تفاتيف السكر
تفاتيف السكر
الله يجزاكم خير
أحلى soso
أحلى soso
ياقلبي الأطفال تطلع عليهم حركات غريبة الله يصلحهم ....
إن شاء الله مافيها الا العافيه بس لازم قبل تخرجون تحصنينها وتعوديها تقول الاذكار زي توكلنا على الله واللهم احفظني من بين يدي ومن خلفي وعن يميني وعن شمالي وأعوذ بعظمتك ان اغتال من تحتي صدقيني اذاعودتيها تصير هي تذكرك اذا نسيتي
وكمان تقرأ المعوذتين وآية الكرسي بالسيارة
الله يحفظها لك يارب ....
حبيبة فوني
حبيبة فوني
حبيبتي الاطفال كذا بناتي زي بنتك هدوء تقولي ملائكه بس يشوفوا احدمعنا من اولاد خالاتهم او احد من اهلي يتغيروا ما كانهم الي اعرفهم بس انا اطنشهم والله يجيبوا حركات ويطيحوا في الارض وماخبيى كان اعظم هدي حبيبتي باقي ماشفتي شي
تفاتيف السكر
تفاتيف السكر
مشكورات يالغوالي
أم الهتون
أم الهتون
الله يحفظها لج يا رب.


بس اسمحي لي يالغالية .. ما اشوف ان اللي صار طبيعي .. يعني صحيح الياهل ممكن يتشبث بلعبة في محل الألعاب .. ويحن ويترجا عشان ياخذها .. وممكن يزعل ويصيح ويعترض اذا قلنا له لا .. لكن ما توصل للعصبية الزايدة أو مد الإيد والضرب والخربشة مثل ما صار مع بنتج الله يحفظها .. خصوصاً إن كان طبع الياهل أساساً هادي ومستقر بشكل عام وما فيه عدوانية أو انفعال زايد في تصرفاته وردود أفعاله.

أدري انج تفاجأتي من سلوكها وما توقعتيه .. بس سكوتج خلاها تكرر نفس التصرف مرة ثانية في بيت امج .. ولو سكتي اكثر ممكن تكرر هالسلوك ويصير عادة.

لا تكلمينها الحين لأن الموقف طاف خلاص .. لكن لو تكرر منها هالسلوك لا تخلينه يمر مرور الكرام وعاقبيها بطريقة مناسبة .... لازم تاخذين موقف حازم شوي عشان تفهم انه هالتصرف غير مقبول أبداً.


ادري انج خايفة عليها وتحاتينها .. ومثل ما قالو البنات اقري عليها وحصنيها باستمرار .. لكن في نفس الوقت خليها تفهم ان هالتصرف مرفوض تماماً وانها لو سوت جذي مرة ثانية فهي بتتعاقب أو تنحرم من اللي تحبه.