بالنسبه للخضار الايدام قطعي اصناف الخضار اللي تحبينها واجمعيها بكيس نايلون حق اللحم اربطية وحطيه بالفريزر طبعا كل كيس يحوي الكمية اللي تحتاجينها لي ليله واحه مايصلح تطلعين الخضار وتذوبي وتاخذي الكمية اللي تعجبك غلط هذا يضر بالخضار قطعي كمية كبيره لخظار متنوعه وكيسي حسب احتياجك واذا بغيتي ايدام خوذي كيس واحده فقط

احلى طريقة هي انك تنظفي الباميا وتغسليها وبعدين قلمي الباميا حطيها بمصفاه في قدر به مويه حارة مده 10 دقايق ثم خرجيها وحطيها بقدر به مويه بارده ثلج لمده 10 دقايق بعدين صفيها وحطي كل كيس حق طبخة والله انها تجلس معك شهور زي ماهي ماتتغير وزيها للفاصوليا جربت الكوسة طلعت زي المطاط مررره مو حلوة افضل طازة 
كمان الملوخية حلوة بعد ماتقطفيها وتغسليها وتفرميها عبيها كل طبخة بكيس مرا تطلع حلوة ماتنعدم 

الجزر أبشّره وأخذه بأكياس آيس كريم وجزء أقطعه حلقات 
كمان الفلفل الرومي جزء أخليه مكعبات وجزء حلقات وأخذه بأكياس آيس كريم 

الفاصوليا والباميا من ونا صغيره معلمتني امي اغصلها واقطعها في واحطها بكيس في الفيزر ما تخرب لو جلست شهرين 

اول شي الله يبلغنا رمضان لافاقدين ولامفقودين يارب
ويعينا على صيامه وقيامه ويتقبل صالح اعمالنا اللهم امين...



ثاني شي انصحك بالطريقه الاتيه والله ان تدعين لي...


جيبي اكياس نايلون مقاس 6 وجيبي كرتون طماطم وخيشه بصل وقطعيهن وحطيهن بقدر كبير وحطي عليهن كأس او كأس ونص زيت وكشنيهن واذا تكشن خليه على جنب لاحتى يبرد
وبعدها جيبي الاكياس وعبي مغرفه من الكشنه ودخليها الفريزر تسهل عليك تصليح الشوربه المكرونه البيتزا الفطائر الصواني الخ..

والخطوه الثانيه قطعي كميه كبيره من القرع والبطاطس والباميه والفاصوليا والجزر وعبيهن بالاكياس كل نوع لحاله

الخطوه الثالثه. اطحني قرفه وسكر بني وكيكاو وعبي بالاكياس اذا انتم تسوون السينابون كثير كثري واذا لا تكفي 5 اكياس واجد

الخطوه الرابعه. سوي شيره وحفظيها بالثلاجة بركل اللي غطاه احمر يباع بمحلات المواعين

الخطوه الخامسه سوي دجاج فيليه كميه كبيره واذا بردت وزعيها بالاكياس وبالفريزر يسهل عليك تصليح الساندوتشات والفطائر ومكرونة البشاميل وصينية الخضار بالبشاميل الخ..

الخطوه السادسه اسلقي عدس واذا برد فرزنيه بكياس عشان تهل عليك شوربة العدس

الخطوه السابعه اطحني سكر عشان الدونات او اللقيمات الخ..

الخطوه الثامنه احمسي كميه لابأس فيها من السميد تحتاجينه لتزيين التمر او تغميس حلى او اي شي

الخطوه التاسعه. لفي سمبوسه اصابع بالجبن الكيري عشان تقدمينها مع الشيره والقهوه ولفي سمبوسه مثلثات صغيره بجبن البيضاء وبالشيره والسمسم وتقدم مع القهوه


الخطوه العاشره. سوي مثلثات السميد شييي وتنفع للتفريز وطعمه


هذا اللي ذاكر علي الان لاني ناويه اسويهن الله يعيني ويحيينا حياة طيبه

الف شكر يابنات كل اللي ردو
الله يسعدكم ويوفقكم يارب ويسخر لكم الطيبين من عباده
ماقصصرتو حبايبي عسا والدينكم الجنه كلكككككم يارب
وجزاكم الجنه ياحلوات



التفريز اسهل لاني ماحب اقضي اليوم كله في المطبخ برمضان
ويصيبني كسل سبحان الله وملل من الطبخ كل يوم
الله يعيننا عالصيام والقيام جميعا يارب