امنيتي غبية ولا لأ ؟؟ ممكن تحقق ؟؟

السلام عليكم
انا عندي امنية قديييمه من زمان و هي تجول فبالي <<< حلوه تجول هههههه
المهم هي و ان اربي عندي فالبيت بنت (اذا الله ما رزقني بزوج)
بصراحه لانه انا ولا مره انخطبت ولا في مواصفات مميزه ولا شي
فاحس ما ابغي اضيع كل عمري بس انتظر
اتمنى اخذ لي بنت كتكوته شقرا و عيونها زرق (بليز لا تضحكون هذا حلمي :( ) و اربيها و اعتني فيها و انشغل بها

شو رايكم ممكن يتحقق هذا الشي ؟؟ طببببعااااااااا انا ما اقصد التبني
والله انا جاده و هذا حلمي من سنيين و كل ما اشوف ملابس اطفال فالحلات بدل ما اقول بشتري لعيالي فالمستقبل ان شاءالله
اقول بشتري للبنت الي بربيها ان شاءالله
لا تجي وحده تقولي التبني حرام
بس اربيها عندي



مشكورين حبيباتي
انا كتبت الموضوع لاني خاطري اتكلم فهذا الموضوع لانه ماحد يعرف عن هذا الشي و استحي اتكلم فيه
بس خفت الالقي هجوم
الله يحققلكم كل امانيكم و يرزقكم يارب
اجمل انسانه الله يرزقك بالذريه الصالحة يارب

تعديل:
انا ما احس اني انسانه متشائمه, يمكن متشائمه شوي
لكن بصراحه نحن بس ناخذ الاقارب ممنوع زواج برع قطعيا و معظم اذا مو كل الاولاد خاطبين و انا حتى لو ماكانو خاطبين ابدا ما اتوقع اخذ واحد منهم للاسف كل اقاربي سطحيين و سخيفيين ما بزعل لو ما تزوجت واحد منهم

هو اكيد لو صار الموضوع جد بكلم شيخ ثقه اول
حتى يشرحلي كل الاشيا الي لازم انتبه لها (موضوع الرضاع و المحارم ...... الخ ) و ان شاءالله كمان لو اهلي وافقو برجع اكتب فالمنتدى اخذ منكم النصيحه لانكم الصراحه اروع خوات