السلام عليكم
انا اتصلت على شركة اورفيليم ... موجودين في شارع التحليه
من يوم السبت وانا اتصل وكل شوي ترد علي الموضفه (فلسطينيه) وتاخذ اسمي ورقم تلفوني وتوعدني انها بترسلي المندوب علشان يعطيني الشنطه والكاتلوجات ولكن تطنيش انتظر اتصال الي اخر الليل وعلى هالحال الي يوم الاربعاء لدرجه اني اتصلت عليها وقلت انا بديت اخاف من تصرفاتكم وعدم احترامكم جلست تتعذر وتاخذ الرقم والاسم مره ثانيه وكانه ما مر عليها قلت لها اخاف لو اشتركت معكم تطنشوني وتاخرون الطلبيه وبكذا يصير قلقل لي طبعا قالت لا انتي بس علشان ما بعد اشتركتي ّّ!! ولله ما ادري عنهم المهم طلبت منها رقم المندوب وكلمته قالي وين البيت فيه ولما وصفت له البيت ,,,,,, انا ساكنه بحي الغدير الي بشمال الرياض جنب حي الصحافه قريب من المروج قال لازم تدفعين ثمن التوصيل 20 ريال قلت كثيره اجل كل ما طلبت ابغى ادفع 20 ما يصير قال اجل تعالي انتي اوفر لك وهذا الي قررت
ولكن لما اتصلت عليهم يوم الاربعاء قال المكتب مسكر للصيانه وبيفتح السبت,,, قسم النساء طبعا اما الرجال فاتح واقدر اني اشترك واخذ الطلب طبعا من قسم الرجال عادي عندهم
والى اللحضه هذي وانا ما بعد اشتركت اسبوع وانا احاول
وابغى اشوف وانشاء الله تتيسر الامور وتروح العقبات
اسفه على االاطاله
بس حبيت اقولكم القصه علشان يكون عندكم خبر وتعرفون تتصرفون لو واجهتم نفس الحكايه وتعلرفون ان التوصيل حتى لو داخل الرياض بفلوس
وتحياتي لكم
موفقين
ومشكوره اختي رنيم جزاك الله خير
الصفحة الأخيرة
استغفرالله واتوب اليه