شوفي مركز المملكة وش عندة حركااااات

الأزياء والموضة

واللهِ العَظيم قِصَه حَقيقيَه حَصَلَت بأسوآق المَملَكَه ،'

نُقِلَتْ مِن رآويتَها ، وَالتي هيَ موَظفَه وَزميلَه لي بأحدْ مدآرِس الريآض ..


طَلعت مَره أنآ وثنتين مِن خوآتي هيَ مُتزوجَه ، وأختهآ الأولى بثآلث ثآنوي والثآنيه بأولى ثآنوي
بعد ماستأذنت من زوجي عشآن نتعشى برى

قلت لخوآتي وش رايكم نمر المملكه ابي دبنهآمز شوي مآراح نطول لأنهآ مآقالت لزوجهآ بتروح للسوق

ورحنا المملكه ودَخلنآ دبنهآمز
أختي الصغيره قآلت بستهبل شوي بشوف هم يدرون عَني أو لا ..
فأخذت شبآصتين وحَطتهم بشَنطتهآ من دون مآتحآسب عليهم
بنيتها والله تحآسب عليهم لكِن قآلت بشوف أول يعني مُغآمره حَبت تعيشهآ شوي

مآدرينآ الا بخَمس شبآب سعوديين وآقفين فوق رآسنآ
كآنو مشخصين وكآشخين ..ومن هنا وهنا عَرفنا انهم شآفو حركة أختي بكآميرآت المُراقبَه ..
فقآلو لنآ تفضلو معنآ شوي ..
طلعونآ فوق لمَملكَة المرأه ودخلونآ بغرفه كآن شكلهآ زي المحآكم ..
كآن فيهآ ظآبط .. وهي كآنت غرفة التَحقيق ..
أقولهم والله العظيم كآنت مزحه وكنا بنحآسب على هالشبآصتين
رد وآحد منهم قآل اجل روحي أقتلي لك وآحد بالشآرع وقولي مزحَه !
قلت لهم خذو الشبآصات ماأبيهم وهاكم حقهم ، قآمو يلتفتون على بعض ويضحكون ويتمصخرون علينآ

من السآعه 9 للساعه 12 وحنا بهالغرفه شفنآ شي وقسمآ بالله يَندى لهُ الجَبين !
تَحرشآت من هالكِلاب اللي يمآرسون سُلطَتهم ويستغلون منآصبهم ويتحرشون ببنآت خلق الله

قآلو لنآ تعالو بنوريكم شي ..
رحنآ ودخلنآ بغرفه كبيره كلهآ شآشات .. وكآن فيهآ ثلاث فلبينيين .. انصدمت من اللي شفته !
كآنت الكآميرآت مسلطه على كل المجمع حتى مملكة المرأه
البنآت يروحون ويجون مآخذين رآحتهم ، مآيدرون انهم صآرو مُسلسل سعودي من ترليون حَلقه !


قالي وآحد منهم شوفي بوريك شي
ويعيد الشريط اللي فيه أخذت أختي الشباصات ، وانا كنت بوقتها قآعده أقيس خآتم !
قآلي وين وديتي الخآتم ؟ قلت قسمآ بالله رجعته مكآنه ، قال وش يضمني تعالي ننزل تحت ووريني الخآتم
نزلنآ بالسلم المُتحرك حتى واحنا قدآم خلق الله ماسلمنآ من تحرشآتهم القَذره !
ورحنآ لمكآن الخآتم وتأكدو من وجوده .. وطلعونآ مره ثآنيه لغرفة التحقيق ..
دخلو علينآ حرمه سمراء عشان تفتشنا .. قلت لها تكفين يابنت الحلال طلعونآ والله مآتسوى
قالت لي أحمدي اللي سووه فيكم ولا شي من اللي يسوونه بغيركم !!!

المُصيبه ماأقدر اكلم زوجي وش أقوله مسكونآ واختي تسرق !
ولا أكلم أبوي وربي بتجيه جلطه على طول
ولا أخوآني اللي بيوروننا الشغل
سكت وللحين قآعدين قدآم هالست وحوش ! قلت لهم تكفون كم تبون حق هالشبآصات
لف وآحد على الثآني قال كم نآخذ منها 2000 تكفي ! وكملو ضحك وهستره قدآمنآ
قآل واحد منهم يآلله عطونآ ألف وهآتو الغرض اللي أخذتوه وتوكلو على الله !

سآعتهآ والله لو كآنو طآلين مني 10000 كآن عطيتهم
بفك نفسي وبفك هالبنات اللي معي من اللي يصير فينآ .. وعطيتهم الألف ورحنآ ..

من صآرت السآلفه وهي برآسي .. ماأقدر انام بالليل .. بقَلبي


قسمآ بالله إني صآدقه بكل كلمه قلتهآ، واللهُ على ماأقول شهيد !
صحيح انا اعترف يمكن احنآ غلطنآ بس كآنت مزحه والله يلعنهآ من مزحه !
وانا وخوآتي نقطه ببحر من المصآيب اللي دآيم تصير بغرفة الدعآره ( آسفه قصدي غرفه التَحقيق ! )
أعرآض بنات خلق الله صآرت سِلعه رخيصه بأيدي أنآس يَملكون سُلطَه لايَستحقونهآ
وفِعلا حآميهآ حرآميهآ ..









انا مآكتبت هالسآلفه عشآن تمر مرور الكِرآم
لا
أنآ كتبتهآ عشآن أوعيكم عن اللي قآعد يصير خلف الكوآليس
بمسسلسل الترليون حلقه السعودي
وكلي أمل ان هالإيميل ينتشر
واتمنى يوصل لأمآرة منطقة الرياض وللهيئه عشآن يوقفون هالكلاب عند حدهم
حَسبي الله ونعم الوَكيل
حسبي الله ونعم الوَكيل


منقووووول حبيت افيدكم



__._,_.___
.
5
781

هذا الموضوع مغلق.

*miss CHANEL*
*miss CHANEL*
الله اعلم
انثى مبدعة
انثى مبدعة
دائم البنات الي مايحترمون انفسهم يصير لهم هذا الشي اتحد احد يلمس عندنا امراء ما سوت شي
*اخت النجوم*
*اخت النجوم*
اللي يسرق يستاهل مايصير له واللي محترم غصب على الكل يحترمه!
مـي الدوبه
مـي الدوبه
مع احترامي لك حبيبتي

بس مااتوقع اللي ناقلته صحيح ..

يعني وش ضمن هذول ال 6 ان البنات ماراح يشتكو

ع التحرش .وع الالف ريال ..

مااش ماخشت راسي


يسلمو عالنقل
أروووجه
أروووجه
تكررت القصه :/