السلام عليكم
ياريت اذا في احد من الاخوات الفاضلات اللي انتسبت للجامعه العربيه المفتوحه تفيدنا اذا كانت قد فقت بين الدراسه والبيت اذا كانت ربه بيت وايش الصعوبات اللي واجهتها 000وهل الدراسه صعبه ولا لا 000لاني ناويه انشالله اسجل فيها هالسنه في تخصص ادب انجليزي000وشكرا0-

استمون اتمنى لك التوفيق وانك ماتتراجعين عن الدراسة خاصة اذا كنك تقصدين منها العلم

لجل تكونين ام على درجة من الوعي والعلم وبكره ما تحتاجين لمدرسة خصوصيه للغة الانجليزيه والله يساعدك

شكرا لك يا حبه الهملول على التشجيع وبارك الله فيك وفي الاخت الاصيل انا رحت اليوم وسجلت 000وكان الله بالعون0

موفقة يارب ..
وياريت تعطينا فكرة عنها طالما رحت وسجلتي فيها ..
المقابلة وطريقة التسجيل ....الخ وإن شاء الله لكِ الاجر والمثوبة لتعريف الاخوات ..:26: :27:

الاخت الفاضله الاصيل000

انا رحت اخذت استماره التسجيل وعبيتها هناك وكان معي صوره للبطاقه المدنيه وكذلك صوره مصدقه عن شهاده الثانويه العامه ودفعت رسوم التسجيل وهي 10 دينار كويتي وبس0000قالولي راح يطلع اسماء المقبولين في الجامعه في الجرايد و كذلك على موقعهم الرسمي اللي هو :
www.arabou.org
وراح ينزل قوائم الاسماء في نص شهر اغسطس انشالله0
اتمنى اكون وضحت لكم0 وشكرا