كيفكم ياحلوين ان شاء الله تكونو بالف صحة وعافية
اليوم جايبة لكم طريقة القرصان المخمورة او بمعنى اصحى فيها لسعة حموضة وترى طعمها جنان مع الاجبان والعدس والفول ماشي يالله معايه للمطبخ
طبعا عشان عجينتك تطلع حامضة لازم تسوين رزاز مدري انتم وش تسمونه لكن هاذا باللهجة المحلية وطريقتها تجيبين دقيق وموية وشوية ملح وتخلطينها مع بعض وتتركينها برى عشان تصير حامضة يعني لمدة يوم كامل وانتي بتعرفين من الريحة بعد كذا تحتفظين فيها في علبة وكل ما بغيتي تسوين عجينة تاخذين مقدار ملعقة منها وبس نشوف الصور
هاذا الرزاز
وهنا حطينا مقدار ملعقة على الدقيق عشان نعجن به مع الموية
عجينتنا جاهزة للاستخدام
وهاذا قرصنا يتحمر على الصاج
وهنا لما قلبناه عشان الجهة الثانية تاخذ لون
وهنا جاهز
زووووم للتعذيب
وهاذي فوق البيعة خبزة يم يم
على فكرة لما تعجنين العجينة حقت القرصان او الخبزة اتركيها اقل شي نصف ساعة عشان تندمج مع بعض ولاتكون متكتلة وبالعافية على قلوبكم......
مع السلامه وفي حفظ الله