ra3boob
•
الله يجزيها الخير كل أخت جاوبت ويباعد جسدها عن النار و يرزقها من غير لاتحتسب ما تتخيلوا أجوبتكم شو سوت فيني والله بكتني لأني صرلي فترة أحس بان عباداتي صرت تأدية جسدية فقط لا غير و لاعاد حسيت بلذة العبادة و أن أقوم حتى صار عندي اكتئاب و قلة أمل أستغفرالله العظيم بس الله لايحرمني منكم و من صاحبة الموضوع الله يقربكم منه و يجعلكم من عباده المخلصين و يتقبل طاعاتكم و يبعد عنكم ولاد الحرام وينولكم يللي ببالكم
موضة :
جزاكم الله خير السائله والمجاوبهجزاكم الله خير السائله والمجاوبه
السلام عليكم ورحمة الله
أهلا حبيبتي
سؤالك مهم مره وهذا يدل أن فيك الخير
والله أنا حاسه فيك لأن كانت صلاتي بدون خشوع
وكنت أحس إني منافقه لأن عارفه أن صلاتي مو مقبوله من كثر ما كنت أصلي بسرعه
شكيت مشكلتي لأخت لي في الله وساعدتني والله اللحين أنا مرتاحه الحمدلله
بقولك الأشياء اللي بتساعدك واللي حسيتها فعلا ساعدتني
أول شيء لما تجين تتوضين خليك موقنه بقلبك أن ذنوبك تروح مع المويه
وأنك تستعدين عشان تصلين لربك العظيم اللي أعطاك الفرصه أنك تصلين وما أخذ روحك وانتي عاصيه
تراها والله العظيم نعمة أنك على قيد الحياه
فرصه تعدلين صلاتك
بعدين سجادتك عدليها زين
وطرحتك لفيها على راسك زين عشان ماتنشغلين فيها وكل شوي تطيح وتشغلك وتخليك ما تخشعين ..
لما تبدين صلاتك
وتقولين( الله أكبر ) حسي بقلبك وجوارحك وش كثر هالكلمة كبيره ومعناها عظيم ..
الله كبير ..
الله أكبر منا كلنا وقادر على كل شيء ..
لازم تحسين بهالشيء بترتاحين وبتحسين بخشوع ..
صلي بمكان لحالك لا يكون عندك أحد عشان ما يشغلك .. وحتى تكونين مرتاحه ولايدخل الرياء لقلبك..
اقرأي بصوت مرتفع حتى تسمعين صوتك
ورتلي الآيات واقرأي ببطيء
اقرأي سور مو متعودة تقرينها دايم ..
إذا سجدتي ادعي كثير كثير كثير .. ترا والله بترتاحين
بترتاحين كثير ..
ادعي بكل شيء خاطرك فيه
ادعي بالتيسير بكل أمورك .. أي شيء خاطرك فيه ادعي وكوني موقنه ومتأكده أن ربي قادر يحقق لك اللي تبين .. لأن الله سبحانه وتعالي يقول ( أنا عند ظن عبدي بي )
إذا دعيتي وانت تحسين الله ماراح يستجيب لك .. يمكن ما يستجيب
لكن ادعي وانت تحسين أن الله بيستجيب لك عشان تكون دعوتك أقرب للإستجابه ..
أتمنى أكون أفدتك أختي الحبيبه
لاتنسيني من دعواتك ..
ربي يرزقك الخشوع ..
الصفحة الأخيرة