قصتي لاخذ العظه والعبره الجزء الاول

السلام عليكم ورحمته وبركاته طبعا كل وحده تشوف البنات ومن وهن صغار وهن ياخذن العرائس ويلعبن فيهن ام وطفلها يعني غريزه الامومه فينا من حنا صغار من اول ماتزوجت وانا حلمي وهدفي الحمل مر شهر وشهرين الى ثمان شهور وانا ماحملت وبدت رحت العلاج اخذت كامل الفحوصات وكله سليمه ماعدا ارتفاع بسيط بهرمون الحليب واخذت حبوب بس كان يسببن لي غثيان ودوخه تعبت منهن مره بس كل شي يهون عشان الحمل قلت لدكتورتي وصرفت لي حبوب مرتين في الاسبوع وخف اعرضهن شوي وتعدل معي الهرمون من اول شهر وقلت ***** الله احمل الشهر الجاي وانا انتظر على احر من الجمر واحلل رقمي عجزت اصبر وماطلع حمل قلت انا استعجلت لكن الدوره جتني خيبت كل املي واحلامي قالو فيه دكتور شاطر رحنا له وحللت طلعت سليمه وحلل زوجي وطلع عنده نقص في العدد والحركه طمنا الدكتور وعطاه فاتمين الزنك وكل شهر تحليل ولما صار كويس قلت خلاص الشهر الجاي بحمل ***** الله وانتظر وكالعاده استعجل واحلل الرقمي مافيه حمل وتجيني الدوره وانصدم وابكي الم فوق العاده مرت سنه على زواجي وانا بخيبه امل انا طبعا انا وزوجي وامه احمد ربي ان زوجي وامه عمرهم ماجرحوني بموضوع الحمل سافرت وتمشيت طول السنه اللي مرت من زواجي بس كانت فرحتي ناقصه لدرجه اني وانا بالسياره اقول يارب متى اشوف طفل بحضني وانا بعز الوناسه والمولات والتمشيه الا ان فكرت الحمل براسي اربعه وعشرين ساعه افكر واحلم واتمني جاني مره زوجي يقول الدكتور اللي نتعالج عنده يسوي تلقيح صناعي استبشرت خير ورحنا لدكتورنا وقلن له وافق وهو مستغرب منا كل شهر نتابع معه التبويض وايام الجماع ويقول لنا ثمانين بالميه يصير حمل وافرح بالنسبه المهم سوينا التلقيح وانتظرت الاسبوعين على احر من الجمر كل يوم يمر علي اصعب من اليوم اللي قبله طبعا عير النفسيه ومالي خلق على احد اهملت كل شي وكاعاده استعجل بالتحليل ويطلع مافيه حمل وتجيني الدوره ماله داعي اصف هالشعور اللي ماابيه يمر على عدوي واتابع عند الدكتوره متابعه تبويض كان عنده زحمه من بعد المغرب لين تجي الساعه وحده باليل موقف مر علي طبعا انا قلت لكم اني انا وزوجي وامه بالعطل يجن حمواتي تهاوشه وحده من حمواتي مع زوجي وحنا جاينن من الدكتور الساعه وحده بالليل عايفه حياتي كله من الزحمه والانتظار قالت له ايه جايين من التمشيه   وكلمه منه وكلمه منها لين قالت كلمه بكيت منها دم قالت مالوم ربي فيك يوم ماعطاك اطفال مافلت الا حسبي الله وكفى رحت الاهلي طبعا ماراح اضيع شهر بدون ماشوف التبويض واتابعه ورحت عند دكتوره مدحوها لنا كنت جايه من مسافه 300 كيلو والزحمه والتعب والارهاق يوم حطت السونار الداخلي قلت اه عصبت علي قالت انتي حتروحي الحمام وتهز فيني حطتني ملف قلت سوي هالتحليل رحت لزوجي ابكي انصدم قال اكيد الدكتوره قالت فيها شي خطير وقلت له اللي صار قالت ماحست بطعم الحرمان ورجعنا لمدينتا ورحت لدكتوري سويت تلقيح صناعي ثاني ومثل الاول في الانتظار والصدمه بعد سنتين بالضبط كان على بدايه ايام زد رصيدك الاول الدكتور عبدالمحسن الاحمد قال انا الله مايخير عنك شي انت تبيه الا خير لك الكلمه اثرت فيني حيل قبلها بثلاث شهور كنت على الرقيه الشرعيه والاستغار كان الشيطان مصعب علي الامر يقول تستغفرين ميه مره وعقدت العزم وشفت ان امر هين واستغفرت اكثر من الميه وقمت قيام الليل قلت هذا الخير اللي ربي ارده  لي اني استغفر وان الامر كله بيده عزوجل انا اعتمد على الاطباء اخذت بالاسباب وتوكت رب الاسباب صار نزول الدوره عندي فيها لذه الصبر واحمد ربي قريت سوره البقره واحد وعشرين يوم قطعتها نزول الدوره بصراحه زوجي تاثر منها تغير وطلع براسه مثل الجروح. وصار مايسال فيني انا وامه يسافر ولا يدق علينا لان طبيعه شغله انه يسافر المهم جتني فكره الانابيب ورفض زوجي انجنيت وقعدت ابكي ابي ارتاح كل شي سويت الا الانابيب بعد فتره قال زوجي ان واحد من خوياه انه بيسوي انابيب عند دكتور في الاردن وحنا راح نسوي فرحت ورحنا طبعا وبدت رحله الابر والمنشاطات وتعرفون المعانات اللي تسبب وكنا اذا خلصنا تمشينا بس انا ماكنت استمتع بكل هذا احس اللي معها طفل مالكه السعاده كلها المهم سوينا العمليه ورجعوا لي ثلاث اجنه من الدرجه الاولى ورجعنا وطول الطريق حاطه يدي على بطني واقول يارب ثبتهم ابيهم ثلاثتهم وانتظرت النتجيه بس هالمره كان عندي صبر ونزلت الدوره قلت الحمدالله اللهم اجرني في مصيبتي واخلفني خير منها ماتاثرث حيل مع ان كل اللي يدري بعملتي ثاثر وانصدم كان وقت عطله سافرت الاهلي والاول مره من سنتين ما اتابع تبريض والااهتم بالجماع ايام التبويض حطني زوجي عند اهلي وسافر كان موعد دورتي 22 ماجت عادي ماهتميت وحظرت زواج 24 وكنت مستعده  لها ولبسه يوم رجعت نزل علي بني شوي قلت خلاص جتني كنت ابيه تنزل عشان قبل رمضان لانه باقي عليه خمس ايام انقطع استغربت فلت اكيد لخبطه هرمونات ماهتميت 27 رجعنا ومن مطاب  والسرعه وكل يون انتظرها ولا جت ولا حطيت بالي واحد بالميه انه حمل ولا خطر بالي اول يوم تاخر يوم احلل واهتم المهم وصلنا 5 من رمضان وتزاعلنا انا وزوجي والاول مره ينام برا البيت وندق عليه ولا يرد امه خواته وانا ولا يرد نرسل ولا يرد استغربنا بس قلنا من الزعل انا ضاقت علي الدنيا لو اصف ضيقتي ذايك اليله ماتوصف 6رمضان عام 1431 قالت حماتي بنروح للمستوصف عشان اسنانها تروحين معي قلت يالله وانا بهم وحزن مايعلمه الا رب العالمين مرينا الصيدليه عشان تاخذ علاج قالت لي خوذي تحليل منزلي رفضت وبشده اقنعتني قلت مانعي فلوس الت اقصاه عشره ريال واخذته قلت بكره احلل قالت كيفك المهم الساعه 10بالليل 6رمضان 1431بالحظه انسدحت على سريري بهمي وحزني وكل وجع الدنيا فيني ناظرت شفت التحليل قلت مادام الهم فيني فيني خلوني احلل والله ثم والله اني ماحطيت الحمل واني مستبعدته ولا واحد بالميه رحت الله يكرمكم الحمام حللت وحطبتها على جنب ولا شفت عارفه ومتاكده اني مستحيل احمل وقعدت اغسل ايدي ناظرت الا خطين قمت انتفض شكيت اني اتخيل طلعت ناديت وحده من حمواتي  لانه هي اللي قدامي قلت شوفي هذا وش. قالت حمل تصدقن اني يوم تذكرت هالحظه قعدت ابكي مع ان مر عليها سنين ماصدقت قومت حماتي اللي جابت لي التحليل قالت امشي تحليل دم رحنا وحللت وحده قالت وش حلوتي لو طلعتي حامل قلت بنفسي نذر اني لعطيها 500ريال قالت نص ساعه حماتي كان كل مافتح الباب فزت انا كنت استغفر ولاحسبت الوقت كنت ودي يطول لو تسالوني ليش مادري عجزت حماتي تصبر قالت يالله المختبر جرتني غصب قالت مبروك حامل انا انفجرنا نبكي رجعنااللبيت مادري وشلون وكيف رجعنا ارسلت لزوجي رساله تحلف اني حامل يبدل الله من حال لحال بغمضه عين سبحانه زوجي مان خوياه مسوين له مقلب اخذين كل الاثباتات والجوال قالو له رح فيه خبر زين ينتظرك يقول زوجي مادري وش جا وبشرته اخته ماصدق يحسب انها تضحك عليه سال امه قالت ايه دخل علي الغرفه اول كلمه قالها لي وانا قايلتها لنفسي قبلها شفت ان الله سبحانه قادر كانه يقول ماراح ينفعكم دكتور ولا غيره اذا انا مااردت هالشي ماراح يكون سبحانه رزقني واكرمني باأحلى بنت الحين لها ثلاث سنوات وزد كرم ربي ورزقني باختها عمرها سنه فاياااارب انت القادر تقول لشي كن فيكون ارزق كل من ارادت الحمل يااااارب انت اعلم بهن منا