أنا والكاسبر...؟؟وياقلب لا تحزن

السلام عليكم ورحمة الله وبركاته

صبحكم الله بالخير والسرور

أمس وما أدراك ما أمس حملت الكاسبر وعيونني ما شافت النور عقبه ماشاء الله تبارك الله الأخ الإيطالي ما قصر وشرحه ممتاز البلاء فيني الله يخلف علي :(

أمس جتني حالة احباااااااااااط لدرجة اني فكرت أترك النت المنتديات وارمي بهالجهاااااااااز الى سلة المحذوفاااااات وقلت مالك انتي يالمحبة بهالعلم والله ياجماعة مو غباء قد ماهو انه الحاسوبات أجهزة دقيقة وحساسة جداً جداً........... صدقوني ما عمري مسكت شغلة الا واتقنتها وببراعة الا الجهاز هذا بالرغم أني زمااان عليه المفروض أصير خلاص فاهمة فيه على الأقل بنسبة 7من عشرة لكن أمس حسيت نفسي صـــــــــــــــــفــــــــــــــــر حتى أن زوجي بس يضحك علي ويقولي مالك وهالشغلات ؟؟؟

أكيد بتقولون وش السالفة حملت الكاسبر وكويس الين طفى من نفسه والموضوع تمااااااام الا ممتاز وجاني الكشف عن الفيروسات والله يا جماعة ساعة وهو يبحث اليييييييييييييييين انخرس لا النترنت يشتغل ولا سطح المكتب مثل الناس واذا سكرت الجهااااااااز وفتحته قعد ساعة فاضي وبعد الموت يطلع الماوس وبعد موت ثاني يطلع سطح المكتب ؟؟؟؟؟؟ بدون ايقونات وبرامج ولا حتى شريط المهام اللي تحت عاااد لا اتصال اقدر عن طرق النشامى هنا ولا شي والله حسيت نفسي مثل التايه في الصحراااااااااااء احساس مر ؟؟؟
قلت مستحيل لازم اصلحه وعزمت وحزمت أموري وبديت افك واحاول من هنا وهنا وحسيت نفسي قدام اختبار صعب والحمد لله النتيجة














































رسوب مع مرتبة الشرف :(

المهم جهاااااااااااازي أنخرس وما أدري وش فيه وديته لمحل قالي أنتي وش مسوية محيوس أبو من جاب البرامج والنظااااااااااام مخبط مدري ليه أول وهلة حسبته يستهبل المهم قلت الله يعافيك ما اجي الا وهو مضبط قال ان شاء الله.......
في الليل قالي بأفرمته ويحتاااااج له وقت

قلت سو اللي تبي بس رجعه لي زي اول وبس وأنا الحين قاعده أكتب لكم من جهاز زوجي بغيت أقولكم أمس بس بصرااااااااحة أستحيت منكم .......

الخلاصة

اللي مثلي لا يسوي نفسه فهيم وحده الأشياء البسيطة أو يكون عنده جهااااااااااز ثاني للطوارئ لو بغى يستشير والله ما ودي اني كاتبه هالموضوع لكن قلت خلي غيري يستفيد من تجربتي لعلي أحمي اجهزة كثيرة من الخرااااااااااااااب وسلامتكم