سؤال يا بنات عن طريقة عمل التوفي بكميات كبيرة

حبيبتي في كذا طريقة والأسهل علبة حليب نستلة المحلى تشيلين الورقة اللي عليها وتغلينها لمدة 3 ساعات بوعاء فيه ماء (لازم كل شوي تشوفين الماء علشان ما ينشف ويحترق) بدون فتح العلبة وبعد ال3 ساعات يكون عندج أحلى وأسهل توفي..

مقادير التوفي :
نصف إصبع زبدة
نصف كأس سكر
علبة قشطه

الطريقة :
يحرق نصف كأس سكر مع نصف إصبع زبدة حتى يصبح لونهما بنيا ثم تضاف علبة قشطه وتحرك بسرعة شديدة حتى لا تتعقد عليك ..

شوفي اختي بالنسبه لطبخ علبة النستله مع احترامي للاخت غرومه فاشله لانها تاخذ وقت وغاز وبالاخر يتغير اللون بس الطعم هو نفسه طعم النستله

الطريقه بدون زبده لانها تسبب دسومه وانا شكثر جربت التوفي وهذي انجح طريقه

طلعي علبة قشطة كي دي دي من الثلاجه

اكثر من نص قلاص تقريبا 2 فنجان قهوه عربيه كبيره سكر تحطينهم في جدر وتقصرين وتحطينهم على نار صغيره وتقصرينها عالاخر ولاتحركينها ابدا وتخلينها لين يذوب السكر ويتغير لونه ,, طبعا مافيه مانع تبقى جم حبة سكر بيضا

بس يذوب شيليهم عن النار واعصري كل كرتونة القشطه وخلي وحده ثانيه معاج تحرك بسرعه بالملعقه

رديهم على النار على نار واطيه وحركيه عدل وبعدين حركيه تقريبا بس مرتين بعد فتره وصدقيني راح يذوب وتشوفين كل الكلاكيع ذابت , وانا احرك عشان احرك الكلاكيع اللاصقه بالجدر

لما يذوب ويتغير لونه اطفيه طبعا اذا تبينه يصير ثقيل خليه عالنار مده اطول بس انا ماحب اطول فيه اذا تغير لونه لانه بس يبرد يجمد

بالعافيه :)