هلا اختي انا بعد مثل شعرك ومسويه له هايلات
والله ان شعري صار خشن مررررره وجاف والكل قام يلومني ويقولون لي دمرتي شعرك
ويقولون لي وش فيه شعرك انقلب 180 درجه
وداومت على هذي الطريقه
1)سمن نباتي اوحيواني على كيفك
2)زيت زيتون اللي يكون للطبخ يجيك في قرشه زجاجيه
3)زيت نور للطبخ
4)حمام زيت فاشكول بالثوم
5)بلسم
6)شامبو للشعر المصبوغ
7)سيروم كريستال
الطريقه:
اخذي السمن وخلطيه مع زيت نور وحطيه على شعرك قبل ماتنامين
وغطي شعرك بكيسه بلاستك وتجنبي الكيس اللي تكون للزبالات تكرمين لان فيها مواد سامه
اذا كان ماعندك القبعه اللي خاصه للشعراو حطيه لمدة 6 ساعات اذا كنتي ماتحبين تنامين فيه
واذا صحيتي من النوم اغسلي شعرك بالشامبو لازم يكون للشعر المصبوغ
وحطيه عليه بلسم برضوا يكون للشعر المصبوغ والتالف لمدة 4/1 ساعه
واغسليه بالمويه
بعدين اخذي حمام الزيت وخلطيه مع ثلاث ملاعق كبيره زيت زيتون لحد ماتشوفين انه الزيت مابقى له اثر
اندمج مع الحمام زيت
وحطيه على شعرك وغطيه بكيسه لمدة 2/1 ساعه وافضل انك تخلينها ساعتين اذا كنت فاضيه ومش مزحزمه
واستغلي هذا الشي دام احنا في عطله
وبعدين غسليه بالمويه
ونشفي شعرك من المويه بالمنشفه طبعا" راح يكون في الشعر شويت رطوبه لاتنشفينه بالمره لا لا
وامسحي عليه بسيروم كريستال كافيه لشعرك
وبعدين غطي شعرك بالمنشفه اللي نشفتي بيها شعرك لان راح تكون رطبه من المويه وهذا اللي نبيه
وخليها 10 دقائق
وسشوري شعرك وشوفي وشلون اللمعه والنعومه
ومع التكرار راح تلاحظين شعرك شلون ينعم ويصير يجنن
وسوي هالطريقه على الاقل 3 مرات في الاسبوع واذا تبين نتيجه سريعه انصحك يوم ويوم
واذا تبين تريحين شعرك من السشوار
بعد ماتدهنين شعرك بسيروم كريستال لفي شعرك طاقيه
وغطيه بالمنشفه لمدة ربع ساعه بعدين ابعدي المنشفه وخلي شعرك على ذا الحال لحد ماتحسين انه نشف بالمره
افتحي الطاقيه راح يعطيك نتيجه نعومه حلوه بس ماهو بزي السشوار
وهذا انا اقولك داومي على الطريق داومي ثم داومي
وانتي جربيها لمدة اسبوعين واذا ماشفتي النتيجه اللي تبينها تركيها
والله ان الكل يحسبني مملسه شعري بعد الخراب اللي سوته لي الصبغه ماقصرت في شعري
بس لاتنسيني من دعواتك اذا جابت معك النتيجه اللي تبينها
وسامحيني على الاطاله
:26: :26: :26: :26:
:33: