الحوش الحوش الحوش ؟؟؟؟؟؟؟؟؟؟؟؟؟؟؟؟؟؟؟؟؟؟

رفع
للمساعده
موفقه

الله يوفقك
الاعندهاابو ااخ تسأل ودى اسوييها مفاجئه لست الحبايب

اب

بجمع لك كل الي اشوفه بيفيدك اوكـــــــــــي

قولو معي(استغفر **** العظيم واتوب الية)
(اللهم صلي على سيد الثقلين وعلى األة واصحابة الطيبين الطاهرين بعدد ما ذكرة الذاكرون وغفل عن ذكرة الغافلون)


اختي ..

اذا كان تبي الجدر يسير ساده بمعنى الدهان يكون ساده بدون ديكور ..
لازم تاخذي ..
1- صنفره عشان تنعمي الجدار
2- معجون فوتنايت
3- معجون جاهز
4- تبطني الغرفه ببلاستيك
5- تضربي اللون اللي تبيه
( ادري الطلبات كثيره لكن هذي الخطوات الصحيحه عشان يكون الجدر شكله تمام ومافيه مشاكل مستقبليه )

اما اذا تبي تغيري اللون فقط

تاخذي جالون واحد فقط زيتي مطفي تبطني فيه

وتاخذي بعدين 2 جالون من اللون اللي تبيه ..

وبآمآنه افضل دهانات جوتن ،، اسمعيها نصيحه من اخ له معارض وجربت كل الدهانات الموجوده في السوق ..

الافضل كـ خآمه وكـ قوه وكـ استحمال هي جوتن فقط الباقي تمشيه حال ..

والله يوفقك ويسهلك امورك ويكتب لك اللي فيه الخير

إليكم الموضوع بالصور .....أولا أنا بأشكر الأخ الكريم حسام
وعلى فكرة أنا أعمل فى مجال الديكور من 30 سنة تقريبا .
فهى المهنة التى صرفت على تكملة تعليمى .
طريقة أسفنجة الأسبونيش أو الأسبانش كما يسميها بعض الناس
تصلح أن تدهن الحائط ثم تدق بها أو تدهن الأسفنجة بالبوية وتدق بها
على الحائط كما سترون فى الصور وشرحى للموضوع . والموضوع
قديم لآنى نزلته فى أكثر من منتدى وسوف أنسخه لكم .


ده بقى يا حجنا قطعة بلاستيك كورناها مع الحفاظ على التعرجات وخطوط النكسارات
فيها عشان تعطينا الشكل الذى تراه بالصورة حين ندق بها على الدهان وهوا على الحائط .



ده بقى المشط يا عم الحج. أنا شخصيا ما أحبوهوش . شكله مش عاطفى . إلا فى حالة
تقليد سمارة الخشب . بيبقى مفيد فى تقليد الجازيع الطبيعية .


هنا بتغمس الرولة فى الدهان وبعدين نمشيها على الحوض عشان يصفى منها الدهان الزيادة




بندهن بيها الحائط باللون المطلوب . وتلاحظ هنا أنه لاصق شريط على كورنيش السقف عشان ما يتوسخش


خد بالك يا حجنا . شوفت بيعمل ايه؟
بفرد فرخ البلاستيك على الحائط . ...طيب وبعدين ؟؟؟؟؟؟؟؟؟؟؟؟؟


هوا ده بقى بعدين . بيدق بالمشط على البلاستيك عشا ن التعاريج والأنكسارات والكرمشة تعمل شغل


بيتزعه بالراحة خالص وشوف أنت بقى الفرق.والتأثير اللى حصل .


ودى الحجرة بعد ما تفنشة وأتفرشة . شوف شكلها وجماله
----------------------------------------------------
طريقة فوطة الأسبونش:


بنزل الفوطة فى الدهان وهوا طالع بيعصرها وفى ذات الوقت بيبرم الفوطة يعنى بيلفها على بعضها طوليا.


بينزل بيها على الحائط وهوا بيبرمها على خفيف عشان ما تنفك منه وتغير الشكل

الحجرة بعد ما كملت ......
--------------------------------------------
طريقة الأسفنجة:


بيدهن الأسفنجة باللون أو ممكن يدهن الحائط ويدق بالأسفنجة زى ما أنا بأعمل فى شغلى .......... وكل ما الأسفنجة تشيل دهان أكتر من اللآزم يفرغ الزيادة على قطعة قماش قديمة أو ورق جرائد بس يحاسب من حبر الطباعة
أحسن يبهت على الأسفنجة ويغير اللون .....

وبيدق باللأسفنجة على الحائط دقات منتظمة لكى يكون تأثيرها منتظم ودرجة اللون واحدة فى كل الحائط .

الحجرة بعد إكتمالها وتشطيبها



في هادا الموضوع المتواضع , راح نتكلم عن البويات و كل شي يتعلق عنها , زي ماهو موضح في العنوان .
و هادي المعلومات جمعتها عن طريق خبرتي البسيطه في عالم البويات و التي هي مضمونة 100% و نتائجها مجربه على مدى سنين من العمل المتواصل .

راح نتكلم في هادا الموضوع عن :

:: أنواع البويات .
:: اسعار البويات .
:: أماكن رش البويات .
:: أسعار رش البويات .
:: كيف تعرف إذا كانت الرشه سليمه و نظيفة .
:: متطلبات السمكرة السليمة .
:: ما يلزم عمله قبل الرش .
:: المتطلبات اللازمة لعمل البوية في المنزل .
:: طريقة رشة البوية في المنزل .

الكثير مننا لاحظ كثرة الأسئلة عن البويات و اسعارها و اماكن رشها ..

ففي هادا الموضوع حاولت بقدر ما استطيع اني احصر كل شي حتى لا تكون هناك أسئلة أخرى ..

نبدأ بسم الله ..

:: أنواع البويات ::

نقسم البويات إلى قسمين رئيسيين و هما :

أولاً / البويات العادية " أبو 5 ريال " :

و هي معروفه لدى كثير من الشباب بهالإسم " أبو 5 ريال " و هي في الحقيقه ذات أسعار متفاوته حسب الجوده و النوعية .
فيوجد منها 4 أنواع :
1- النوع المعروف اللي يكون بـ 5 ريال و متوفره له ألوان عديده ساده .
2- نوع من شركة ديوقاتي ميتاليك ما ينباع إلا في المراكز و المكتبات الكبرى زي " جرير " و يكون سعره على 25 ريال و له ألوان معينه " أزرق - موفي - أخضر زيتي - أسود " .
3- أيضا من شركة ديوقاتي و لكنه مختلف عن اللي قبله بأنه حجمه نصف الحجم العادي و أيضا لمعته كتير و يسمى النوع هادا بالـ " ميتال فليكس " أو ترتر و متوفره له ألوان معينة و هي " أزرق - موفي - أخضر زيتي " .
4- النوع الأخير و هو أيضا من شركة ديوقاتي و هوأيضا ميتال فليكس و على قولهم " ترتر " و يكون سعره أيضا 25 ريال و لكنه بنصف حجم العلبه العادية و له أيضا لونين فقط و هي " فضي - ذهبي " و هادي لمن تنرش بس تعطي ترتر لحاله مو زي النوع اللي قبله ترتر مع لون .

و هادا النوع من البويات " البخاخ " بسيط جدا جدا من ناحية الرش , ما عليك إلا انك تفكفك المجسم و تبدأ ترش من بعيد و ممكن أنو أي أحد يرشه في بيته عاد ما يبغالها الهرجه يا شباب ^_^ .
و ما أنصحكم انكم ترشوا بيها داخلية السيارات و خاصة المقاعد لانها بتدبق " تلصق " بعد الرشه .


ثانيًا / النوع الثاني :

بويات السيارات الحقيقية , و ما تنباع إلا في محلات بويات السيارت في الصناعية , و لها عدة أنواع :
1- بوية سادة .
2- بوية ميتاليك .
3- بوية لؤلؤي .
4- بوية ميتال فليكس " ترتر " .
5- بوية ماجيك .

..: البوية السادة :..

و يجي بدون لمعه زي اللون الأبيض حق التاكسي و باقي التكاسي و زي كدا .

طريقة الرش : توضع مع مجفف و تنر و تخلطهم و تبدأ ترش .

..: البوية الميتاليك :..

أو ما تسمى بالـ " معدني " و تجي في أغلب السيارات من بلدها و تكون على شكل حبيبات لمعه صغيره جدا .

طريقة الرش : توضع مع التنر و تخلطهم و تبدأ ترش بس راح يطلع اللون مطفي و راح نوصل لدي النقطه بعدين .

..: البوية اللؤلؤي :..

من أروق الألوان , تقدر تختار أي لونين و تخلطهم مع بعض عند المحل و عند الرش يطلع لونين حلوين زي اللوز , و لكن ما تقدر تزود عن لونين .

طريقة الرش : أول شي تنرش البطانة زي طريقة رش البوية الميتاليك , و بعدين ينرش فوقها اللون اللؤلؤي .

..: البوية الترتر :..

معروفه بلمعانها الشديد , و تباع عند العمودي في جده .

طريقة الرش : بصراحه طريقة رشها صعبه , و ما اعرفلها , و هي أيضا بوية غالية , فيفضل أنو اللي يبغى يرش من دا النوع انه يروح عند مختص يرشله هيا زي مودا كار .

..: البوية الماجيك :..

ما يحتاج شرح معروفه لكل الشباب و هي تقلب لأكثر من لونين إلى 8 ألوان , تجي البوية جاهزة من هولندا بالطلبية , و تكون في علبة وحده بعكس اللون اللؤلؤي اللي يكون بعلبتين .

طريقة الرش : تخلط مع التنر و تبدأ ترش , و بصراحه من أغلى البويات , فلو بغيت ترش روح لمختص يرشلك هيا , و مو لأي ورشه عشان لا يعدملك هيا .

:: أسعار البويات ::

بالنسبة للأسعار فلكل بوية سعرها و لكل شركة سعرها الخاص بها , فالسعر عادة يكون على حسب النوع و الجودة , و بصراحة أفضل شركة أتعاملت معاها هي شركة " سيكنس " الهولندية اللي يوردها العامودي فرع مكة المكرمة و و كمان في نوع طيب إللي هو " أكزو ".
و توجد أيضا بويات مختلفة تبدأ من الهولندية نزولا إلى الأردنية و المصرية و الصينية ووو .. بلا بلا بلا .
في نوع من البويات و اللي افتكر انه صيني , أعوذ بالله ريحته عفنه بشكل ! ..
بس هناك أنواع ريحتها خفيفه و تروح بسرعه .

دحين حاتكلم عن البوية الهولندية " سيكنس " اللي اتعامل معاها :
1- البوية العادية : 15 ريال للربع الكيلو .
2- البوية الميتاليك : 20 ريال لربع الكيلو و 10 ريال للـ 100 غرام .
3- البوية اللؤلؤي : و زي ما ذكرت لكم أنه يجي بعلبتين مقسمه " بطانه و لؤلؤي " تجي تقريبا 40 ريال للنص الكيلو و 20 ريال للـ 200 غرام .
4- الميتال فليكس " الترتر " : سعرها بالكيلو بـ 1400 و ربع الكيلو حقها بـ 350 ريال .
5- البوية الماجيك : و ما تنباع بربع الكيلو , لكن تنباع بالكيلو , لأنها تجي علبه وحده و مقفله من بلدها , و هي أصناف كتير لكل صنف عدد معين من الألوان و مختلفة الأسعار من 1200 للكيلو إلى 1700 .

* زي ما قلنا .. لكل شركة لها سعرها , هناك أسعار أرخص من هادي بـ 5 و بـ 10 , لكن هل هي بنفس الجودة ؟ الله و أعلم ما قد جربت .



:: أماكن رش البويات ::

بالنسبة لأماكن الرش .. في أي صناعيه تروحها في أي منطقه من مناطق المملكة تقدر تروح و تدور على محلات السمكره و البوية , و الصناعية مليااانه وِرَش على قفا مين يشيل , و عاد انتا و حظك إذا كان فاضي رشلك و إذا كان مشغول أرسلك على واحد غيره .

:: أسعار رش البويات في الورش ::

تبدأ من 30 ريال إلى 100 ريال و أكتر و بصراحه في ورش ترش بـ 30 ريال رشات أفضل من أبو ميه لأنو على حسب المعلم و شغله و انتا و حظك ..فـ على سبيل المثال مجسم البي إم حق أخونا فهد الشمري المرشوش زيتي , بـ 30 ريال و بصراحه رشت شركات ^__^ .

و عاد انتا و شطارتك لو كاسرته في السعر و زي كدا , و يفضل انك تجيب البوية بنفسك عشان لا يرشلك درجة لون ما تعجبك فتروح تتمشكل معاه قدو هوا يالله الخراج و بالعافيه رشلك ^__^ .
و يا شباب مو شرط انو السعر هو اللي يحكم نظافة الرشه .. و هادا شي معروف .. لكن على حسب شغل المعلم , أيضا شغل السمكره " مسح المسكات - مسح الجلود - مسح الشنطة - ,, " هادا ما يكلف كتير يعني إزا ضربت الحمّى و ضحك عليك زوّد 40 ريال فوق سعر الرش .

:: كيف تعرف نظافة الرشة ::

أول شي تشيّك على البوية , إذا كان فيها حبوب أو أشياء زي كدا تعرف انه أستعجل و ما رش اللكر طبقات , و كمان حاول تدقق انه في كل مكان من السياره وصلها لكر , لانو في بعضهم الله يهديهم يرشو الجزء العلوي من السياره لكر و ينسوا الجزء السفلي مطفي و راح يعدم شكل السياره مرره .

:: ما يلزمك عمله قبل رش السياره ::

أول شي إذا كانت السياره جديده كرت و ما تجرحت ولا شي ما يحتاج انك تصنفرها و لا شي و بغض النظر عن لونها , لانو المعلم في الورشه عارف انو لو كان لونها غامق راح يرشها أساس و يبدأ يرش و هو عارف شغله .
أما لو اشتغلت شغل سمكره عالسياره قبل ما ترشها فلازم تتأكد أنو كل السياره ناعمه , و تروح عند الأماكن اللي مهي ناعمه و تنعمها بالصنفره الناعمة .

:: متطلبات السمكرة السليمة ::

أول شي لازم تستخدم معجون السيارات الحقيقيه و اللي هو معجون الحديد يتكون من " معجون + مجفف " و اللي استخدمه صناعه مصريه من شركة كابسي و هو مخصص لسمكرة الحديد , فهادا المعجون لازم تخلطه مع المجفف اللي يعطيك هوا الراجل معاه , لازم تحط كمية زي ما هو موضح بالصورة تقريبا :



بحيث أنو الأحمر مجفف و الفضي معجون و هما ألوانهم في الحقيقه زي كدا , و تبدأ تخلطهم و لازم يكون شغلك سريع سريع عشان قبل لا ينشف عليك " ينشف في ظروف 5 دقايق " .
و بعد كدا بعد ما ينشف تاخد الصنفره الخشنه و بشويش تمشي عليها شويه شويه عشان لا تجرح البودي كتير و تضرره الين ما يتساوى المعجون مع بودي السياره و بعدها ابدأ أشتغل بالصنفرة الناعمة الين ما يصير الجزء المسمكر كأنه جزء من أجزاء السيارة , في نقطه أحب انبه عليها اللي هيا لازم يكون نسبة المجفف زي الصوره تقريبا عشان لو زادت كمية المجفف راح ينشف المعجون بسرعه و ما راح يترك لك مجال إنك تتفنن و توزعه على مسافات , و لو نقصت كمية المجفف ما راح يجف معاك المعجون لو تبيض , و راح تضطر إنك تيشل المعجون من السياره و تعيد عملية السمكره من جديد و عاد الله يعين المستعين .




:: المتطلبات اللازمة لرش البوية في المنزل ::

1- كمبريسور هواء و هو موجود عند ساكو و سعره 300 - 400 ريال و في أغلى لو تبغى , من الممكن أنك تستفيد منه في غير رش البوية مثلا تنظف سيارة الوالد من جوا تنظف الحوش تنفخ كورالجيران بريال ينفعك و أيضا بامكانك انك تستأجر كمبريسور من محلات مواد البناء , و سعره يوصل 30 ريال لليوم الواحد .
2- لي بالطول اللي تبغاه سعر المتر بـ 5 ريال مانع لتسريب الهوا مجرب و مضمون .
3- مسدس بوية سعره بـ 70 ريال صناعه اسبانية ممتازة مجرب و مضمون بس لازم تحافظ على نظافته بعد كل رشه مثلا " تفكفك الراس و تنظفه , تنظف الخزان بالتنر , تنظف المجرى " .

:: طريقة رش البوية في المنزل ::

كما ذكرت لكل بوية طريقة رش خاصة بها , فدحين خليني أوضح لكم بالتفاصيل و الصور إيش لازم نعمل قبل و أثناء الرش :

أول شي هادي صورة توضح المسدس و توضح الأشياء الضرورية فيه :



* حاول قد ما تقدر تخلي الهوا الخارج و البوية الخارجه على أقل شي , يعني تخرج بكميات قليلة , عشان تشكل طبقات و تنظف رشتك أكتر .



* ممكن إنك تعمل منصة أو ستاند تحط عليه المجسم وقت الرش من أي شي , مثلا : سلة القمامة " الله يكرمكم و يعزكم " ممكن إنك تلفها بعدد من الجرايد و تلصقهم بالشطرطون و ترش المجسم فوقها , و بصراحة هي أفضل منصة رش استعملتها إلى الآن , و بعد ما تخلص رش شقشق الجرايد و أهلا و سهلا بأحلى سلة .


* اللكر مادة لزجة ثقيلة دبقة , يضاف لها التنر عند الرش عشان يخففها و يسهل طلوعها من المسدس , الله يعينك لو جا على يدك تحس نفسك سبايدر مان ! , تنباع بالنص الكيلو كأدنى كمية , و يكون سعرها 20 ريال , و تكون في علبة حقت سوبر شل , فأحسن انك تشتريها بالعلبة اللي بـ 35 ريال , لانو اللي بـ 35 لها جالون خاص بيها و غطا فتضمن انو ما تنعدم عليك مع الزمن , و أيضا كميتها أكتر , و بالنسبة للمجفف فسعر العلبة الصغيرة منه بـ 25 ريال , و هادي الأسعار يا شباب تختلف من محل لمحل و صناعه لصناعه وهادا شي طبيعي و معروف , ممكن تكون أغلى أو ارخص من كدا , بس هادي الأسعار اللي اتعامل بها مع المحل اللي اشتري منه .


* ملاحظات تفيدك *

<> بقدر استطاعتك عزيزي القارئ , حاول انك ترش المجسم في مكان مفتوح , مثلا : زي حوش البيت و هو أفضل مكان للرش , و إذا ما قدرت ترش في الحوش رش في مكان جيد التهوية حاول أيضا انك تلبس كمامات تباع في محلات مواد البناء و بالتحديد " ساكو " بسعر 15 ريال للكمامة , لانو ريحة المجفف و استنشاقه بكثرة تؤدي إلى أمراض الربو و الكحه البعيد عنكم .


<> اختر ظروف الهواء المناسبة .. كيف ؟ .. يعني اختار وقت ما يكون فيه الهوا قوي , عشان لو رشيت و في هوا , الهوا دا بيشيل معاه اتربه و غبار , فلو رشيت اللكر و جا هوا شايل معاه غبار و لا تراب قول لتعبك سلام عليكم . << انفهمت النقطه و لا ؟ ^__^ .


<> أفضل أوقات للرش من الساعه 4 عصر إلين المغرب , و خد في بالك انك لو بدأت ترش 4 عصر ما حتخلص إلا 8 عشا , ما أدري امكن الشغله المفروض ما تاخد الوقت دا كله , لكن كل ما حاولت إني أبدّر و استعجل في شغلي تطلع النتيجه 3 أو 4 ساعات من العمل المتواصل و طبعًا لازم الدقة في الرش و الدقّة تتطلب التركيز و الوقت مع بعض.


<> قبل ما ترش مجسمك جرب الرش و تعود عليه على أي شي عندك " قطعة خشب - حديد " أي شي .. أهم حاجه تتعود انك تتحكم في كمية البوية الخارجة و تتمرس عليها .


<> نظف مجسمك تماما من أي غرا أو زيوت و غبار قبل الرش .


<> إذا رشيت مجسمك من قبل فلا ترش اللون الجديد فوقه عشان لا يسويلك طبقات من البوية ما لها داعي , باستطاعتك انك تزيل البوية القديمة بطريقتين :


الأولى / اشتري مزيل بوية من محلات مواد البناء و فكفك المجسم و صب فوقه شويه شويه , راح تزول البوية في ظرف ربع ساعه لكنه متعب , انتبه لا يلامس جلدك تراه يللللللسسسسع << مجربها ^__^ لها طعم و الله ! .


الثانية / جيب قدر يكفي حجم المجسم و عبي القدر تنر حار , و غطس المجسم في القدر بالكامل و خليه حق ساعه , و بعد كدا شيله و نظفه بفرشة أسنان قديمة , و بصراحة هادي الطريقة أحسن من اللي قبلها .


<> خد في بالك انك بترش مجسم , يعني الشغله ما يحتاج لها وقفه و تعب زي ماهو حاصل عند رش السيارات الحقيقيه , بس الشغله كلها دقة و تركيز و صلى اللهم عليه , يعني لمن تجي بتجهز العدّة , خد لك كرسي + طاولة قصيرة + المنصة اللي حيوضع عليها المجسم لمن ينرش , بعدها قول بسم الله و أبدا أشتغل و انتا مبسوط و مرتاح .


<> لمن تجي تصب البوية في الخزان لازم تصبها من خلال الصفاية الورق , عشان تضمن أنو ما يكون في أي اتربة و شوائب لمن ترش





<> اللكر ينرش طبقات خفيفه بحيث انو يكون الرش طبقه طبقه و زي كدا و شويه شويه , بس ها ! .. لا ترشه كلو مره وحده عشا لا تطلع في الرشه حبوب و هادي الأشياء , و كمان على حسب ضغطتك على المسدس إذا ضغطتك خفيفه بيطلع معاك قليل و إذا ضغطت بالقوه عاد الله يعين المستعين .


<> عند الانتهاء من الرش , و في اثناء انتظارك للمجسم انه ينشف من اللكر , حطه في مكان معزول عن الهوا , عشان الهوا زي ما قلنا انو بيشيل معاه غبره , و المجسم لسا ما نشف فحتلصق فيها الغبره و لا عاد تطلع بحيث انو اللكر حيكون زي الغرا عالسيارة و يمسك في أي شي .


<> نظف مسدسك بالتنر , ابتداءا من تنظيف الراس بدقة و احكام , و تنظيف الخزان , و تنظيف المجرى , و يكون تنظيف المجرى بإنك تصب شوية تنر في الخزان و تبدأ ترش عالهوا عشان البوية اللي في المجرى تخرج و يسير بعد كدا نظيف تماما باذن الله .


<> لا تلمس المجسم مررره لين ما تتأكد أنه نشف تمامًا ! .. كيف تتأكد ؟ .. روح عند أي منطقه وصلها اللكر مثلا عند الحديده اللي تكون فيها مفصلة الكبوت و أيضا يوضع عليها الطبلون و عاد الشباب كلهم عارفينها و ما يحتاج توضيح بالصور , هادي المنطقه المناسبة عشان تتأكد هوا اللكر نشف و لا لسا , و كمان على حسب كمية المجفف اللي حطيته فلو كتير نشف بسرعه و لو قليل نشف بوقت طويل شويه .



واسفــــــــــــه طولت عليكـ وفي اوات كثيره تساعدك لتعتيق..

يارب يعجبك خيتو..
سبحان الله وبحمده عدد خلقه ورضى نفسه وزنة عرشك ومداد كلاماتك..


وهذه الروابط الي في المنتدى الي تخص التعتيق


http://www.forums.topmaxtech.net/t371.html

http://www.forums.topmaxtech.net/t20624.html


وهذا ايضا موضوع درس في نوع من تعتيق الدهانات


http://www.forums.topmaxtech.net/t19044.html


روابط اخرى


http://www.forums.topmaxtech.net/t19044.html


وهذا بصراحه موضوع غايه في الروعه
ل ألوان الدهانات المخملية المعتقة

http://www.forums.topmaxtech.net/t23218.html