حلمي أكون أم @hlmy_akon_am_2

عضوة نشيطة

ياحلم قلي وش يضر لو تحققت

السلام عليكم بنات قبل مااقولكم قصتي راح ابين لكم اني انا اصغروحده لمامي يعني مشبعععععععه حنان ودلع ههههه الحمدلله وكان حلمي من وانا صغنونه ان اكوووون أم ولله ان لما العب اوقولهم انا حامل واحط بطني شي عشان يكون كبير بقولكم قصتي وكانت تجربتي امس وقبل لااقولكم هالخيال اللي عشته وربي ماتوقعت ان بكبر وحلمي ماتحقق بس الحمدلله على كل حال والمؤمن مبتلى وكنت لما اكلم زوجي
ايام الملكه كنا نخطط متى يكون الوقت المناسب للحمل تخيلو كان يقولي انا ابيك تحملين من اول شهر وانا اقول لااااا خلينا نتمتع سبحان الله انت تريد وانا اريد والله يفعل مايريد تجربتي اللي كانت ولااحلى منها صح كانت صعبه شوي بحكم ان من زمااااان ماهتميت بطفل لان كانو خواتي يحطون عيالهم عندي لما يكونون معزومين ويأمنونه عندي
اختي اللي تزوجت معي بنفس السنه مابين وبين زواجها الاشهر و4ايام هي ماشاءلله حملت على طول من الشهر الثاني وانا كملت سنه وبدخل بعد كم يوم سنتين ولين الحين ماكتب لي شي اكيد راح تقولون توك سنتين بعضهم كم سنه وصابرين بس تعرفون وشلون محتاجه للأمومه وكأني متزوجه من سنيين لان يابناااات ماتتصورون كيف صار شي ماكنت اتوقعه بحياتي من رابع شهر من زواجي وانا توي عروسه انا اللي اخذت نتيجه زوجي وبكل بروووود الدكتوره تقول زوجك صفر زوجك عقيم كيف يكون موقفك لماتسمعي هالكلام وانت توك عروسه وتستني الحمل بأي شهر مثل اي عروسه تدرون يابنات ان لما اتذكر هذا اليوم احس الدنيااااوقتها سوددددددددااا مع ان اخذت النتيجه العصر وبعز النهار لكن من قوه الصدمه احس الدنيا وقتها ظلااااام المهم تعرفون المقارنات وتساؤلات من الناس وخاصه من امي حبيبه قلبي اصغر بناتها وتتمنى احمل اليوم قبل بكره بس لله المشتكى وربي بيفرجا علينا
معليش بنات بعدت عن الموضوع بس اول مره افضفض اعذروني المهم اختي هذي قالت بجيب لك ولدي بحطه عندك من العصر لان كان عندها زواج قريب فرحت مررره حتى زوجي لان احس ولدها مثل ولدي ولوان ربي كاتب الحمل معها كان ولدي اوبنتي في عمره رفعت كللللل شي خطر في البيت اخاف يطيح شي عليه ولما دخلته علي وتوحدناانا وهو بس قعدت اسولف عليه عمره سنه ولسى مامشى بس يحبي وكنت قايله لامه تجيب العربيه حقته لان بطلع انا وزوجي لسوق وقلت فرصه احس باالأمومه صح وانا امشي فيه بالسوق مثل اي ام لما اذن المغرب دخلت على زوجي اصحيه لصلاه وهومعاي قربت حبيبي ولد اختي لزوجي كان مكشر زوجي ماوده يقوم لكن شاف ولد اختي ابتسم ابتساااامه قطعت قلبي عليه يارب متى يشوف عياله من عن قريب ياااارب صحصح وبوسه وطلعت عنه لين يلبس رحت اعطيه الحليب ولعبنا شوي بالكوره يالبى قلبه يحب الكوره حسيته دااااخ نومته بحضني ونااام سكرت اللمبات عليه وطلعت عنه قلت خليه يشبع نوم عشان يطلع معنا وهومصحصح وزوجي طبعا صلى المغرب ولاجاني الا العشا بعدها طلعنا لسوق ااااااه ياشعور حسيت فيه وهو معانا وكل من شافه يسولف معه بسم الله عليه وانا بنطلع الازوجي يصادف واحد يعرفه سلم عليه وسأله قال هذا ولدك قال زوجي لا وقتها انا خنقتني العبرررررره وقلت ياليتني ماطلعنا احس سؤال زميل زوجي جرح قلبه وقلت لزوجي ان شاءلله عن قريب بطلع ولدك وتمشيه مثل مامشيت ولد اختي وحاولت الطف الجو رجعنا البيت وجبنا عشا معنا تعشينا وهو يلعب ويحووووس ومخلي جو بالبيت وزوجي ياخذ الكوره ويرمها عليه وضحك كان الجو مررررررره رهيب وحركه في البيت حتى زوجي مانام الاساعه2وازيدكم من شعر بيت سحب على الدوام اليوم الثاني ههههههههه كله من اثار الابوه والامومه ولاراح ولد اختي حبيبي الاساعه2وكانت احلى ليله عشناها انا وزوجي ذكرى يارب تنعادمع طفلي وخلصت الحتوته بنات في بدايه كلامي كنت اكتب وان ابكي لكن لما كتبت عن تجربتي امس الابتسامه مافارقت وجههي دعواتكم لزوجي بالشفاء وان ربي يرزقني الحمل الطبيعي من غير اي تدخلات طبيه يارب يارب

يلزم عليك تسجيل الدخول أولًا لكتابة تعليق.

تسجيل دخول

((نو نو )) • 13 سنة

الله يرزقك الحمل الطيبعي
عاجلا غير اجل
يااارب العالمين

ملكة الشوكولاته • 13 سنة

اختي الله يرزقك الذريه الصالحه ويفرح قلبك وقلب زوجك قريب ان شاء الله
ذكرتيني بحالي مع اولاد اختي تخيلي اختي ماتزورنا الامره في الشهر اذا جت انساها وادخل جو مع اولادها
خصوصا اذا جيت انومهم احس باحساس صعب تفسيره
يارب يارب يارب ارزقني وكل محروم الذريه الصالحه الباره يارب العالمين اللهم امين

ملاحظه اختي عنوان موضوعك مو كويس لان الشيخ الاحمد يقول هذي الانشوده فيها قلة ادب مع الله سبحانه وتعالى

والافضل عدم كتابتها واعذريني اختي وتقبلي خالص شكري وامتناني

ام غزاله • 13 سنة

اختىالله يرزققك عادى سنتين ان شالله ماتكملين الثلاثه الا وهى فى بطنك شوفى انا 11 سنه والله انى اذا تذكرت بليل انها صالى 11 ماعاد انام واجلس ابكى الين الصبح صج معناها بس اشكولله لانى حاسه ان ربى بيرزقنى قريب حتى وذا ماحملت عادى عندى مقتنع بكل شى خلاص مليت

رنا زايد • 13 سنة

اااااااااااااااااااااااااااه بكيتيني معاك الله يرزقك بأحلى توأمين عاجلا غير أجلا

كرز فضي • 13 سنة

زوجي عنده التشوهات مرررره عاليه وانا مثلك نفس الشعور
وقالو ماينفع معكم الا الحقن المجهري حتى الانابيب ماتنفع طول العمر يعني بكل مره ابي احمل اسويه
يارب رحمتك ياكريم ارزقنا الذريه عاجلا غير اجل ياحي ياقيوم