للي سألو عن امي والله انتم على راسي الله لا يحرمكم الاجر
السلام عليكم ورحمة الله وبركاته
اخواتي حبيباتي
والله جلست اقرا دعواتكم الحلوه لامي
دمعت عيني
وربي احس ان الدنيا فيها خير
وان الطيب فينا مزروع
احب اطمنكم الحين اوضاع الوالده مستقره
والحمد لله وجهها انور من قبل كان مسود مع الاوجاع والالم يارب لاتحرمها الاجر
الحين هي في العنايه بس ان شاء الله قريب يطلعونها منها
حاطينها تحت المراقبه علشان يتابعون السكر والضغط
لانه كان مره مرتفع اول مادخلت
وربي لما قريت دعواتكم الحلوه انشرح صدري
حسيت انها جت بوقت هي محتاجتها
من جد الحياه من دون الغالين ما تسوى
من عقب عين الوالد ضاقت فينا هالدنيا
ياربي تطول بعمرها على طاعتك وتعافيها وتشفيها
وجميع مرضى المسلمين
(( مرض الوالده ))
امي الله يطول بعمرها كانت تجيها دمامل وكانت تتعبها بس كانت تجي وتروح بسرعه كان ذلك في خلال اخر سبع سنوات
في شهر 12 من السنه اللي راحت جتها مره ثانيه وكانت متشعبه لها اربع رووس
وماكانت تقدر تتحرك منها تخيلوا من بعد ماكانت تمشي وتروح وتجي في خلال اسابيع ما عاد تتحرك من مكانها
وديناها للمستشفى وسوينا عملية تنظيف لها والحمد لله لاباس كانها احسن
بس اثرت فيها القسطره وصارت ماتقدر تتحكم بالبول تكرمون
تخيلو كيف بتكون نفسيتها من قبل كانت تقوم بعمرها والحين الله المستعان
طابت الدمامل الاولى
وطلعت في الجهه المقابله لها دمامل ثانيه
وماكنا نقول لها عنها كانت تتشكى تقول يوجعني
بس لو تدري انها رجعت لها ثانيه ان تتعب نفسيتها
في يوم اكتشفت هي من نفسها الدمامل الجديده سألتنا عنها اضطرينا نقول لها لان خلاص لازم تدري علشان اذا جينا ننظفها
مكان الدمامل كان مره في ضيق كانت حول المقعده لدرجه استمرت امي على السرير ما تقدر تجلس تقريبا اكثر من ثمان شهور
وكنا نقول يارب عافيتك لا تحرمنا منها
من جد كننا في اي لحظه نتوقع انا نقوم وما نلقاها
وفي شهر 8 تقريبا قدرت تجلس
بس كانت نفسيتها تعبانه من ويش ما كنا ندري
كانت تفكر في كل شي
اي شي يضيق صدرها
كنا كلنا حواليها ومانخليها كل اسبوع تجلس وحده مننا عندها
في رمضان كانت احس ولله الحمد والعيد كذلك
امي كانت واعده بنتي انها تجي معنا لبيتنا ولان بيتنا بعيد مو في نفس المنطقه
من تزوجت مادخلت بيتي بحكم لمشوار تقريبا 3 ساعات
من بعد العيد وامي احسن كانت تجلس والنفسيه يارب لك الحمد تمام
قالت بما اني احسن ابروح معكم وعاده جوري اللي هي بنتي
وما تتخيلون فرحتنا انها اخيرا بتنور بيتنا
جت عندي وجلست اسبوعين
الاول تمام ولا في احسن منها من الاحد الاسبوع الثاني والحراره بدتها
تروح وتجي
والاثنين كذلك
وزوجي لما شافها كذا استأذن يوم الاربعا علشان نرجع بها يوم الثلاثا
رجعنا الثلاثا
والاربعا اجتمعوا اخواني واخواتي علشان يشوفون امي
الخميس نفس الحكايه كانت الحراره نار الله المستعان
وفي ليلة الجمعه ارتفعت حرارتها ل 40 ونص
ودوها للمستشفى والحين الحمدلله احسن بكثير
زرت امي وسلمت عليها امس العصر في المستشفى وكنت ابجلس اصير ارافق معها
قالت لي لاتجلسين روحي قلت يمه لاحقه على الروحه قالت روحي والا ترا ازعل
مسكين رجلك من عنده يطبخ له ويونسه انا هنا عندي البنات مو مقصرين
اضطربت اروح علشانها
استودعتها ربي وجيت لبيتي وقلبي معها
هذي هي قصة اميمتي ومرضها الله يكشف مافيها و يجعله تكفير ذنوب
والله انها ماقصرت في حق احد ابوي الله يغفر له ويرحمه 3 سنوات وهو تعبان على السرير مايتحرك ولا يشوف ولا يتكلم بس يسمع
جلطه في المخ وما قصرت معاه الله يجزاها الجنه بدون حساب
شاكره لكم سؤالكم عن الوالده
عل راسي من فوق
25
2K
يلزم عليك تسجيل الدخول أولًا لكتابة تعليق.
يا أختي نصيحة لوجه الله كل يوم اقرأوا عليها الرقية كل يوم ع شخص يقرأ عليها لا تقل المده عن نصف ساعه وأفضل ساعه وبإذن الله تتحسن الله يشفيهال ويخليها لكم ويشفي أمي ومرضى المسلمين
الصفحة الأخيرة
والله انه ترحم اميمتس
والله يشفيه شفاء لايغادر سقما