السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
حبيباتي حنزلكم اليوم وصفة روووووووووعة و طييييييييبة بشكل مو طبيعي
حتى و هو بالطنجرة عالنااار ما حتقدري تقاومي انك ما تدوقي حتى لو حبة منو
طبعا هو بيتاكل بااارد بس مو كتير عشان تستسيغي كل النكهات اللي فيه
حقدملكم ياه اليوم بطريقتي و بالخطوات التفصيلية من مطبخي
اول شي المقادير :-
1 مرتبان ورق عنب ( انا بستخدم العلالي الفاخر افضل نوع )
2 كوب رز صنوايت ( منقوع لحد ما تسير حبة الرز بيضة و ليس شفافة )
نص (ضمة / باقة ) بقدونس مفروم ناعم
حبتين بصل حجم وسط مفرومين ناعم
حبتين بندورة حجم وسط مفرومين ناعم (بشيل شوي من لب البندورة)
8 ورقات نعنع مفرومين ناعم ازا مو متوفر حطي معلقة صغيرة نعنع ناشف مطحون
تلات فناجين قهوة زيت زيتون
تلات ارباع فنجان قهوة دبس رمان ( لا تحكو كتير لئنو هو سر النكهة الرووووعة )
معلقة صغيرة قرفة / رشة بهار مشكل / رشة كزبرة ناشفة مطحونة / معلقتين و نص صغار ملح
رشة فلفل ابيض او اسود مطحوون
عصير تلات ليمونات ( حسب الزوء بس انا بحبو حامض )
هلأ طريقة العمل بالخطوات
هاي البصل و البندورة و البقدونس المفرومين / ما كان عندي نعنع فريش فاستخدمت مطحون
بنحطهم بالطنجرة و بندير عليهم زيت الزيتون و دبس الرمان و الملح و البهارات اللي زكرتها فوق
بنحطهم كلهم عالنار لحد ما يغلو ( يعني اول ما يغلو بنطفي النار عليهم و هالخطوة اخدتها من اشراقة امل بمنتدى تاني )
بعد ما نطفي النار على طول بنحط الرز المنقوع و المصفى من المي و بنحركهم سوا و بنتركهم لحد ما يبردو تماما
بعد ما تبرد بنحط كمية من الحشو بمصفاية عشان تنزل ميتها و تساعدنا باللف
و حاولو اضغطو بالمعلقة عشان تنزل المي
هلأ بنصف شرايح بندورة بالطنجرة ( ممكن تضيفو بطاطا و بصل )
و بنصف ورقات اليلنجي عليها بشكل مرتب و يكونو قراب كتير على بعض ما يكون بيناتهم فراغ عشان يطلعو متماسكين
و اللي بزيد من اوراق اللف او بطلع مثلا مقطوع و ما حينفع تلفيه لا ترميه حطيه فوق اليلنجي بعد ما تصفيه عشان ازا حطيتي صحن فيه زخرفة او الوان ما يصبغ عاليلنجي
هلأ بنحط صحن فوقهم و بندير عليه المي اللي تصفت من اليلنجي و احنا بنحشيه
هاي شكل المي