السلام عليكم انهاردة جت اقولكم مشكلت الثالثة الى لما شفت المنتدى فكرت فى حلها انا عندى غسالة اطباق مكانها زى ماهو واضح بالصورة
.
الموجودة فىالصورة على اليمين المهم كنت عشان اغسل الاطباق افضل احول فيها من الحوض الى الغسالى يجينى هبوط وادوخ ويعطونى مية بسكر وامى تقولى ريحى نفسك اغسليهم بايدك اقولها اجيب غسالة بالشئ الفلانى مااستخدمهاش انت عايزة ظغطى يعلى تقولى لا الدوخة ارحم المهم اقعد اعصر فىد ماغى ماوصلتش لحاجة جت بنتى الوسطى 10 سنوات قالت ياماما طب ماتحركى الدولاب وتحطيها جنب الحوض فعلا الذكاء وراثة ذكية لامها!!!:04:المهم نفذت فكرتها زى الصورة مبينة
المهم بعد كدة بقى غسيل الاطباق بالنية ابص للطبق يخش الغسالة:angry:مش عايزة حد يالس على الصلصة الى طفت المهم وبعد كدة اتبقى مكان مطرح الغسالة احط فية الطرابيزة بس لسة مااشترتهاش عايزة اخد رايكم لوعايزة ادهن خشب الدولاب الاسود اعمل اية لانى قلقانة من استخدام البوية وخايفة انيل الدنيا فى الرد تقولوا لية اعمل اية وكمان اللون المقترح شوفتو ادب اكتر من كدة بما انكم معاية فى المطبخ مش معقول تمشوا من غير ماتكلوا حاجة دى الوجبة الى عملته يوم التعديل
دى فراخ كنتاكى معجبة بس مش جيباها جاهزة وقليها لانى ضد المجمد مابتعملش معاة اذا ماكنتش الفرخة حية مدبوحة قدامى مااكولهاش متوحشة :cook:لاوالة حاسة ان الاكل الطازة فايدتة عالية السمك لازم يكون حىواللحمة طبعا مابجبش بقرة انما بجبها فرش من عند الجزار بمناسبة السمك انا نزلت الساعة تسعة الصبح انبارح وجبتة حى قلت لازم افرجة لاخواتى قبل مانظفة مش باقولكم متوحشة
وجزء نظفتة وجزء شويتة زى الصور والبوتجاز ماسبتو ش نظفتة 
طبعا شبعتوا من كتر الاكل هاسيبكم عشان ترتاحو بس اوعوا تنسوا الدعاء ثم التعليق انا الايام دى محتاجة لدعائكم لانى مقدمة على موضوع هابقى اقولة لكم لو تم ان شاء **** مع السلامة
ويتمم موضوعك على خير يارب