انتي قلتيها زمان مو زي اللحين
لاتقارنون رجال زمان برجالنا بهذا الزمن
ولو ان باقي في رجال متحجرين زي زمان
ماعليه على جرائتي بالحكي بس حابه اوضح
رجال زمان الزوجه عنده ماراح اقول خادمه ولكن
تحت طاعته لو قال ارمي نفسك بالبحر رمت نفسها مو حب خوف كانوا يهابون من الرجل
وكان الزوج مايدلع زوجته ولا عنده خرابيط شعارهم ماكله شاربه لابسه خلاص ماعليها قصور
حب واحضان ورمنسيات مافي حتى العلاقه الخاصه على الطاير حتى ماتنكسر رجولته
افكار متحجره ولو تزوج عليها ماغارت ليه لان مافي شي تغير عليه هو سي السيد بس
لكن رجال اليوم دلع واحضان ورمانسيات حتى رجولك يبوسها واسواق وهدايا واشياء خاصه تعرفها المتزوجه تخيلي يتزوج عليك ويسوي نفس الشي مع حرمه ثانيه اكيد راح تنقهرين
ورجال هالايام مايعدلون يعني حتى لو وحده من حريمه راحت السوق يمكن تشتري ب ٢٠٠٠ وينزل الثانيه لو كان فعلا عادل وتشتري الثانيه ب ١٠٠٠ مو ظلم ووحده يطلعها بمطعم الثانيه لا
ويمكن يهدي وحده والثانيه لا انتي ماتدرين اصلا وش مسوي هناك
وراح تتخيلين الحنان والحب والدلع نفس اللي كان يسويه معك راح يسويه هناك
قهر اكيد ايه بعد زمان الرجال ماينامون بجنب زوجاتهم كلن له فراشه لكن اللحين الواحد ينام بجنب زوجته
يعني لما تتخيلين انه نايم عندها وبجنبها راح تنطقين من الحره
شفتي الفرق شفتي ليه حريم زمان ماينقهرون على رجالهم
وعادي يتزوج عشر طول ماهي ماكله شاربه لابسه خلاص
لان مافي شي تتحسف عليه او ينحر قلبها عليه
وسلاااامتك
انتي قلتيها زمان مو زي اللحين
لاتقارنون رجال زمان برجالنا بهذا الزمن
ولو ان باقي في رجال...
الله يصلح الحال بس ...