ماكينة الخياطة سنجر 2273

انا شاريتها نفسها ومن ساكو وماكان معها زيت!!
الزيت اظن للقديمات اللي فيها سير واشياء تحتاج زيت عشان تمشي بسهوله والله اعلم.

والله ياالغلا اليوم رجعتها لساكو لاني شكيت فيها وراح فتح لي كرتون ثاني والاغراض هي نفسها والكتالوج قال لي يجي من سنجر لجميع المكائن كتالوج واحد 


بس انتي تعرفي تشغليها انا مررررره مااعرف شيء فيها سمعت انها كويسه قلت بتعلم عليها..

والله هي حلوه انا مااعرف اخيط يعني خياط خياط زي لبس وشريتها اتعلم عليها والله حلوه وسهله واي شي يخرب عندي صرت استخدمها في البداية ماعرفت اركب المكره والخيط والكتالوج كله انقليزي والمكينة اللي فالمتالوج مو زي اللي عندي لكن الفكرة وحدة وانا مشيت ع الصور وتركت الكلام الانقلش صح حست في البداية في جزئيه معينه لكني تخطيتها وفرحتي ماتوصف حسيته انجاز عظيم ولازلت مااعرف اخيط ولا اعرف للباترون ولا اقص لكن الاشياء البسيطه اعرف لها تقصير شي خرب زي سير شنطة بنتي القماش والغرز حلوه ومشكلتي لما اخيط مايكون الخط مستقيم واضح ان اللي مخيطه عليميه هههههههه بس بشكل عام المكينه حلوه وسلسه وغير معقده للمبتدئات.

موفقه

الله يسعدك ويسعد ايامك.... اول ماشريتها اختي واخوي يركضوا على الدولاب عشان اقصر ملابسهم الطويلة وكأن الاخت تعرف حتى تشغلها اعطوني امل فالحياة خخخخخخ

ليت الاقي شروحات سهلة احس اني متحمسة اتعلمها...

آمين وياك.. فيه كتب تعلمك الخياطة وفي كتب خاصة بمكاين سنجر موجودة فجرير والعبيكان وفيه كتب لقيتها فمعرض الكتاب لكن كل اللي شريته مالمسته للحين جالس هههههه
بالنسبه للتقصير سهل راس ماله قص وخياط لكن التضويق هو اللي احسه يبيله وحده فاهمه لو شوي فالخياطة لذلك ابد ماتهورت وجربته مع اني المفروض اجرب لان التجربه هي اللي تساعد ع التعلم عقبال مانصير افضل خياطات.