ايش تجهزو لفترة ما بعد الولادة (النفاس) ؟

اول: شيء أبدى جهزي من اخر الثامن
ثاني :شيء بالنسبه للاعشاب خذي المهم الي تحتاجينه بس مثل(قشر القهوه:الرشاد:الشمر:اليانسون،القرفه،حبه البركه،الحلبه،المره)
ثالثا:بالنسبه لتجهيزات لك اشتري(ملابس خاصه بالرضاعه عشان تكون اسهل لك وقت ماترضعين، حملات الصدر خاصه بالرضاعه،اشتري مفارش للنفاس الي يكون كامل يعني يكون تكون القطع الي فيه كامله،اشتري شربات ثقيله شوي عشان رجولك ماتبرد في هل البرد ودائم خليك لبستها ،وبالنسبة لصابون الاستحمام استعملي صابون زيت الزيتون افضل عشان يربط جسمك وابتعدي عن الصابون المعطر لان ينشف الجسم
ربعاً:بالنسبه للبيبي ،،،اشتري له كم لبسه داخليه يعني كم بربتيز بس لاتكثرين لان البيبي يكبر بسرعه،كما خذيله بانيو استحمام بس خذي الأفضل والأفضل الي يكون من بلاستيك مو من اسفنج.خذي له كم لبسه،وكم شرشف لف.اهم شيء خذي له قبعه قطنيه عشان تغطي رأسه عن البرد،،وكمان اشتري له مستحضرات استحمام من جونسن خذي(صابون سائل لاستحمام،وشامبو،زيت الأطفال،بودره،)ممكن تشتري له فاز لين خاصه بالأطفال
خامس :بعد الولاده اذا سوالك توسعه يعني خياطه(فيك تغتسلين بمنقوع مره والملح بس يوم بعد يوم لان المره تشد ويمكن تشد عليك والخياطة بعدها مانزلت)او ممكن تستعملي غسول البتادين مع مرهم وأفضل شيء خلي الدكتوره تكتبلك علي ادويه تستعملينها للخياطه قبل ماتخرجي من المستشفى
سادسا:بالنسبه لانظام كل وحده له نظام مختلف انتي دوري بالنت وشوي الي يناسبك بس اهم شيء لاتاكلي الأشياء الزجه مثل(الباميا، الشمم،الملوخيه،البقالة،)يعني الخضار او الفاكهة الي تحتوي علي ماده لزجه ابتعدي عنها،،، اهم شيء كثري شرب سوائل لاتهملينها لأنك راح ترضعين وكمان لان جسمك وقت الولاده فقد سوائل كثيره فأنتي محتاجه تعويض سوائل
وهذا الي يحضرني الان والله يقومك بالسلامه يارب:::وتشوفي طفلك علي خير وتفرحي فيه ويقر بجيته عينك وعين وابوه

الله يجزاك خير يامرام كفيتي ووفيتي ..استفدت منك لاني هالمره بتنفس في بيتي ان شاء الله

مريم العفري
الله يسعدك ويجزاك خير ماقصرتي ياعسل

أنا دخلت التاسع لي أسبوع
من ناحيه ملابس البيبي
ما شريت غير طقمين وكافولتين و7بربتوزات ومنشفه
ولي بس روبين ومررره حاسه ناقص حاجات كثيررر

أما الأعشاب ..
ماني عارفه لانو أمهاتنا ماكانو يهتمو بهالشئ ..
ياليت تقولي طرقكم بقشر القهوة والرشاد والحلبه سف ولا بتمره

حبيبتي مي بكتب لك طريقة امي 
لنا بالنفاس سهلة مره و لافيها خرابيط واجد ..
والحمدالله نطلع من احسن مايكون 
....
التمره اذا خلاص مابقى لك الا كم يوم عالولادة سويها عشان تاخذينها معك بشنطة الولادة 
اعفسي تمر مع حبة سودا مع شمر وزيت زيتون
او اذا تبغين سمن بدال الزيت او زبده
احنا عشان نكسب وزن بالحمل ف مانبغى السمنة نحط زيت زيتون شويه .. 
و الحلبة مطحونه على الريق تاخذين ملعقة حقت 
الحلا اذا تبغين احسن لك ولعظامك الهميها واشربي حليب دافي انا مابي اسمن احطها بكوب الحليب واحركها و اذا ركدت شوي شربت الحليب 
طبعا هذا على الريق اذا امي صلت الفجر تجيبه لي و معه توست اسمر و بيضة مسلوقة 
و بعدها بساعه ونص كذا تسوي لي خبز صاج 
وافطر .. 
و الماش تطبخه مع الاكل مع المرقوق والاشيا هذي
بس مو دايم .. و قشر القهوة اطحنيها و حطي معها شمر و زنجبيل ويانسون طبعا الاخيرات مو مطحونة حطيها مع بعض بعلبة كلها نفس الكمية متساوية واغلي موية و حطي ملعقتين اكل بالترمس من خلطة القشر و صبي عليهم الموية ..
و في المطبوخة اذا تعرفينها من العطار تلقينها 
نفس الشي اغلي موية وخوذي منها ملعقتين وبترمس و هذول الثنتين طول الاربعين تشربينهم ...
والعشرين يوم الاخيرة تزودين على تمرتك 
رشاد و تتركين الحلبة خلاص... ترا انا بس عشر ايام استخدم الحلبة في حريم يكملون كل العشرين يوم الاولى بالحلبة ...
و العشرين يوم الاخيرة تسوين لك 
خلطة عشان تنقض الحلبة و تنظف الرحم 
فنجالين حبة سودا غير مطحون 
فنجالين كمون مطحون 
فنجالين قرفة مطحون 
فنجال رشاد غير مطحون 
فنجال عود مطحون 
فنجال فلفل اسود مطحون ..
تخلطينها وكمان بعلبة تحطينها و بالصباح 
تاخذين ملعقه و تخلطينها بعجينه حقت قرص واحد تسوين خبزة صغيرة عالصاج 
وتحطين عليها اذا تبغين زيت زيتون او سمن 
بس ديري بالك الخلطة حارة اذا معك قولون انتبهي من الامساك اشربي ملين 
واتوقع اذا معك التهاب معدة ماتصلح لك ..
و الخيوط اهم حاجة تاكلين المضاد الي تصرفه 
لك الدكتورة واذا ماصرفت لك روحي لها خوذي مضاد حبوب لازم لازم عشان ماتلتهب 
و الغسول استخدمي بيتادين مخفف بالموية مرتين بس ترا كثرته تجيب التهاب مرتين بس يوميا و الكريم استخدمي ميبو كمان مرتين بس خلي الخيوط مره ناشفة ماعليها كريم ومره رطبة من الكريم عشان تلتئم مايصلح دايم الكريم عليها و المرة وملح لاتستخدمينها ابد الا بعد الثلاثين يوم .. واي غسول اعشاب بعد الثلاثين 
والله يقومك ويقومنا بالسلامة و اي شي اسأليني تحت امرك 🌹🌹🌹

ا
تفضلى بزيارة الانستقرام
تحت بالرابط وراح تلاقين الى يفيدك باذن الله