زوجي وقروب بنات أقاربي احس اني جبت المشاكل لنفسي

السلام عليكم بنات


لي سنة بالغربة ماشفت اهلي بسبب ظروف الدراسة
كان الواتس اب هو الي مخفف عني تعب الغربة لكن مع الاسف صارت تجي لي منه مشاكل من قروب العايله
فيه خالاتي وعماتي وبناتهن وبنات خووالييي وبنات أعمامي
زوجي كتوووم مرره ومايبغى احد يعرف اي شي عن حياتنا وين رحنا وين جينا وانا عكسه تماما كل شي أقوله للناس مااعرف أكتم خبر احط صور طلعاتنا والولاية الي فيها وشنو صار لنا
مع ان اكثر من مره أتورط في مشاكل القيل والقال ونقل الحكي بس مااتوب
الي حصل ان فيه يوم كان زوجي عطوه المعهد إنذار لان رسب في مواد
جيت انا بكل بلاهه كتبت في القروب ان ادعوا لزوجي ينجح وتعرفون اُسلوب تسحيب الكلام من البنات
الي صار طار الخبر للكل وكلن عرف عنه ومع شوية بهارات ان المعهد راح يطرده وان البعثة راح تنسحب منه
مع ان رسوب عادي مثله مثل اي شي
عرف زوجي وعصب مرره وحلف ان احذف الواتس اب لو له تصرف ثاني معي
لي شهور طويلة من حذفته بس الفراغ ذابحني مرره
رجعته من ورى زوجي مااعرف كيف عرف
من عرف وهو مرره متضايق حتى الي يصير معه بالمعهد ماعاد يقول لي عنه مثل اول اي طلعه نروح يرفض اي تصوير مع ان حلفت ان مااقول شي عن حياتنا
صدمني ان قال لي ماعاد اثق فيك ! لان وناستك اهم من راحتي