ههه الله يسعدك
شوفى انا مثلك لكن المواقف والزمن حتم عليا اخوض التجارب


اهم حاجة تعرفى الكميه وعلى اساسه تعتمدى القدر الى تطبخين فيه اذ انتى وزوجل انقعى 2ك جبن صير رز نص ساعه بعد غسل
لاتكثري الزيت لانه كمه قليله فقط م ك زيت نص بصله بعد حمس حطى تقربيا المويه حاره تغطى و1سم عن مستوى ارتفاع الرز اواكثر شويه
اذ بدك تعرفيى انه كميه الماء مناسبه ضعى معلقه اذ كانت ثابته بالطول فالكمه مناسبه اذ تمايلات فالماء اكثر المهم اذ مويه كثيره بعد ماتنضج الحبه صفى مويه
الملح لاتنسينه 2م ص بعدين انتى تعرفى كيف الوزنيه مع الوقت
اذ نشف الرز ضعيه على ناره هاديه وضعى فوق نصف حبه بصله مقطعه صفيرة مشوحه على نار مع2م ص زيت

اشتري كتاب اطباق النخبه حلو مره

والاقسام هنا مليانه اطباق حلوه مع المقادير والرز اسهل حاجه بس اهم شي نقعيه قبل الطبخ يصير احلا والمويه لاتكثرينها ع الرز خصوصا انك بس انت وزوجك وادا مازبط معاك الرز صلحي مكرونه شوي شوي لين تتعلمي
والله يوفقك

عندك كل الاقسام الطبخات ولا اروع


وانا بحط لك بعض الطرق اللي حافظتها من عالم حواء وجازت لي واتنمى افيدك


برياني كباب الدجاج
المقادير
ملعقة صغيره بهار البرياني + 2 فلفل أخضر حار حسب الرغبة + بصلة مقطعه شرايح + 2 طماطم مفرومه + 2 فص ثوم مهروس + نص ملعقه صغيره زنجبيل مفروم + 2 ملعقة كزبره مفرومه + رز أبيض مسلوق ثلاث أرباع استوا + صبغة رز + بصل مقلي للوجه

تتبيلة الدجاج :
4 صدور دجاج مفورمه + ملح + نص ملعقه صغيره زنجبيل مفروم + فص ثوم مهروس + ملعقة بهار برياني + ملعقة زبادي + نص ملعقه كزبره ناشفه + بيضة + نص ملعقه صغيره فلفل أسود 
الطريقة :

1) - الكباب :
يخلط الدجاج مع باقي مكونات التتبيلو ويترك في الثلاجه  3 ساعات أو ليلة كاملة
تشكل حسب الرغبة وندخلها الفرن تشوى ونبخرها بالفحم بعد ما تتحمر
2)- لعمل الرز:
نسخن زيت مع الزبده ونحمر البصل والثوم والزنجبيل والفلفل
نضيف الطماطم والكزبره والملح وبهار البرياني ونقلب 
نضيف الكباب ونقلب 
يضاف الرز ونخلط قليل من صبغة الزعفران مع ماء الكادي ونضيف
اضغطي هنا لمشاهدة الصورة بحجمها الأصلي
أخيرا نبخر الرز بالفحم ونتركه على النار 5 دقايق ثم يقدم  

صينية فرن
حمسي بصل وثوم. وبعدين اضيفي لحم دجاج مفروم ضيفيه ع البصل لين ينشف منه الماي. وبعدين قطعي قطعي طماط..كوسه..فلفل حار او رومي.. وبعدين حطي مكعب ماجي..فلفل اسود..كمون..بزار..بابريكا...كز برة بودر..فلفل احمر المهم البهارات اللي عندك وبعدين نص كوب ماي وخليها تتسبك مع ملعقه معجون طماط وبعد ماتحسين انها نضجت  وبعدين حطيها في صينية الفرن وبعدين اضيفي عليها 
عليها خلطة من التشيدر والموزريلا وبعدبن اقلي مكعبات باذنجان وبطاطا وحطيها عالجبن 
 وبعدين ارجعي حطي عليها جبن ولو عندك اعشاب ايطاليه رشيها عالجبن وزعتر بعد وريحان مجفف وبعدين دخليها الفرن من تحت بعدين من فوق 

 باستا
هذي طريقة باستا شكلها يمي وسهله
دجَاج مَسلُوق ومفَتتّ مَع بصَل وفلفِل روُمي ومِلح وزيِت ومِلح صِيني وفلفِل اسَود وقِلبيهم  وبعدين حطي عليِهم المكرُونة بعد سلقها طبعا   وبعدين اضَيفي حليِب سَايل فيِه ملعقتِين دقيِق حتَى يطلَع زي البشَاميل خفيِف زي ماتحبين تبينها خفيفه او شوي تسبح بالبشاميل المهم فلبيها كم دقيقه مع الشاميل وطفي عنها لاتطول واحطيها بالصينيه وابشري عالوجه جبنه ودخليها الفرن بس تذوب الجبنه 


صينية فرن 
اول الخطوت رح نشوي الخضار لتخفيف الدهون ويصير تقليها طبعا
وعلى الشوايه رشي عليهم شوي زيت زيتون رشات بسيطه
اقلي بطاطس
الخطوة الثانيه حمسة دجاج
حمسي بصل وثوم
قطعي صدور دجاج تقطيع صغير وضيفيه للبصل
لين قرب ينضج بهري
فتتي مكعب ماجي فلفل اسود وبابريكا 
لين نضج طفي النار وضيفي ملعقتين جبن وملعقتين لبنه اي نوع لبنه عادي
في بايركس فرن صفي الخضار
رشي عليهم ملح وفلفل اسود
عليهم طبقة الدجاج 
فوقهم البطاطس المقليه تكون مقطعه اصابع
ابشري موزريلا
ودخليها الفرن تتحمر
اول من تحت بعدين من  فوق

صينية السبانخ بالبطاطس والجبن
قطعي كمية من البطاطس بس انا احب اخلط معاه القرع الاصفر يمي يمي طعمه مع السبانخ والبطاطس
تقدرين تستغنين عن القرع لان الاساس بطاطس
اسلقي البطاط والقرع مع فصين ثوم ورشة اوريجانو
صفي البطاط وحطي معاه 3ملاعق كبيرة جبن وربع كوب حليب وملح وفلفل اسود
اهرسيهم مع بعض وطبعا مع فصوص الثوم 
وخليه ع بال مانجهز السبانخ ..انا استخدم المجمد 
ذوبيه شوي بالمكرويف وخلاص
حمسي بصل وثوم
لما يتحمر البصل حطي السبانخ مع مكعب ماجي فتتيه وفلفل اسود وفلفل مجروش احمر
خلطيهم وخليه لين ينشف كل الماي اللي بينزل من السبانخ
بعدين ضيفي 2ملعقه جبن او قشطه اللي تحبين
في صينية فرن حطي البطاطس المهروس
عليه طبقه السبانخ 
 وبعدين حطي اي نوع جبن متوفر عندك تشيدر وجبن  شرايح  اذا متوفر مع الموزريلا
دخليها الفرن اول من تحت خليها ربع ساعه بعدين من فوق  حمري الجين


 

صينية فرن خطيره

......................
الطبقه الأولى :
بصله مفرومه
3 حبآت ثوم مهروسه
حبة فلفل رومي مقطعه مربعآت صغآر جدآ
حبة طمآطم مقطعه مربعآت صغيرة جدآ
حبتين فلفل حآر مقطعه صغآر 
2 م صلصة طمآطم
(دجآجه مسلوقه ومفرومه أو لو تكون منتفه بآليد احسن)
حبه ونص مآجي
م ص من كل من(ملح,فلفل اسود,بهآرآت مشكله مطحونه)
والسر العجيب في طعم هآلطبقه>>دبس الرمآن<<
طبعآ نشوح البصل والثوم ونضيفله الفلفل الرومي والحآر ونخليهم شوي مع بعض وبعد كذآ نضيف الطمآطم ومعجون الطمآطم والبهآرآت وكل المقآدير ونخليهآ شوي لين تغلي وبعد كذآ نضيف الدجآآآج ..ودبس الرمآآن ..
ونصب ع الخليط حوآلي كآسه ونص مويه ..ونخلي الخلطه تتسبك مضبووووط ...
وبعد نص سآعه تقريبآ ..نحط هآلطبقه الأولى في صينية الفرن...ونفرد فوقهآ جبن شرآيح لين نغطي الطبقه كآمله ..
نجي للطبقه الثآنيه:
نقطع حبتين بآذنجآن 
و3 حبآت بطآطس متوسطة الحجم 
إلى مربعآت صغآر مره ونقليهم فآلزيت وبعد كذآ نحطهم فوق الجبن يعني فوق الطبقه الأولى..
ونجي نسوي الصوص الاخير اللي بنصبه فوق الصينيه قبل ندخلهآ الفرن..
الصوص :
2 م ك مآيونيز
3 م ك جبن سآيل
حبتين جبن كيري
نص كوب حليب سآيل 
2 فص ثوم
شوي ملح
ونخلطهم فآلخلآط ونصبهم فوق طبقآت الصينيه
وندخلهآ الفرن نولع النآر من تحت لمدة تقريبآ نص سآعه..وبعدكذآ نولع من فوق حوآلي خمس دقآيق وننتبه عشآن مآيحترق وجه الطبخه ..
ونطلعهآ من الفرن


لزانيا البيتزا....
اول شي جهزي الباشميل
بطريقتك
اسلقي اللازنيا نص سلق واحينا مافي داعي للسلق
بس اذا كنتي مستعجله 
ملاحظه لما تسلقي اللازنيا ضيفي زيت للماء
جهزي حمسة لحم مفروم 
في بايركس الفرن حطي باشميل في القاع
طبقه لازنيا
حطي صوص بيتزا مثل اللي تحطيه في البتزا انا استخدم ماركة امريكانا
واللحم والجبن المبشور
طبقه من اللازنيا وعليها باشميل وعقب زيتون مع فطر وجبن
وفلفل رومي
حطي اي مكونات تحبينها
طبقه اخرى لازنيا وعليها باشميل
رشي على الوجه جبن مبشور
غطي البايركس بقصدير ودخليها فرن حار مسخن مدة 
40دقيقه وبعدين  شيلي القصدير وحمري الوجه


طريقة النوتيلا

علبة قشطة أي نوع معلبة طبعا
ملعقة كبيرة زيت
ملعقتين كبار "ملعقة أكل"مسحوق الكاكاو البودرة
خمس ملاعق كبيرة مليانة نيدو
ملعقة صغيرة نسكافيه
بيالتين سكر مطحون نااعم جدا جدا "بيالة شاهي"
ظرف كريم كراميل ولو تطحنيه يكون أحسن
ملعقة صغيرة فانيليا
تضعي كل المقاااادير في الخلاط الكهربائي وتخلطيهم زييييييييييييييييييين زييييييييييييييييييييييييين حتى تذوب تماما ومايبقى ولاذرة سكر ولا ذرة حليب وصبيها في برطمان زجاجي واحفظيها بالثلاجة لحين الاستخدااااام


دجاج محمر بالعسل
خلطة الدجاج
فص ثوم ,, قطعه صغيره زنجبيل,,ملعقه صغيره فلفل أسود ,,ملح ,
ملعقة طعام صلصلة طماطم,,نصف ليمونه,,
دجاج مقطع ,, أو افخاذ دجاج,,
نخلط مقادير خلطة الدجاج مع بعض ,, وندهن الدجاج بها,,ونغطي الصينيه بقصدير الفرن وندخلها الفرن ,,
نقطع بطاطس مكعبات ونضعها في المقلاه ,, ونشوحها بزيت ,,
وبعد ماتستوي نصف استواء نضيف كزبره مفرومه ,, ملح ,, فلفل اسود,, ونقلبها مع بعض,,
بعد مايستوي الدجاج ,, نتخلص من موية الدجاج اللي طلعت منه ,, وندهنه بملعقتين صغيره عسل,
وملعقة طعام زيت عافيه ,, نخلطهم مع بعض وندهن الدجاج بها,, اذا مافي عسل ,, ندهن الدجاج بزيت عافيه,
ثم نرش عليه سكر,,
وهذا بعد ماتحمر الدجاج,,
ونقدمه في صحن التقديم ,, مع رز ابيض ,, وسلطة ,,


كاري السبانخ 
1- نحمر الدجاج المبهر بالبزار والملح
2- اضيف عليه البصل المفروم مع التحريك
3- نضيف حبتين من الفلفل الاخضر الحار وملعقة بودرة الزنجبيل وثلاث ملاعق من جوز الهند وملعقة سماق ونحرك ومن ثم نضيف الطماط المفروم
4- نضيف السبانخ المغسول والمفروم
5- نضيف علية روب وملعقتين معجون طماط وملعقة كاري ونحركه شوي وصب فوقه كوبين مويه وملح
6- اغطي القدر واخليه يطبخ على راحته
 في هذي الاثناء ابدأ بخبز العجينة اللي عجنتها قبل لا ابدا بالطبق 
تقريبا خليتها نص ساعة
استعملت طحين رقم 3
ليش طحين رقم 3
لاني قريت عليه يصلح للشباتي
المهم اخذت 3 اكواب طحين مع ملعقتين زبدة وملعقة صغيرة ملح وماء حسب العجين
خلطت اول الشي الزبدة مع الطحين لين ذابت تماما بعدين ضفت لها الماء
بعد العجن خليتها ترتاح ورحت اطبخ كاري السباخ والدجاج
ب نص ساعه
سويت منها كور ورقيتها وخبزتها على التاوة الحارة
كنت امسح الخبزة بالزيت من الجهتي قبل لا احطها عالتاوة
يقدم وهو ساخن مع الطبق الرئيسي


رز الزبادي بالنعناع
الطريقه كالاتي
قطعي بصله واحمسيها في شوية زيت ثم اضيفي ثوم مدقوق على البصل وحركي وقطعي طماطم صغيره وحطيها مع المقادير وحركي ثم اضيفي الدجاج بعد تقطيعها الى ارباع اذا كنتي بتسوين دجاجه كامله او نصف براحتك وحطي بهارات مشكله ملعقة وملح وفلفل اسود واعواد قرفه وكم حبة قرنقل وشوية كمون مطحون واضيفي عليهم علبة زبادي واوراق نعناع طازجه مفرومه وحركي المقادير كلها سوى وهدي النار على اخر شي وغطي القدر وخليه نصف ساعه لحد مايستوي الدجاج
في هذا الوقت تكوني منقعه رز اغسليه بعد النقع واسلقيه مع ملعقة اكل زيت نباتي وملح وفلفل اخضر حار لحد مايستوي ثلاث ارباع النضج
بعد مايستوي الدجاج والرز تجيب قدر وتحطي نصف مقدار الرز ثم خلطة الدجاج ثم كمية الرز المتبقيه
والسر اللي راح اقولكم عليه هو اللي يخلي طعم الرز جنان ولذيذ وماينشبع منه وهو:
تجيبي بيالة شاي وتحطي نصفها موية ورد وملعقه صغيره حليب بودره وتحركيهم مع بعض وتحطيهم على الرز وتغطي الرز بقصدير وتحطيه بالفرن ثلث ساعه وبعدين تقدميه لاتنسي تخلطي المكونات كلها مع بعض قبل التقديم  زينته بالبقدونس وشرائح الليمون


فوتشيني

المقـآدير ..
صحن فيليه دجاج .
مكرونـه مشكـله .
فلفل رومــي .
مـآجـي
كريمـة الخــفـق
علـبة قشطـة .
زيـتون حلقات .
صـلصـة الصـويـا
طمـآطـم صـلصـه .
جبن الموزاريلا
مقـآإآآديرهـآ 
طريقـتهـآآآ .
قطعي البصـل صغـآآإآر واحمصيه بـشويه زيت مع مكعـب مـآجي
وبعـد مايتحمـص اضيفي قطع الدجـآج والفلفل الرومــي
وحركيهم شووي لمدة دقيقتين على نـآر هـآدئ
اخلطي بكـآسه ملعقة طمـآطم صلصه و صلصة الصوي
تصبين  عليهم نقطة موويه بس علشان يتجانسون سواء
وحطيتهم على اللي بالقدر
وقتها اكون انا سالقه المكرونه المشكله .
واحطها على اللي بالقدر واحركهم سوآآ
واخلط بالخلاط كريمة الخفق و مكعب ماجي وعلبة القشطة ..
ونحطهم على المكرونه ونحركم ونحط الزيتون الحلقات ونتركهم لمدة دقيقتين بس
ونضيف جبن الموزاريلا
ونخليها على نار هادئه لمده خمس دقايق
وبعـدهـآ قدميهـآآ سـآآخنه ..


ارز كابلي
المقادير:
لحمة
2كاس رز مغسول ومسلوق في موية وملح وزيت نص استواء فقط
ملح بهارات مشكلة
زبادي او كوب لبن
2طماطم كبيرة مفرومه
1بطاطس مقطعه مكعبات
بليلة((حمص))
جزر مبشور
برتقال وليمون مبشورين القشر
بصله كبيرة مقطعة جوانح مع 2 فص ثوم وزنجبيل
معجون طماطم((صلصة))
غطا موية كادي
كزبرة مفروومة
الطريقة:
حمري البصل والثوم والزنجبي
اضيفي عليهم اللحمة وقلبيها شوي
واضيفي الكزبرة وقشر البرتقال والليمون وغطا من موية الكادي
وقلبيها شوي
اضيفي الطماطم
وبعد ماتذوووب اضيفي الزبادي ومعجون الطماطم والبهارات والملح
اضيفي نص كاس كبير ماء حااار واضغطيه لمدة نص ساعه
افتحي عليها واضيفي البطاطس
واضيفي الرز
واذا حابة تحطي عليه لون
اضغطيها لمدة من 4-5 دقائق فقط
الحين جيبي طاوة
حطي فيها شوية زيت وحطي الجزر
وبعدين الحمص او البليلة
واضيفي علية صلصة الصويا وملح وفلفل اسود
وقلبيهم لما ياخد الحمص اللون الدهبي
طفي عالقدر وحضري بالصحن
ورشي خلطة الجزر عالوجة
زينيه بشرائح الليمون والبيض المسلوق
والكزبرة المفرومه

صينية اللحم المفروم بالجبن
اول شي تقلين بطاطا اصابع وتضعيها في صينيه وتجهزين صلصة مفروم اقرب تكون ناشفه كالتالي تقطعين بصله مربعات صغيره مثل المفروم وتقطعين فلفل حار وحلو مكعبات وتشوحينهم في 2 ملعقة زيت وبعد ان يذبل نضيف اللحم المفروم وبعد ان يتسبك جيدا انكون مجهزين حبه كبيره طماطم طازه مقطعه صغير جدا نضيفها على اللحم وبعد ان يذوب نضيف ربع ملعقه صغيره كركم ومثلها فلفل اسود وفلفل احمر وكمون وملح حسب الرغبه وملعقة طعام كبيره طماطم صلصه وتحرك ونضيف ماء قليل جدا ونفرم فصين ثوم ونيضيفه واخيرا نقطع بقدونس ونضيفه ونطفي عليها  بعدماصارت شبه ناشفه ونضيفها فوق البطاطا المقليه واخيرا نبشر جبنه وترش وتدخل للفرن حتى تسيح الجبنه فقط وبالهنا والعافيه

والله انا زيك يدوب كم صينية حلي بس الكبسات ماتظبط معاي بس ان شاء الله ابتعلم علي قول البنات المنتدى فيه طبخات كثيره وبالصور

لا اله الا اللـــه