صبح وليل :

أنا ولله الحمدل صاروا أكثر الزبونات عندي صديقاتي وخواتي، صحيح هن غريبات وما أعرفهن شخصياً لكن العلاقة اللي بيني وبينهم يسودها الأحترام والتواصل الدايم، والأنسان بطبعه اجتماعي... وأشكر كل من تعاملت معاي وتواصلت معاي، ويعطيكم العافية

أنا ولله الحمدل صاروا أكثر الزبونات عندي صديقاتي وخواتي، صحيح هن غريبات وما أعرفهن شخصياً لكن...

الراقيه 000 :

السلام عليكم مرحبا خواتي اولا احب اشكر اختي complex1664 على الموضوع الطريف هذا .. وانا بطبعي اجتماعيه ... واحب اكون صداقات ... وادري اني رازه ويهي لاني بعدني ما استويت تاجرة ... لكن اذا حبيت احكي لكم عن موقف محرج استوالي ... الله يسلمكم كنت طالبه مكياج من عند الغاليه بنت بنفسجية ... المهم اتصل بي مال ارامكس وكان يوم خميس العصر وقلت له اني طالعه وقال خلاص عيل بييبه يوم السبت قلت له احسن اتييبه الصبح في الدوام ... لانه اريح مجرد اني اقوله الدائرة اللي اشتغل فيها بيعرف ... وياني مس كول في الدوام وانا ما رديت لاني كنت مشغوله (عندي مراجعين) .. اتخيلووووووووووووووووو شوي ولا اشوف هندي وااااااقف جدامي والصدمه:22: انه ميود كرتونه وعليها من الطرفين صورة ميك آب :42: طبعا انا من شفته على طول زقرته وقلت له اول شيء حط العلبه تحت ودسيتها تحت المكتب وطبعا ساعتها ارتكبت نسيت المراجع واصفريا واحمريت واخضريت ... لا والقهر اني يوم سالته كم المبلغ قالت شوفي الورقه اللي على الكرتونه وعقب قلت خلاص انا اعرف الحساب وهو يقولي لا اتاكدي ... وانا اقول في خاطري الحينه كيف ارفع الكرتونه ... الصراحه كان موقف لا احسد عليه .. لكن تبون الحق اني نسيت الموقف يوم شفت الاغراض ... وما تميت ابنيه في القسم الا وراويتها الاغراض ... يعني سويت لها دعايه حلوه .... والطلبات في الدرب :) ونسيت اقول انها كانت طيبه وراقيه في تعاملها واتمنى بنت بنفسجيه ما توعل لاني كتبت السالفه وهذا اللي استوى

السلام عليكم مرحبا خواتي اولا احب اشكر اختي complex1664 على الموضوع الطريف هذا .. وانا...

توته الحلوه :

اشكرج اختي ام عبدالله على هالموضوع الحلو اخر المواقف الحلوه اللي مرت عليه هو ثاني يوم من ولادتي اتصلت بي الاخت سما دبي وخبرتها اني ولدت والحمدلله وعقب كم ساعه انهلت تبارك الله المسجات ..ما اشاء الله عليها نزلت موضوع وما اتخيلت ان البنات بيطرش لي مسجات يهنني فيها بهاي الطريقه (لا خليت منكن) ووووووووايد استانست وكنت ارواي خواتي اقولهن شوفوا خواتي في حواء وانا مستانسه ان لي خوات حبوبات شرات اللي صادفتهن في حواء... ما كنت افتح غير موبايلي الخاص ومن شفت المسجات على موبايلي الثاني خليته شغال بس عشان استقبل المسجات ولله الحمدلله كونت صداقات حلوه واعتز وافتخر بها وحبيت اشكر كل الخوات العزيزات اللي هنني بقدوم ميوورتي الغاليه سواء عن طريق المسجات او عن طريق الموضوع اللي نزلته الغاليه سما دبي واشكر سما دبي على القصيده الحلوه اللي كتبتها على بنوتي الله لايحرمني منها ولا منكم ويرزق الجميع بالذريه الصالحه وسامحوني جاني طولت عليكم اختكم ام خليفه

اشكرج اختي ام عبدالله على هالموضوع الحلو اخر المواقف الحلوه اللي مرت عليه هو ثاني يوم من...