خلونا نتعاون .. من جربت الـ .. و من عندها ؟؟

السلام عليكم و الرحمة ...

أول شي

سبحــــان الله و بحمده ... سبحان الله العظيم :27:

خواتي .. انا ملغوثة شرااا ... بالسعودي مشفوووحة شرا :D

بس المنتدى حركته سرييعه الموضوع ينزل من هنا ... ودقايق ولا في الصفحه الثانيه و ممكن يكون منتج البنات يدورنه من سنين و ما يصير له نصيب ...

فأنا اقووول يا ليت نسوي ملف لكل منتج مثلا ملف لمنتجات الوجه و كل عضوه تدش و تحط عنوان و لنك موضوعها الي نزلت فيه المنتج ...

و ممكن و هذا شي ناويه اسويه بنفسي بس يا ليت التاجرات يعاونني ... نفتح ملف لكل دوله و التاجره او المندوبه تعرض شو عندها ...
لان فيه عضوات مثلي يتشجعن يشترن اكثر لو كان المنتج متوفر بمنطقتها او قريب منها ...
( ملاحظه تاجرات الامارات الي تحب اسوي لها دعايه بملف الامارات الي بجمعه ترسل لي لنكات مواضيعها او على الاقل اسمها و اسم المنتجات الي تعرضها ) وانا برتبه كله و انزله بالقسم و اجدده وبسوي له دعايه بعد بتوقيعي بس تعاونن معاي ..



ثاااااااااااااااااااااااااااني شييييييي

لحظه اول شي ....

سبحان الله ... الحمد لله ... لا اله الا الله .. لا حول ولا قوة إلا بالله

ترا انا احترت من كثر ما اشوف اكثر من متنج لنفس الشي اللي اباه .. و الكل يمدح والكل يقول الزين عندي ...
فيا ليت العضوه الي كثااار يمدحون منتجها تحط ارائهم مثل ما يسون بعض التاجرات و هذي حركه ممتازه .. و تشجع الخلق وحتى الي ما يبى يشتري .. يتشجع و يشتريه غصب ..

بالمنااااسبه هذي .. و اللي يرحم والدينكن بنات منو جربت كريم للويه يصفيه و يخليه ندي و لونه متوحد :( ... اللي تجاوبني بامانه تامه لها دعوه مني ^-^



ثاااالث شييييي

صلى الله على سيدنا محمد و على اله و صحبه اجمعيييييين

نصيحه للتاجرات ... ترا ادري انكن تعقدتن من بعض الاخوات الي يطلبن و بعدها يعطنكن طاااف ... بس ترا والله الواحد يتشجع يشتري اكثر يوم تخلون الدفع مباشر و الاهم التوصيل ...
يعني مثلا توته الحلوه ( تئبررررنيييي ) :27: ... مع انها ببوظبي .. بس عيني عليها بارده ضبطت لي الطلبيه وطرشتها لي العين وما دريت الا السواق يدق علي و يقولي الطلبيه موجوده ..

ترا والله انكم تستفيدون يوم تجمعون الطلبيات كلها و تطرشونهن جيه تسهلون على البنات و منها تاخذن تكلفة التوصيل ابرك من ارامكس و ربعه ^-^


و اخر شيييييييي

لا إله الا انت سبحانك إني كنت من الظالمين ...

اخر شي .. ترااااا كرهناااا سالفة التفاصيل على الخاااص ... المفروض نحن نقاطع هالشي ... فيه خوات يكونن يعرضن فساتين للبيع و شغلات من هالنوعيه هذيلا لهم حق يقولون بنرسل الصور على الخاص عشان ما ينحرق الفستان ...
بس المنتجات الثانيه مكياج كريمات .. الخ .. ليش الخااااااااص بالله .. و الاسعار ليش الخاااااااااااااااااص ...
اناااا و من على هذا المنبرررررر انااااشد البنات يقاطعن اي منتج مطلوب على الخاص

و خلوا الخاص لارقام التلفونات الايميلات .. الاشيا الي ممكن تنحرق اذا انعرضت و بسسسسس..



هذا و الله ولي التوفيق ...

ملاحظه : لا تنسن تنصحني بكريم للويه ممتااااااااااز و مجرب :( ترا موب شويه الدعوه بالعشر ^-^