لاتنخدعون ماعاد فيه ماركات كل شي صيني وهندي

ماعاد فيه ماركات كل شي صيني وهندي

يا تروحون مملكة المراه وتشترون القطع الي بالالااااف هاذي هي الماركات

اما مانقو وزارا ولاسنزا ومذركير والمحلات الي مرتزه في كل سوق مجرد اسم المحل هو ال ماركه والبضاعه صيني وهندي وين معه ماركه ؟؟؟؟

زارا اسباني روحو شوفو الي تشترونه منه وش مكتوب عليه والي تسافر اوروبا تدخل بس محل زارا وتشوف الفرق وتعرف وش يعني ماركه انا عندي بجامه من لاسنزا صناعه كنديه يعني نفس منشا الماركه والله لو تشوفونها تنهبلون قماشها لو اقعد امعط فيه انا واهلي مايتقطع ولا يحبب ولا يبهت ومنظرها راااااقي كنها بالف ريال والي من هنا لو احطها جنبها قسم ان كنها من ابو عشره بجنبها وكلهم وشوووو لاسنزا

وين ميد ان ايتالي ميد ان فرانس ميد ان كندا ؟؟؟؟

ولا بس اسم ماركه وادفع فلوس عالفاضي؟؟:mad:

بصراحه اذا مارحت وقت التخفيضات استخسر فيها الفلوس بضاعتهم التقليد الي بالضبط ماتفرق عن بضاعه ستي ماكس وستي بلازا


وبصراحه ستي ماكس هم العدلين يجيبون لك صيني وهندي باسعار مناسبه وخاماتها نفس الماركات التقليد الي معبيه اسواقنا ويوهمون الزبون انها هاذي هي ماركات اوروبا الي برا ويدفعونا نفس قيمتها الي المفروض جايه من اوربا وهي من وين اساسا جايه ؟ جايه من الهند والصين

ماقول الا حسبي الله عالغش التجاري الرهيييييييب الي في اسواقنا


وفي النهايه اقول مضطريييييييين نشتري وغصب علينا نشتري مافي الا هم قدام وجيهنا


وبالتوفيق