بــنــتـــي نــــكـــديــــه....!!!!!!!!

السلام عليكم ورحمة الله وبركاته........
هلا بأغلى اخوات.......
حبيت لو تساعدوني في مشكلتي مع بنتي.......

انا عندي ثلاث اطفال بنتين وولد ( الله يخليهم لي )
واعيش انا وزوجي في بيت اهله

مشكلتي في بنتي الكبيره ( 5 سنوات ) في (KG2)
بإختصار نكديه وملوله من اي شيء..لا يجذبها شيء
ودائما متضايقة بلا سبب وتبحث عن النكد والزعل
احاول ان اشغل وقتها بالالعاب المتنوعة والقصص الشيقة
تفرح بها بشكل مؤقت ثم تعود لحالتها..
والطلعات في كل طلعة اطلعها آخذها معاي..لحد ما تعبت
ما تتصورون اخواتي سعادتي اذا شفتها تضحك او تبتسم
لدرجة اني اطلب هالابتسامة منها..
يزعجني ضيقها والنكد المرسوم على ملامح وجهها
ودائما تبكي من اقل شيء لدرجة انها تطلعني من طوري
واضربها على اتفه الاشياء واندم بعدها..

اختها اللي اصغر منها ( سنتان ) دائما مبتسمة وحبوبه ومرحه
وتاخذ حقها بإيدها يعني ماشاء الله ما ينخاف عليها زي اختها
ولو تغلط تبتسم وما اقدر اعاقبها..

ارجوكم خبروني شو اسوي وياها....تراني تعبت....وخاصة
انا معلمة رياض اطفال..ومش قادره اتعامل معاها..!!!

اختكم ...:44:
ام روضه