عودة لموضوع اللي زوجها طوييييل تدخل

انا من تزوجت وجبت عيالي ....ومشت حياتي طبيعية..كان في مشكلة تلوح لي بيدها

من بعيد وانا اصد عنها...وكل ما لوحت لي صديت وطنشت اليما جا اليوم اللي القاها

فجأة .....وجها لوجه...

المشكلة بدايتها طول زوجي....والحين اولادي تغيروا بعد

يعني حسبتها بعد تقريبا 4 او5 سنوات رح اصير؟؟؟؟؟

تذكرون قصة بياض الثلج والاقزام السبعة؟؟؟؟

عليكم نور...بصير ستارز والعمالقة السبعة

بنات...اول قولوا ماشاءالله .... ولدي البكري عمره 13 واطول مني بشبر ونص

وبنتي 12 اطول بشبر

الثالثة.. اسم الله عليها عشر سنين اطول مني باصبعين

ماادري اهم اللي يطولون والا انا اقصر ؟؟حاسة اني مع الايام ادخل ببعضي اتقلص

صايرة لي شخصيتين او بالاصح حجمين

معاهم قصيرة ومع اهلي وخواتي وعماتي طبيعية

يعني في بيتي انكمش... وبره اتمدد !!!!

خل اقولكم موقف عينة من الاحباط اليومي

مرة جيت بالصالة ادور الريموت قالت ولدي بالمكتبة فوق(حتى الصغار ما ياخذون

البطاريات ويركبونها على الجيم بوي)

حلو بس وين فوق ماشوف...قالت ملقوفتي الثانية.. كاهو جدام عينك ..تحسب

المستوى واحد

خذتهم على قد عقلهم وقعدت وقلت اللي حاط الريموت يجيبه

عيالي على بالهم مابي اتعب نفسي...مادروا..اني مو قادرة اطوله

مع اني مو قصيرة حيل طولي 158لكن زوجي تقريبا مترين....مقرودة

في احد نفسي يعاني مثلي؟؟؟؟؟ لا تقولون مشكلة تافهه للحين ماشفتوا شي