زوجـــــــــــي ........ متعبني حبيتـــين

متزوجة من سنتين تقريباً ، زوجي طيب لكن ابداً ماينصفني اذا احد غلط عليه من اهله او تكلم فيني .. وهذا اكثر شيء يقهرني فيه ... صرت انا ادافع عن نفسي حلو لما زوجك يكون لك سند بعد اهلك ..

والشيء الثاني / لما احد يتعب او يروح المستشفى ليش ماتدقين تطمنين / واقربها اخته جاها برد وشيء طبيعي الأجواء متغيرة يقول ليش ماتدقين عليها .. وانا عملت عملية والله محد كلمني غير امه وماقصرت وقلتله اليوم ليه اسبوعين محد تطمن عليه قال مادريوا انك سويتها ومن تبغين يدق عليك امي دقت خلاص وش تبين !!! عشان ابين له لايجي يوم من الايام ويقول ليه وليه .وانا الحمدلله عمر ماتعب عندهم احد الا وزرته وتطمنت عليه لأن ليه اجر قبل كل شيء .

والشيء الأخير : كيف اقدر اتعامل معه في هذي المشكلة ..مثلا كنا عند احد وقلت يلا خلاص يتركني لحد ماطفش ويطنش اتصالي ويقولي شويه شويه .. واذا كنت في زواج مايخليني استانس الا وهو متصل يالله !! وعند اهلي نفس الطريقة مايخليني اطول وعند اهله نجلس من عصر ليييييين 1 الليل .. واذا كنا في عزيمة من بعد المغرب وانا عند الناس وانا مابي اروح الا بعد العشاء ع الاقل ... واذا اخته كانت معه والله مايتصل عليها الا اذا هي اتصلت طيب ... ماشاء الله بعض الزوجات تفرض احترامها على زوجها وعلى اهله وانا حقيقة زوجي بعض الأوقات مقصر معي من هالناحية و وانعكس حتى على اهله الحييين لما اروح لهم عادي ماعندهم اخته في الثانوي تدخل بعض الأوقات وماتسلم واللي جالسه على الجوال في زواية .. وفي سواليييييييييييف كثيرة بس هذي تكفي : )

انا اهم شيء زوجي ايش الاسلوب اللي اقدر اغيره تدريجياً بدون زعيق ورفع صوت رغم انه سبحان الله مايمشي الا بأسلوب الأمر .. وهذا الشيء لاحظته لما اهله يكلمونه ماعندهم اسلوب يرفعون صوتهم عليه الكبير والصغير ..

اعتبروني اختكم الصغيرة وانصحوني .. عمر زواجي لسى سنتين واعتبر نفسي مالي خبرة




..........