول مرة اطبخ في شهر رمضان وزوجي يبي مني اليوم كريم كرمل
رحت شريت كريم كرمل كرتونة خضراء المهم اخترب معي وقطيتة في الخمام
المهم ابيكم تعلموني كمية الماي الي احطها لمقدار كرتون واحد
وهل احط سكر
ومدة طبخ الكرمل
والكرتون يكفي لعمل كم طاسة
واكون شاكرة للي ترد علي
7
1K

يلزم عليك تسجيل الدخول أولًا لكتابة تعليق.

تسجيل دخول

الحلوه الحلوه
عزيزتي كان ودي أساعدك بس للاسف ما أعرف ... بس اعتقد الطريقه مكتوبه على العلبه ... :26: :26:
ليالي دبي
ليالي دبي
مرحبا اختي انا بعطيج طريقه روعه وبتستانسين عليها
شوفي اتييبين 3 علب كرامل
علبه وحده من القشطه
ظرف دريم ويب
كوب اللي نشرب فيه الحليب 3 كوب حليب بودره
كوب الحليب 9 اكواب ماي
الطريقه تخلط كل المقادير واتحطينهم على النار لين يغلي المزيج مرتين ثم تسكبينهم في الاكواب
طبعا اسهل من هذه الطريقه ما شي انت جربي وما بتخسرين وبتدعين لي بعد بس مو تدعين علي امزح معاج
أم حمدونه
أم حمدونه
أختي للعلبه الوحده تحتاج 500 ملى ماء و3 ملاعق كبيره حليب بودره انا لا اظيف السكر لانه حلو لا يحتاج لذلك
اولا اغلي الماء أضيف 3 ملاعق حليب مع التحرك بالمشبك ثم اضيفي الكريم كراميا دقيقه واطفي النار اتركيه يبرد دقائق ثم صبيه في الطاسه الموجود فيها الكرميل الاسود مسبقا حطيه في الثلاجيه بعد ما يفتر مب وهو حار ويفضل انج تغطينه بورق نايلون. وشكرا
اي خدمه انا موجوده
أم تأبط شراً
أم تأبط شراً


ولا تتحرجين عيوني ولا يحزنون

كلنا كنا مثلك او حياتنا الزوجيه

نصلح ونتلفت يمين وشمال واذا ما احد يشوف

نكب بالزباله بس هذا هو الشرط للكب باالخمام

لا يشوفك احد ههههههههههههههه

شوفي يابعد عمري اذا كنتي تبين الكريمه ساده

فهذي طريقة أختك أم د حومي

حطي بالقالب السكر المحروق

بعد كذا اجيب كاس ونصف ماء + علبة الكريمه

عليها 3 ملاعق كبيره مليانه حليب بودره ويكون الماء بارد

مو مغلي

عليها سكر اذا تبغين اضافه سكر حسب الرغبه

غير السكر المحروق يكون بالقاع

وبعد كذا توضع على النار حتي تغلي وبس

هذا هو المقدار اذا تبغين تكون مايله للثخن يعني ماتكون خفيفه

وممكن زيادة الماء الى كاسين الاربع اذا تبينها خفيفه

جربي كل طرق البنات حتى تلا قين المناسب

وأن وخواتك بالخد مه د وم وليس يوم

اختك ام د حومي

ود متي لمن يحبك و أنا أم تأبط شراً منهم
ام عبد الرحمن ام تهاني
هي ما تجمد الا اذا بردت في الثلاجة كم ساعة
والطريقة المعتادة على الظرف وما يبيلها شي
لا تخافين واسكر المحروق ماهو ضروري اذا كنتي ما تضبطينه
سلام....