احسن مافي الطايف جوها عندك فندق الهدا رمادا حلو واذكره قبل سنتين كان فيه فعاليات حتى الساعه وحده بالليل وعنك منتجع الحدبان انا شخصيا معجبني مره كل مااروح الطايف لازم امره تلقينه ببداية مدخل منطقة الشفا ولا تنسين فاكهة الطايف طعمها لذيذ مره لان اغلبها معتمده على ماء المطر وخاصة البرشوم اتمنى اكون افدتك وارجوك ادعيلي بسفره حلوه وارجع سالمه غانمه

ياهلا فيك حبيبتي لوتاخذين عمرة وتروحين الشرقية احسن بصراحة انا من اهل الطايف احسن شي فيها الجو وترى السنة ذي الجو حار
الطايف مافيها شي يسر الخاطر لا سكن ولا اسواق حلوه والمطاعم الزينة تنعد على الاصابع

اذا تحبين الرفاهيه طولي بجدة ..
اسواقهم حلوه عند الردسي مول - مجمع العرب - والتحلية وغيرها كثير مرره تحتارين بس هذي الثلاثة لا تفوتينهم

عندك سوقين فيها بولينج صالة فوق كبيرة و كافي جلسات حلوه بس ناسية اسماءهم بس اسالي اي احد هناك يقولك

عندك مقاهي على البحر حلوه مقاهي ومطاعم

مطعم الحلواني بالتحلية حلو و اذا تحبين الاكل الايطالي والهندي والصيني كلها متوفرة هناك بكثرة ومطاعم جدة اغلبها راقية مرره ..
وفيه مطاعم خاصة للاسماك بعيدة عن وسط جدة بس اكلهم يجنن جلسات بسيطة مثل الغرف بس طبخ ما عليه كلام مثل العنبرية و حولها مطاعم كثيرة تختارين السمك اللي تبينه وطريقة طبخه تبين مشوي او مقلي .. روعه الطبخ حقهم على اني اول ما دخلت ما عجبتني الجلسة واسعارهم غالية شوي بس الحين مشتهيه اذوق طبخهم روعه يستاااهل ..

وبالنسبة لشاليهات عند موفنبيك الافضل هناك وفيه مطعم راقي و بعد شاليهات فينيسيا و نوفنتيل و الهوليدي ان ..

درة العروس حلوه مرره بس بعيدة عن وسط جدة شوي

وبالنسبة للملاهي الجينج لاند و الشلال

اما الشرقية كورنيشها حلو احلى من جدة بس كمدينة اقل فخامة شوي من جدة
الشرقية فيها مطاعم كثيرة ( مطعم كوبر شيندني - مطعم روما - مطعم تشيلز - شيزان الهندي - ابل بيز - وغيرها كثير وتكثر المطاعم السريعة على الكورنيش و الكوفيهات )
اسواقها حلى شي الراشد مول ومارينا بالدمام و فيه الظهران مول هذا اللي اتذكره ..

الطايف جوها حلو مرره بس ما اتذكرها من زمان عنها بس اذكر نوفنتيل لسكن حلو مثل الفلل الصغيرة جنب بعض وقدامهم حديقة وملاعب للأطفــال .. و فيه فنادق تنظم رحلات لمكة تقدرين تسكنين على طول بالطايف وتروحين بالباص لمكة وتعتمرين و ترجعين ..
لو حبيتي مع ان الجلسة بمكة تجيب العافية ..

مكة حلوه فيها مطاعم واسواق فخمة بس بعيدة عن الحرم يعني اذا تبين شي زين اطلعي من منطقة الحرم و تلقين مطاعم راقية ..
طبعا لا اوصيك لازم تأكلين من مطعم البيك بعيد بعد شوي عن الحرم خمس دقايق اي تكسي يوديك هو مثل الوجبات السريعة بس طعمه يجنن .. بالنسبة لمنطقة الحرم افضل سوق وقف الملك عبدالعزيز .. بس نصيحة اذا بتروحين لجدة لا تتسوقين بمكة خلي الاسواق بجدة والشرقية ..

و رحلة موفقة و استري ما وجهتي في ديرتنــا ..

صــــادقة ... :icon33:

هلا حبيبتي فيك بتنور الغربية انا من الطائف واحب افيدكـ بالطائف وجدة ومكة
عندكـ الطائف في الجو ولا مااااااااليزيا << كني باااالغت هههه
اذا جيتينا لازم تزورين الشفا واطلعواا فوووووووق مرة فيها منتزهات خياليه فلل واستراحات عائلية وفيها جبل دكا روووعه زوروه لازم
والهدا فيها بعد كثير منتزهات عندكـ الشلاال والجبل الاخضر وتلفريكـ الهدا انزلوا فيه على مكة ههههه متعه وبعد قرية الكر اللي ينزل فيها حتي تهبل
مسابح والعاب مائية نسائية ورجال
وعندكـ المولات عادية جدا يعني ماتحتاج زيارة
وعندكـ بعد شارع شهار هنا ارقى ااحياء الطائف حتلاقي فيه احلى مطاعم الكبابجي عالشارع العام والرمانة والروشة اسفل الشارع بالاخير
وفيه بيتزاهت وماكدونا وبعد شارع شهار يجيك طريق الشف الطالع فيه مطعم صيني رووووووووعه ولذيذ على مسؤؤؤؤليتي اسمه لؤلؤة الصين.
نجي لمكة ... فيه الفنادق اللي حولين الحرم روووعه بس شوي غالية زورا ابراج البيت حليوة
ترى مافيها منتزهات الا تقريبا اثنين وصغيرة بعد وحتى المطاعم موذاكـ الزوووود بس لاتنسون تاكلون في البيكـ لذييييذ بروست ومسحب
عندك كمان جدة فيها منتزه الشلااااال عالبحر روووووعه ومنتزه فن تايم اذا معاكم اطفال حلو ومنتزه الامواج وعندك كنز ابحر راااااقي مطعم وملاهي ومقهى جلسات عالبحر اعتقد انه في ابحر
المطاعم في جدة شي خيالي فيه مطعم باكستاني بالحمرا اسمه مرحبا والهندي شيزان هذا معرووووف
وشيلز وفرايديز ومطعم شايا ايراني كلها حلووة وراقية وعندك كمان قدورة و\عمو حمزة << هذا سمك حلو
والمولاااات عاد جدة تجارية معروووفة باسواقها فيه ستار افينو بس شوي غالي وفيه ردسي مول حلو وفيه مجمع العرب وعزيز مول والاندلس هذا بجد ذووووق والصيرفي وجدة مول وشارع التحلية وكمان شارع الامير سلطان
زوروا المدينة << زودتيييها خخخخخ
بس والله روووووعه لو رحتوا لها ماعاد تطلعون منها شي مو طبيعي وروحانية خيالية خربوها مرة وحدة
اتمنى اكون افدتكـ ياحلوة وتشرفينا وعمرة مقبولة يارب لاتنسين تدعين لي معك ربي يحفظلي حياتي الزوووجية يااااااارب