بواسطة نجمه العمر...
حبيبتى لاتتركين الحبوب ابد ابد وحاولى تحافظين على نفسك وارتاحى لاتتحركين ...وخليك رافعه رجولك ..الله يثبتلك حملك

مرحبا ((بنوته جده))

الله يتمم أمرك على خير ولكن خذيها نصيحهمن مجربه

أنا لماكنت حامل وكنت بالأسبوع الخامس يعني مثلك تفاجأة

بنزول دم طبعا خفت وماأهملت الموضوع رحت لدكتورة

وبدون أي تردد أعطتني مثبت الحمل طبعا أستمر الدم معي لمدة

أسبوعين وبعدها ماصارلي نصيب :(

المهمم الحمدلله على كل حال بس أبيك تعرفين أني أستخدمت المثبت

ومع ذلك ماسويت عملية تنظيف

وبقولك عن وحده حدث معها مثلك بالضبط وأستمرت على المثبت

والحمدلله وقف الدم منها والحين عندها نونو

يعني اللي أبيه منك أنك ماتتركين المثبت أبدا أبدا أبدا

وإذا الله كاتب لك نصيب بالنونو إنشاءالله بتشوفينه

والدنيا تجارب بس المهم الدعوات..

والله يتمملك على خير وكل حامل يارب....

:27: :26: :27:

متغليه 55
تسلمي حبيبتي على الدعوه الحلوه ذي يارب يسمع منكم بذي الليله الفضيله




Pasta الله يعوضك انشاءالله ربي ماينسى احد

واللي احنا فيه ابتلاء مانملك الا اننا نشكر الله في السراء والضراء
عشان نستفيد من المصايب بشي ينفعنا بأخرتنا

babylove


ام عبودي ورهوفي


ميــــــلاد

ان شاء الله حسمع نصيحتكم وراح اكمل الدواء وشكرا الف شكر لاني محتاجه بصراحه احد يوجهني بذي الامور خاصة وانا في حيره

nasts
والله ياختي انك طمنتي بالي الله يجزاك كل خير انا كل خوفي من التنظيف والاجهاض والاثنين
انت ريحتيني منها وكل شي وارد بحالتي بس بصراحه انا ما اشوف قدامي الا اللي يجهضون وينظفون

وكلامك وربي زي البلسم الله يعافيك ويرزقنا آآآآآآآآآآآآآآآآآآآمين يارب

مرحباااا بنوتة جده ...

اختي بحكم التجربة انا مثلك كنت في الاسبوع الخامس يعني توني محلله الحمل جلست اربع ايام بالضبط
وبدأ ينزل شخوط بنية يعني مو افراز لا مثل الشخط كذا .. وبعد يومين بدأ يثخن مثل حثال القهوة الله يكرم
النعمه ..وطبعا عطوني مثبت وداومت عليه وبعد 4 ايام يعني في نهاية الاسبوع السادس بالضبط ضرب
دم احمر مثل الدورة بداية نزولها ... رحت الاسعاف وسووا لي اشعه من فوق ومابين شي سوت لي مهبليه
واول ماطلعت الاشعه الا ويضرب عليهم النزيف .. قالت روحي البيت ارتاحي وراجعينا بكره

اول ماوصلت البيت رحت واغتسلت وصليت ركعتين وطلبت من ربي اذا لي فيه خير يخليه واذا فيه شر يصرفه
عني مع اني محتاجه له بالمرة والحمدلله على قضاء الله ... وقالت لي جارتي : انها كانت تعاني مثلي في حملها
وشربت حلبه اذا فيه خير بيجلس ويوقف الدم واذا فيه شر بينزل .. وشربت الحلبه بعد ماجيت من المستشفى لاني
مليت من هالوصخ ولاانا عارفه اقدر اصلي او لا ؟؟ ماجلست ساعتين بعد الشرب الا ونزلت قطعة لحمه بنيه اشبه
بالكبدة وكان فيها مثل الحفر اوشي مثل كذا يعني هو الجنين ؟؟ اسفه لأني اقرفتكم بس حابه اختي بنوته تاخذ فكره
وطبعا ماسووا لي تنظيف لأني اللي طلع مني مو بسيط ..وانا توصيت بنفسي في الأعشاب بعد التسقيط

لكن حطي ببالك ان اغلب التسقيط فيه خيره لأنه مايطيح االأ اذا كان الجنين مشوه اواالبويضه غير صالحه للأستمرار

واختي حملت على بنتها عمرها سنه ومن حللت وهي تنزف نزيف ورافضه ترتاح ورافضه تاخذ مثبت وكل الدكاتره
قالوا لها نازل واحتمال يسقط خذي مثبت وهي رافضه تقول اذا فيه خير بيقعد بدون المثبت وجلست تنزف وعلى هالحاله
لما دخلت الشهر الرابع تخيلي .. ووقف النزيف من نفسه والطفل بحاله جيده ومستقره ..سبحان الله

والحين هي بالشهر السابع ..يعني كل حمل يختلف واحنا نأمل من الله لنا الخيره وادعي قولي اللهم اكتب لي الخيره
الصالحه ... وان كنت تأخرت بالرد واجهضتي فالله يعوضك بااخير منه وانا معك وجميع الاخوات

وان كنتي مازلتي في حملك .. فاادعوا الله القدير ان يثبته لك وان يحفظ لك جنينك وان يرفعك برحمة منه ولطف
وان يكف عنك مابك من دم .. ويسهل لك حملك ووضعك انه قادر على ذلك فرح الله نظرتك ونظرتي ورزقك ورزقني
وجميع بنات حواء اللهم آميـــــــــــــــــن ...

اختك حبيبة زوجي ..