انا نفر مسكين :(( تعالو ساعدوني ياسنعات ...

حبيبتي احتسبي الاجر من الله لانك تقومي بخدمة امك واهلك
والاجهزة المنزلية بتساعد كثير لو تقدروا توفروها بتريحك انتي وامك
غسالة المواعين والمجفف وغسالة الاتوماتيك
والله يكون بعونك اشغال البيت ماتخلص ابد

ماشالله عليك واضح انك فيك خير والاه مايخيب الناس الطيبين ولو ماكنتي سنعه مافكرتي وجيتي تسالين. انتي الي عند امك وسندها بعد الله وامك تعبت من الكرف لما كنتو صغار بس الحين جاء الوقت الي ترتاح وتحس ان عندها بنت يعتمد عليها وقد المسؤليه وتفتخر. فيك وترفعين راسها قدام كل الناس الي يدخلون بيتها وكل الي تسوينه الحين بيفيدك بكره لاتزوجتي لان اهلك ممكن يتحملون غلطاتك وتقصيرك بس الزوج لا شوفب انتي بعد المغرب تقومين ترتبين وتنكسين وتمسحين وتسوين العشاء قدر الضغط ماياخذ وقت وكل شي ماتعرفين ماتعرفينه اسالي امك وبتكون سعيده وهي تعلمك وتشوفك تتقنينه وبالويكند نظفي تنظيف عميق لاشياء الي تحتاج شوي شوي بتتعودين وتصيرين زي الفراشه واخوانك بيحبونك ويحسون بفراغ بالبيت اذا غبتي والله يرزقك بالزوج الصالح وتصيرين تشتغلين في بيتين وانتي بصحه واطفالك يونسون امك دعواتك لي واتمنى استفدتي واي سوال تحت امرك

الله يسعدك قليل نشوف بنات يهتمون بأمور البيت وبالذات اللي مثل وضعك ولا تعودت على الشغل لكن اسأل الله ان يرفع قدرك ويبارك لك في وقتك ومثل مافكرتي تسعدين امك الله يسخر لك كل امر تعسر وييسره لك ويرزقك حسن التدبير 🌷

شغل البيت مايخلص لكن !!
تنظيم الوقت اساس كل شيء
خلي عندك نظام غسل المواعين اول بأول لاجل ماتتراكم ..
والحمامات وتنظيفها بالليل لاجل الصبح تكون دايم نظيفه بس تشيكين عليها قبل الدوام بسرعه ...
والبيت اكيد اغلب شيء يتكركب غرفت المعيشه رتبيها بعد كل وجبه ..

والبيت كامل ترتيب عميق مسح بالويك اند ..
ايام الاسبوع الكنس اليومي ..

والملابس لازم غساله اتوماتيك تريح كثير والكوي مره بالاسبوع ...

نظمي جدول للشغل اليومي والشغل الاسبوعي ترتااااحي كثير ....

الله يسعدك دنيا واخره لانك شايله هم امك وتعبها

حبيبتي
ﻻرجعتي من الكلية كولي لك لقمة وحلي واجباتك وذاكري
ع المغرب تكونني خلصتي او قبلها ولعي عىقهوة وتقهوى
وﻻخلصتي شني هوجوم ع البيت اول شئ مسحي الطاوﻻت والي يبغالها تمسيح
وشغلي المكنسة واكنسي كل البيت
مسحي البيت
توجهي للمطبخ سوي العشاء ونظفي المطبخ واجمعي الزابيل وحطبها عند الباب غسيل الحمامات ع السربع وبالنسبة للمجالس تنظف يوم بالاسبوع مثﻻ اﻻربعاء وتفقل
صح تعب اول اﻻيام بس تتعودين ع شوي شوي ونامي بالليل وقومي لللكلية ﻻتنامين تول ماتجين ترى بيزيد تعبك ماراحةتستفيدين شء