مين تسعفني بطرق طبخ الفقع ادعي لها من قلبي

السلام عليكم اختى تريدين طرق السلق والحفظ او طباخات ردى بسرعة عشان اساعدك :26: :26: :26: :26:

الآخت ميسان :
طريقة طبخ الفقع هي :
يقشر الفقع ويغسل , يضاف إلى مرقة اللحم مع البهارات وعصير الطماطم الطازج

ويترك على النار إلى أن ينضج .
باالامكان إضافة اللحم مع الفقع ليتم نضج الاثنين مع بعض .

ملاحظة يأخذ الفقع وقت للنضوج مثل وقت اللحم

هلا اختي ميسان ..... انا راح اعطيك عدة طرق وانتي اختاري اللي تبين .......

بس ملاحظه مهمه مهمه مهمه الفقع مايطلع طعمه ونكهته الحقيقيه اذا اضفتي له البهارات .....

شوفي يا طويلة العمر اول شئ تغسلين الفقع زين زين وتنظفينه وبعدين تسلقينه بماء وملح واذا شفتي انه

قرب يخلص تكبين عليه الرز اللي منقعته قبل كذا ويطلع رهيب مع الرز المصري .

طريقه ثانيه نفس الاولى بس تضيفين معجون طماطم ويكون الرز بسمتي.

طريقه ثالثه وهذي لذيذه مره وهي انك تسلقين الفقع بماء وملح واذا نضج تطلعينه وتصفينه من الماء

وبعدين تحطينه بالهاون الخشبي وتبدين تدقينه لين ينهرس شويه بعدين تحطينه بصحن وتضيفين له زبدة

غنم وتعجنينهم مع بعض وتاكلينه مع الخبز واحسن شئ خبز الصااااج ....

وصحه وعافيه مقدما واتمنى اني افدتك ........

اختي ميسان الفقع مشهور طبخه عندنا اهل حائلوله عده طرق اهمها:

1*تنظيف الفقع من التراب جيداوذلك يتم نقعه ربع ساعه بماء دافي ثم يتم تغسيله
2*بعد غسله يوضع في قدر واسع ويوضع عليه ماء وملح قليل وكركم ويترك يفور فورتين او اكثر علي حسب الرغبه
3*بعد ان يبرد يوضع في اكياس نايلون ويوضع في الفريز حتي استعماله
4*عند الاستعمال اذا رغبتي باكله طازج بعد الغسل مباشرة يوضع مع اللحم وقليل من البهاراتويترك يطبخ حتي ينضج
وبعد النضج يوضع عليه الرز ويكبس او يوخد الماء منه ويكبس عليه الرز


ملاحظه:
طريقه التثليج هذه افضل طريقه عن تجربه
يستعمل الفقع مع الرز والمطازيز ومع الشوربه والوشيق والرز العنبر مرة رهيييييييب :23: :23:

السلام غليكم و رخمة الله و بركاته،
اختي ميسان عنديلك طريقه للفقع تاكلين اصبعك وراها، جربيها و ان شاء الله تجوز لك

المقادير:
1 دجاجه مقطعه قطع كبيره
½ كوب بصل مقطع
دارسين (قرفه) + هيل (كامل مو مطحون)
1 ملعقه صغير من كل من بهار مشكل + ملح
½ كوب طماط مقطع
4 اكواب فقع منظف و مقطع قطع متوسطه ( يعني تقريبا 2.5 سم)
ملعقه صغيره ليمون اسود (مطحون)
¼ ملعقه صغيره فلفل اسود
2 كوب رز (مغسوا و منقع)
5 حبات فلفل اخضر حار ( اذا ما تحبين الحار قللي)


الطريقة:
نطقي الدجاج و نقعيه بعصير ليمون و ثوم و ملح لمدة ساعه
حمري البصل بشوية زيت و بعدين حصي معاه البهارات الكامله و حمسيهم مع البصل شوي
اضيفي الدجاج للبصل والبهارات و اطبخيه (بس الا ما يروح الون الوردي من الدجاج)
الى استوى ذري عليه البهار المشكل و الملح و الطماط اخلطيهم زين و غطيه و خليه على النار الى ما يتبخر اكثر الماي
اضيفي الفقع للدجاج و صبي على الخلطه ماي حار ( الماي خليه يغطي الدجاج بس لا يزيد)
غطيه و خليه يطبخ الى ما بستوي الدجاج و الفقع (يعني تقريبا ساعه)
طلعي الدجاج من المرق و اطبخيع في الفرن 350 الا ما يحمر ( لا تخلينه مده في الفرن ولا ينشف)
طلعي الفقع من المرق و اخلطيه مع الليمون الاسود و الفلفل الاسود و احمسيه مع شويه ماي و حطيه فوق الدجاج

اطبخي الرز بمرق الفقع (بسلا يصير المرق اكثر من 3 اكواب عشان الرز ما يصير مريس)

بس و قدميه مع الفقع و الدجاج و الف صحه ز عافيه

تراها لذيذه و ان شاء الله تعجبك و صدقيني سهلهز جربيها و الا جربتيها علميني رايكز

اختك
ام سطام