اريد نصيحتكم زوجي حاب نتبنى طفل يتيم ويعيش معنا

السلام عليكم
اخواتي الكريمات عندي موظوع وحابه اتكلم فيه
ماادري اذا القسم هذا مناسب او لا بس انا مالي بعد الله غيركم
انا متزوجه وحاليآ في فترة النفاس وعندي اطفال ولله الحمد اولاد وبنات وكلهم يعتبرون صغار
زوجي من كنت حامل وهو يقول انه حاب نتبنا طفل وانا كنت ارفض اقول عسانا نربي عيالنا
كان يقول اذا ولدتي نجيب طفل وترضعينه
والحمدلله الحين ولدت ولله الحمد وهو حاب وانا كنت رافضه اول والحين فيه شي يشدني للموظوع وحاسه انه فيه خير لي انا
اللي مخوفني بالموضوع خايفه على الطفل نفسه اخاف مااعطيه اللي يستحقه وخايفه من اولادي وردت فعلهم
انا حاليآ حابه نتبنى واربيه مع بنتي وعيالي بس انا انسانه غير محافضه يعني مو ملتزمه خايفه اظلم الطفل معي
تكفون شورو علي اللي نبي نسويه فيه خير للطفل
انا عارفه انه فيه اجر عظيم وزوجي يتمنى انه يتبنى طفل يتيم ويعيش معنا وانا بعد ولدتي حسيت انه فيه شي يشدني للموظوع مع العلم اني كنت رافضه اول بس اقول ممكن هذا خير لي لتغيير حياتي ومابي احرم زوجي من رغبته
هو والحمد لله متبني اطفال من خارج المملكه ومن الداخل بس الحين عنده رغبه انه يتبنى وارضعه ويعيش معنا ويكون من اولادنا
تكفون ردو علي ونصحوني