قصة عضوه بمنتدي عالم حواء

الملتقى العام

السلام عليكم ورحمته وبركاته،،،،،،

خوات تحكي هذي العضوة قصتها ساذكرها باختصار ...

بعد معانات لتحويلها من مستشفي منطقتها لاحدي مستشفيات العاصمه وجلسة فترة شهور حتي تم تحويلها لمستشفي من مستشفيات العاصمه ..

وذكرو لها ان المنطقه تصرف لها تذاكر طيران ذهاب واياب وبدل سكن وبدل نقل وبدل معيشه وهالاخت من القصيم تقول ذهبنا علي وصفهم الهيئه الطبية لاخذ التذاكر قالو لهم روحو للمكان الفلاني ومن هنا ومن هنا تحذيف حتي وصلو للمكان :crap: معين وقال لهم الموظف سوف ندرس حالتها قالو له موعدها قريب مايمدي وماذكر لنا الموظف اللي محولنا لكم الا متأخر ما ذنبا عن التاخير والموعد قريب مايدي تدرسون قال اجل متي الموعد وكل مراجعاتهم تعلل وتشوت حتي بغو يهونون عن التذاكر المهم استلمو التذاكر وقالهم المستشفي اللي محولها انها لها بدلات بس لما ترجعين ورجعت لا بدلات ولا بدل نقل ولا سكن وقالهم حقيين الهيئة لاعاد تجون روحو لمحافظتكم اللي انتم فيها

بالاخير لييه تقولون للعالم ان فيه صرف للمرضي بدلات وغيره وانتم ماتدرون وش عللكم وينه هذا شسمه مدير الشئون الصحيه !!! عن معانات المرضي اللي بمنطقته ؟؟

تعشمون الناس ليه وين الضمير والعله ياكبر كشرتهم علي وجة الاعلانات
17
1K

يلزم عليك تسجيل الدخول أولًا لكتابة تعليق.

تسجيل دخول

ثابتة مول
ثابتة مول
الله يكون بعونها
سبحان الله وبحمده
لا لن استسلم صامده
اللي شاهدته من غير رد بسميها اميرة الظلام الله يوفق بس اللي ترد
اميره بكلمتي$
اميره بكلمتي$
انا مافهمت بدل سكن ليه اول مره اسمع به وهي مسافره خارج السعوديه ماادري الموهم الله يشفيهاااا ويعافيها اهم شي صحتهااااا وعافيتها ويخليها لاهلها هذااا رااس المال وهم لهم الله ماكل شي يقولونه بنصدقه كذب اللي له واااسطه اموره بتمشي بلمح البصر واللي ماعنده واااسطه يردد ياليل ماطووولك
لا لن استسلم صامده
ياليييييييييييييييييييل ماطولك هههه حسبي الله ونعم الوكيل الله يجعل مغص ببطونهم
وسن3
وسن3
أختي أنا اللي اعرفه أنه اذا كان مريض سرطان
ويجي يتعالج في التخصصي يوفرو له النقل والسكن
وبعد يتواصلون معه ويدلونهم ع الجمعيات أو مراكز يحضرو
فيها محاضرات ودورات ويشوف حريم قبلهم كيف تعالجو
من السرطان وشفيو والحمدلله ....
وبعد يمتد للعيال أنهم ممكن يدخلو الاولاد أنا ناسيه
الاسم بس هو مثل المراكز الصيفيه
اعتقد اسمه المركز العلمي في حي السفارات

وأنا قلت لك هذا الشي لاني أعرف وحده تعالج عندهم
وهي من سكان الرياض ولا عندها واسطه ولا غيره
بس بدل سكن مدري ماسمعت ....

هي تقول قالو أنتي تحتاجي مواصلات علشان تجين
للمستشفى ...بس السكن يكون للي يجو من المناطق
الثانيه من خارج الرياض ....

هذا اللي أعرفه عن مستشفى التخصصي

ولا بدل سكن وغيره ماسمعت ؟؟؟

والله يشفيهم ويشفي كل مريض ولا يشوفو مكروه
ومثل ماقالت أحد الاخوات الصحه هي راس المال
ولا ينفع بدل سكن وغيره ....

هو ممكن يكون فيه سكن علشان يخفف عليهم تعب البحث عن سكن ...

بس يمكن من الموظفين اذا كانو مايخافون الله ولا فيهم
رحمه ...يقعدو يمططو في خلق الله ويبهذلوهم ...