الشهـــــــر مبارك على الجميع وكل سنه وانتم طيبين << يمكن متاخره شوي :time:
اليوم كانت اول تجربة لي في اللقيمات من خبرة عمري و لقيماتنا ما تتغير (لقمة القاضي) بس من يومين وصيت العيال يجبون لقيمات لانه ماعاد باقي الا كرتونين فا دارو في كارفور قالو مالقينا لقمة القاضي ولقينا لك لقيمات ثانيه وشكلها حلو وجبنا كرتون واحد عشان تجربينه
وكانت لقيمات كولاب جامون الحلى الهندي
ودايم اشوفه ولا فكرت اجربة بس دامه توفر الان ليش مانجرب ونشوف
اول شي هذا كرتونه للي ما يعرفه
طبعا مميزات هالقيمات
* سهله جدا ما يبغى له تخمير اللهم تضيفين لها مثل ماهو مكتوب مويه او حليب طازج وانا ضفت لها حليب وتعجنين لحد ما تكون معك عجينة متماسكه
* وبعد اذا عجنتيها تكورينها وتكون كلها حجم واحد بدال الاشكال الهندسية اللي تصير مع الاغلبية
* وطرية وهشة ولا الذ منها
* وممكن تسوينها بنكهات مثل ما بتشوفون الان
طبعا طريقتها مثل ما ذكرت سهله جدا انا قسمة بودرة العجينه لقسمين خذو تقريبا مني فقط كاسين وواحد من الكاسات ضفت له بودرة كاكاو والثاني مثل ماهو وعجنتهم بالحليب بعدين كورتهم وقليتهم طبعا لان كتجربة فا انا سويت بس كرتون وهي كمي قليلة يعني تقريبا طلعت معي بالشكولا 13 حبة والسادة 16 حبة في هالحدود تقريبا :35:
وطعمها تقدرون تقولون كيك مو مثل القاضي طبعا بس لذيه وتصلح لزنقات وحلوه بالشكولا وهذي الصور
هذي الساده معها شيرة
وهذي الشكولا معها هيرشي بالشكولا
ان شاء الله تجربونها وتعجبكم
________________________________________________________
واليوم كذالك جربت كيكة الكاسترد للاخت اميرة الشوق وكانت هشة ولذيذه انا ماخذت الطريقة الا الساعه 4 ونص وعلى طول سويتها وكانت على سفرت الفطور قبل الاذان ماشاء الله وهذي صورتها بعد ما طلعتها من الفرت
وهذي لما قطعتها
وهذا رابط اميرة الشوق جزاها الله خير
forum.hawaaworld.com/showthread.php?t=909442
ومعاها بعد كيكة البسكويت ومدحوها البنات ان شاء الله الدور جاي لها
لا تنسونا من صالح دعاكم والله يتقبل منا ومنكم صالح الاعمال