ساكنه فوق اهل زوجي : (

السلام عليكم
انا متزوجه لي حول 7 شهور تقريبا وساكنين بالشرقيه بعيد عن اهالينا
وبالاجازات نجيهم لكن من بدت الصيفيه ورجعنا لشقتي الي فوق بيت اهله
وانا مو مرتاحه كل يوم يبوني انزلهم واحضر جمعاتهم وزواراتهم وحفلاتهم الي ماتخلص
ويبون اتغدى كل يوم عندهم صراحه طفشششششت مرره خصوصا انو متعوده لي فتره طويله
لحالنا بالشرقيه ومرتاحين ومو مرتبطين باحد لكن الحين الوضع يخنق وهو احسه يتضايق اذا مانزلت
تخيلوا كل يوم لازم انزل واتسنع والبس زين عشان عمي استحي منه ومااقدر البس على راحتي وللمعلوميه ام زوجي متوفيه وماعندهم مره اخو غيري لان اخوان زوجي صغار
مافي غير عمي وبناته بس الله يهديهم ناشبين لي حتى عمي يسال عني اذا مانزلت ودي اصير رسميه واحط حدود بالزيارات بس كيف اوصل المعلومه
وماعندي اعذار لا دراسه ولا دوام ولا اطفال وشغل البيت احس مو عذر يمشي عليهم كل يوم

المشكله مافيه سوالف كل يوم اجلس ساكته واحس بملل يعني كل يوم اكيد بتخلص السوالف
غير عن كذا احسهم ينقدون علي لا رحت لاهلي مع انو من حقي اروح لهم يوميا بحكم اني متغربه عنهم

ماعندي مشكله بولدهم ينزلهم يوميا ويسحب علي راضيه اقعد لحالي ببيتي ولا اقابل احد واتكلف واتصنع
لا طفشت بكلمهم يجوني او اجيهم بس كل يوم عاااد الوضع صار ممل

انا كارهه حياتي كذا والمشكله محنا مطولين بالشرقيه ونبي ننزل لجده لاهالينا لكن ودي ارجع لعماره بعيد عن اهله
حتى اخذ راحتي بحياتي