نظامي اللي راح اعتمده بنفاسي باذن الله

اهلين حوائيات طبعا الفضل لله ثم لكم في تجميعي لنظام نفاسي وانا نويت احطلي نظام لان هذا حملي الثاني ودائما يقولون البكريه ماتتغير واجد بس الثانيه وبعدها الله يستر علينا عشان كذا بديت اهوجس من بداية حملي وجمعتلي من المنتدى ومن خبرات امي نظام وراح اتبعه باذن الله من اول يوم الى الاربعين طبعا كلها بكون عند امي وخواتي الله يحفظهم لي وراح احطه بنقاط واي غلط او نسيان ذكروني ووجهوني والنظام هو:
1/من اول يوم نفاس: خلطه من احدى الاخوات بالمنتدى والكل يمدحها ومافيها ضرر باذن الله (فنجان مطحون من كل من فلفل ابيض وفلفل اسود وزنجبيل وماش نخلطها مع بعض وتوضع بعلبه وكل يوم ملعقه صغيره مع كوب حليب حار وملعقه صغيره مع كوب حليب حار قبل العشاء)
2/بين الوجبات تمر من النوع الزين مع حبة السوداء وزيت زيتون لاني ماحب السمن
3/قهوه يوميا عباره عن قشر قهوه وقرفه وبينها كسرة مره
4/يوميا فطور وغدا وعشاء مغذي وبعيد عن الممنوعات(المويه البارده والمشروبات الغازيه والايسكريم والبطيخ والشمام والحوامض والملوخيه والباميا والمانجو والطماطم والجلي والمقليات والسكريات بكثره)
5/من بعد الولاده استخدام المضاد في وقته وحبوب الحديد والكالسيوم
6/لبس شراب ولبس سروال قطني طويل تحت الملابس
7/اربط على بطني من اول يوم نفاس وقبل الربط ادهن بطني بزيت زيتون دافي مع زنجبيل طازج مبشور
8/اغير الفوطه باستمرار واحط مرهم ميبو من اول يوم احطه بالفوطه والبسها وماخلي الجرح رطب عشان يلتئم واجفف المكان
9/ابتعد عن الهواء والمكيف بقدر الامكان واتحرك شوي شوي وماابذل مجهود كبير ومامشي حافيه عالبلاط والراحه ثم الراحه ثم الراحه
10/اخر عشرين يوم باستخدم خلطة الخمس فناجين للاخت قشر قهوه الله يجزاها الف خير
11/بعد ماتطيح الخيوط ابدا اغسل المكان بالمر والملح الخشن لاني مو مقتنعه اني اغسله بالمر والملح قبل ماتنزل الخيوط
12/اسوي تمارين كيجل
13/الراحه النفسيه والجسديه والنوم بدري وعلى كل الاوضاع وخاصة على الظهر وماتربع ابد ولااجلس عالارض ورضاعة النونو طبيعي قدر الامكان طبعا من اللحين بديت اهتم بالحلمات ودهنها
14/في العشر الايام الاولى حلبه مطحونه مع حليب حار وقبله اسف ملعقه مجروشه للظهر ولزيادة الحليب
15/قبل طلوعي من المستشفى اسال الدكتوره عن تنظيف الجرح والملين وتحاميل البوثيل لاني سمعت كثير يمدحونها
16/بعد ماطهر استخدم مسك الطهاره وابدا ببرنامج التجميل لشعري وبشرتي طبعا ببدا من النفاس بالشي اللي اقدر عليه والباقي بعد الاربعين


ها وش رايكم نظام حلو والا لا؟؟؟؟؟؟؟؟؟؟؟؟؟
طبعا رحت امس السوق واخذت ملابس لي وللنونو والصيدليه واخذت اغراضي منها والعطار ومن اليوم بديت اخلط واطحن
ادعولي الله يسهل علي ويقومني بالسلامه وارجع لزوجي عروس ولمن قالت امين
يااااااارب.............:26: