السلام عليكم اخواتي وحبيباتي..
انا بدخل على طول في موضوعي..اللي ادري انه ماعندكم حل..بس انا ودي افضفضلكم وطمعانه كمان في دعواتكم..
السالفه ومافيها يابنات... الوضع المادي والحمدلله ..والمقارنات مع الناس..
يعني انا باختصار متزوجه من 6 سنين الله يديممها..وعندي 3 اطفال..
باختصار شديد زوجي والحمدلله اكثر واحد من طرف اهله ومن طرفي..حالته الماديه على قده..
يعني كمثال انا ساكنه في جده..واهلي بالشرقيه.. والحين اهلي واختي جايين زياره في جده..وماشاءالله لاقوة الا بالله اختي هذه زوجها راتبه مره كويس(رغم ان شهادته العلميه اقل من زوجي)..وهي كمان موظفه براتب ماشاءالله حول 10 الاف..
المشكله ان الحين زوجي بالذات هالشهر يقولي مرررررررره طفراااان.. وانا اهلي جو هنا..يعني اكيد نبغا نطلع العيال نمشيهم ..وش اسوي ياربي؟؟:(
وغير كذا ماشاءالله اختي جايبه لعيالها(قد عيالي).. كل الاجهزه اللي في بالكم..زي(وييي /بلاي ستيشن /الخ).. وانا اليوم ولدي حزني يقولي مابغا ارجع البيت ابغا العب ويييي معهم :(
والويي هذا سعره حول الالف تقريبا..
غير كذا ولد اخوي راح تويز ار اص ..واشترى العاب ..وراح اشترى ملابس بن 10 واللي يحبوها الاولاد..وانا لما شافه ولدي طالع فيني انه يمه وانا؟؟؟؟وين اشياءي؟؟:(
انا يابنات ولله الحمد افضل من غيري بكثير..لكن الضيقه اللي فيني الحين سببها انه جات ظروف زوجي على قدوم اهلي هنا ..يعني وش اسوي بالله؟؟
وغير كذا يابنات حتى من طرف اهل زوجي..ماشاءالله كللللللللللهم عندهم (اي باد /اي بود /بلاي ستيشن 3 اللي بالفين اظن/وييي /بي اس بي اللي سعره ب900 ...الخ)..وكلللللللهم قد عيالي اعمارهم..ولدي دااااااااايما يقولي ابغا زي فلان وفلان..
وغير كذا تصدقوا يابنات ولله الحمد..لي 6 سنوات زواج وداخله عالسابعه (اللي يجعلها خير لنا)..وربي ماقد سافرنا ابداااااااااااااااااااااااااا لا جوا السعوديه..ولا بره السعوديه..اصلا جواز السفر حقي منتهي من سنتين تقريبا ولا جددته..وعيالي ماعندهم جواز سفر اصلا..
وداااااااااااايما خواني وخواتي..واخوان وخوات زوجي يسافرو..وعيالهم يرجعو يحكو سواليف السفر..واللي راح ديزني واللي راح لندن واللي الخ....
تخيلو قبل فتره جاني ولدي ابو 5 سنين يقولي ماما ابغا اروح دبي اشوف الدلافين!!!! قلت له وش عرفك بدبي؟؟قالي فلان(ولد عمه) قالي لما رحت دبي لعبت مع الدلافين وسويت وعملت الخ.....:(
وقبل شهر عيال عمه راحو سنغافوره و متصورين في ملاهي تفتح النفس..ومتصورين وهم عالبحر ويسبحوا وولدي كالعاده ..ماما حلو مكانهم ليش مانروح زيهم؟؟:(
واللي تاعبني اكثر انه وربي يابنات انه انا وزوجي اكثر اثنين في العيله مقتصدين في الفلوس..يعني انا وزوجي المسكين ..مانشتري اشياء لنا وندلع نفسنا بساعه ولا شنطه ولا غيره..
وكل سلايفي وخواتي وربي ماكذب عليكم..وحده ماخذه شنطه جوتشي ب4الاف وتقول ماعجبتها وراحت غيرتها واشترت وحده ب الف ريال.. واختي بربري ب7 الاف.. وزجة اخوي جفنشي ب6 الاف..وهكذا...>>(على فكره هم بنفسهم اللي يقولون لي الاسعار..وادري انهم صادقين لانها ماركات معروفه وكللهم مايحبو ولايشترو التقليد)..
يعني حتى الحين صرت ما احب اطلب من زوجي.. احسه ينحرج..وغير كذا مابغا اضغط عليه..بس ايش اسوي ؟؟اهلي هالحين جو اجازتهم هنا..
وغير كذا عندنا مناسبات زواج يعني الله المستعان ايش رح اسوي؟؟:(
ينات اقسم لكم بربي اني ما اغار ..الله يهنيهم.. بس ان في قلبي غصه..
بالذات بالذات لما عيالي يشوفوا عيال عمانهم وعيال خالاتهم وخيلانهم مشترين كمبيوترات وملابس وسفر..
واكثر شي انا يخليني ازعل ..ان كل عيالهم قد اعمااار عيالي بالضبببببببببببببط..
ادري ماعندكم شي لي بيدكم تسوونه..لكن انا طمعانه في دعائكم..
ارجوكم ادعولي في ظهر الغيب..
عسى الله يرزق زوجي برزقنا..ويفتح لنا ابواب الرزق..
ويخليلي زوجي وعيالي..
والحمدلله اولا واخيرا..على نعمه الكثيره..
الحمدلله حمدا يليق بجلال وجهك وعظيم سلطانك..
ام فطيسان @am_ftysan
محررة
زوجي وضعه المادي على قده.. وتعبت من المقارنات بيننا وبين اقاربنا.اللي مثلي وش السواة؟
83
18K
يلزم عليك تسجيل الدخول أولًا لكتابة تعليق.
ام الوليييد
•
الحمد الله والشكر له اهم شى الصحه والعافيه والحال من بعضه ياختى
يابنت الحلال احمدي ربك على العافيه والصحه ولمة عيالك وزوجك حولك
والله كلها تسوى الدنيا وماااافيها
نصيحه لاتقارنين والله راح تتعبين
والزمي الاستغفاااار
والله كلها تسوى الدنيا وماااافيها
نصيحه لاتقارنين والله راح تتعبين
والزمي الاستغفاااار
الصفحة الأخيرة