بسم الله الرحمن الرحيم
عزيزاتـــي الحوائيات .. تحيه لكم من القلب .. اتمنى انكم بصحه وعافيه
موضوعي وبصراحه هو بخصوص تجارب البعض من البنات في الرجيمات
تجيك بنت تقولك انا سويت رجيم التمر واللبن اسبوع نزلت فيه 4 كيلو
رجعتهم بيومين وزيادة كليو :hahaha:
وحده تقولك انا سويت رجيم ام هديل 3 ايام ونزلت 2 كيلو وتعبت ولا سافرت
اضطريت اخرب الرجيم وضاع تعب ال3 ايام بيوم واحد :p
وحده تجيك تقولك انا سويت رجيم دشتي باسبوعين نزلت 6 كيلو
تجي وحده غيرها تنزل موضوع تقول انها سوته شهر مانزلت الا 3 ولا 2 كيلو
وكانها قاعده تقول للي قبلها انتي كذابه ليه مانزلني مثلك :angry2:
مشكلت البعض الحسد الا تبي يصير لها مثل فلانه او افضل منها ولو ماصار اللي تبيه اوووه تعالي شوفي قمى احباطها
البعض عنده روح المنافسه همه الفوز فقط بالنزول الاكثر في المده الاقل
ولو رجع الوزن او مانزل بالشكل اللي رسمته بدماغها لعنت ابو الرجيم واللي اخترعوه
وكل هذا يهون عن بعض البنات اللي تجي وتسوي نفسها مصلحه وتخرب على البنت او القروب كله رجيمهم ..
يعني قروب كامل يسوي رجيم دشتي وماشين تمام وفي نزول وعزيمه متماسكه
تجي تكتب لهم بالخط الاحمر وعرض الخط ياخذ الصفحه
يابنات انتبهوا انا صار لي بسبب هالرجيم املاح على الكلى والدكتور هزئني ليش اتبع هالنام وهات ياحكي اللي من هالنمونه
كل القروب اول مايصير لهم العزيمه تختل والشكوك تملي راسهم
( رغم انهم مراحين من النظام وماشتكوا منه ) لكن كلام البنت خرب عليهم .. يتركون النظام غصب طيب محد يبي المرض واللويه
وحده تستخدم كمون وليمون .. تجي فلانه تقول يابنات لحقوني الكمون سبب لي عقم مدري وشوو
ووهذيك تقول ان بذرة الكتان خربطت لها الدوره :06:
وفلانه تنزل موضوع مخصوص يابنات انتبهو من الشمر ( الحبه الحلوه )
كبرت صدري ولا انا بنت ودر صدري حليب :angry2:
بالمختصر هم يسلبون من البنات او القروب العزيمه
على فكر انا ما اكذب الفلانات الي يقولون صار لنا كذا لكن اللي ابي اوصله لهم
انتي صار لك كذا بسبب كذا .. الباقي كلهم مثلك مثلا ؟؟؟
انتي مثلا برجيم دشتي ماشربتي كميه ماء مثل ماقال دشتي من 3 - 4 لتر .. الكميه كبيره لكنها ضروريه حتى ماتسبب لك املاح
اللي بسوي رجيم دشتي خصوصا وبيشرب 8 كاسات ماي او لترين لايسووويه
لابد نتبع التعليمات الاساسيه بالرجيم حتى نتحاشى الاخطار اللي كذا
ونحصل على افضل النتائج
غير كذا لاحد يجي يطلع على تجربة فلانه وتسال اسئله مال امها داعي :42:
لاتزعلون لكن صدق اللي يصير يفقع المراره
مثلا بنت مسويه خلطه واستفادت حبت تفيد البنات وتذكر لهم المكونات والطريقه
تجي بنت تسال ماقلتي لي انتي اي ملقعه تستخدم الكبيره ولا تبع الحلا
ولاتقول لها سويتي معاها تخفيف ولا اكلتي عادي ..
ولايهون اللي تقول كيف الطعم مقبول ولا لا
ويقهرووني اللي يسئلون وش فصيلة دمك ؟؟؟ هذول بروحهم يبي لهم موضوع
( بذمتكم هذول بيسون الخلطه ولا بيجربونها على ذا الاسئله )
المهم عندك المقادير سويها باي ملعقه باي كميه تقدري تشربيها .. يمكن تحبيها خفيفه عشان عندك المعده تعبانه
يمكن تحبيها ثقيله تقند راسك >>> معسل مب اعشاب ههههههههههه
يعني اللي بقوله وشوله تسوين فيها دقيقه على ماكووو خذي المقدار الي يريحك مابتغير في كمية النزول
بعدين تعالوا ياحوائيات ياللي تسون الرجيم يوم يومين ولا اسبوع وتنزلون تجربه تفرحون فيها البنات واخر الموضوع تهدمون هالفرحه لكن رجعت اللي خسرته من وزن بيومين
بالله عليكم تسون الرجيم وتشوفون الوزن ينزل ثمن توقفون من كيفكم اما لسفره او من حفله ولا اي سبب من تحت الارض يطلع وتبون الوزن مايرجع
الجسم وحليله يوم بدا يستوعب الرجيم واعطى مجال بنزول الوزن
ما امداه يكمل واجهته صدمه بالاكل
ومعروف عن الجسم بانه ذكي لما يتعرض للرجيم بمجرد الرجوع للنهم يحاول يخزن اكبر كميه ممكنه من السموم اللي تسمن
تحسبا لاي مجاعه جايه له ( الرجيم )
وتلومين الرجيم ولا صاحبة التجربه بالسبب ولا تقولين انك تعبانه نفسيا من وزنك بامر الصعود والنزول سلامات
نلعب بالرجيم ونبي نتيجه مرضيه هذا كلام غير منطقي
اللي تمسك رجيم لاتطالع بنظام غيره ولاتفكر تخرب الرجيم قبل 3 اسابيع على الاقل
منها يستوعب الجسم الرجيم ويبدا بالنزول ومنها العزيمه ماتتزعزع بالتخريب
واذا كان الوزن بنهاية الفتره ينزل حتى لو نزول بسيط بالغرامات كملي لاتوقفينه .. يستحسن لما يثبت الوزن تاخذين كسر لان الرجيم وقتها تعود على النظام ويعتبره نظام حياه
حتى لو بتزيدين بعد ترك النظام بتكون الزياده معقوله مايرجع كل الوزن اللي خسرتيه ويضيع تعب الشهر
بعدين اللي بيتاثر بتجارب البنات السلبيه ويترك الايجابيات لمتى بتبقون كذا
طيب فلانه بشرتها دهنيه وانتي بشرتك جافه .. لاتضحكون انا اقرب لكم معنى ان كل جسم مختلف
يعني في بنت تنزل في هالرجيم بالشهر 7 كيلو
وبنت ثانيه نفس النظام خسرت فيه بس 4
ليه تزعلين .. جسمها مختلف عنك حركتها مختلفه عنك وزنها وطولها مختلفه عنك
هرموناتها مختلفه عنك وكمية الماي اللي تاخذها مختلفه عنك كل هذا مازعلك
بس النتيجه النهائيه زعلتك ... عجيب والله
تحبون الاكل الجاهز والوزن الجهاز بعد خخخخخ
كمان فيه شغله مهمه لما نخرب الرجيم ونحس بتانيب الضمير معناها عزيمتنا لسى موجوده لاتكملي تخريب
كملي رجيم واعتبري هاليوم بداله يومين زياده للرجيم او رياضه مضاعفه
بخصوص الميزان اللي باليوم توزنين خمس مرات .. سحر هو مثلا بيتغير بهالسرعه
الحين لما تسهرين ونعستي قريب الصلاه تقامين النوم حتى ماتفوتك الصلاه
تحسين ان الوقت بطيئئئئئئئ وكل شوي تناظرين الساعه وتحسينها ماتتحرك
كله لانك تحاتين النوم
الميزان بعد مايتحرك بالمراغبه العسكريه اللي نسويها نحين يا اصحاب الرجيم
راح ينزل غرامات باليوم او بيومين ماراح تلاحظينها على هالمراغبه الشديده
والبنات اللي يوزنون ويشوفون الوزن نزل كيلو ولا كيلوين تجلس من الوناسه بالدقيقه توزن عشر مرات وبعد الميزان تروح تاكل
كنها تقول خلاص انا صرت رشيقه
والجسم ياحبت عيني من كثر مايشوف رجيم ونهم رجيم ونهم رجيم ونهم
صار مايستوعب الررجيم لانه يعرف بعد شويه يجي نهم
ياليت بس تفكرووون برويه .. تتركون الاحباطات الي تجي من انفسنا ومن المجربات الفاشلات
اتمنى محد يزعل مني لاني وبكل امانه ومصداقيه والله على ما اقول شهيد
ما اخص اي بنت من اللي يحبطون البنات بتجاربهم البسيطه
اقسم بالله اني ماعرف حد منهم لا معرفه جيده ولا معرفه سطحيه
حدي اقرا الموضوع وبعض الردود حتى بدون لا انتبه للكاتبه من
في الختام استميحكم عذرا
استودعكم الله اللذي لاتضيع ودائعه راجية من المولى ان يسدد خطاكم لطريقه الصحيح في الوصول لـ اهدافكم
اسالكم الدعاء .. براءة الذمه
البطه توما @albth_toma
عضوة نشيطة
يلزم عليك تسجيل الدخول أولًا لكتابة تعليق.
ام حجرف
•
يسلم بؤؤؤؤؤك يعجبني الكلام المنطقي عافاك الرحمن ووفقك امين
ميه ميه
فعلا انا يرفع ضغطي كثرة الاستفسارات ... والتنبيهات اللي مالها داعي
وتصير كاتبة الموضوع ياحرام كاتبه بالتفصيل المملل لكن مين يقرأ ويركز؟؟
والتنبيهات حتى الرياضه يقولون لاتسوونها ترى تطلع لكم عضلات ؟؟ خير وين حنا فيه ؟؟؟
الله يهديهم
ويجزاك خير يالقمر
فعلا انا يرفع ضغطي كثرة الاستفسارات ... والتنبيهات اللي مالها داعي
وتصير كاتبة الموضوع ياحرام كاتبه بالتفصيل المملل لكن مين يقرأ ويركز؟؟
والتنبيهات حتى الرياضه يقولون لاتسوونها ترى تطلع لكم عضلات ؟؟ خير وين حنا فيه ؟؟؟
الله يهديهم
ويجزاك خير يالقمر
ميه ميه فعلا انا يرفع ضغطي كثرة الاستفسارات ... والتنبيهات اللي مالها داعي وتصير كاتبة الموضوع ياحرام كاتبه بالتفصيل المملل لكن مين يقرأ ويركز؟؟ والتنبيهات حتى الرياضه يقولون لاتسوونها ترى تطلع لكم عضلات ؟؟ خير وين حنا فيه ؟؟؟ الله يهديهم ويجزاك خير يالقمرميه ميه فعلا انا يرفع ضغطي كثرة الاستفسارات ... والتنبيهات اللي مالها داعي وتصير كاتبة الموضوع...
صادقه الف مررره وتسلم ايدك بسسسسسس من الي يسمع ؟؟؟
انا اكثر سؤال يغثني شو فصيلة دمك
ما ادري لييييه يصدقون بهذه السالفه مع اني اشوف تجارب كثيره بالريجيمات
لبنات بنفس الفصيله وحده تنحف والثانيه لاوبنفس الريجيم !!!!والله يهديهم مو راضين يقتنعون
انا اكثر سؤال يغثني شو فصيلة دمك
ما ادري لييييه يصدقون بهذه السالفه مع اني اشوف تجارب كثيره بالريجيمات
لبنات بنفس الفصيله وحده تنحف والثانيه لاوبنفس الريجيم !!!!والله يهديهم مو راضين يقتنعون
الصفحة الأخيرة