عمةملوكي

عمةملوكي @aammloky

عضوة نشيطة

قصتي وصبر السنين ..وأملج وماادراك ما أملج ..!!!!!

نزهة المتفائلين

السلام عليكم ورحمة الله وبركاته..

1_رجاء خاص للمشرفات ماينقلو موضوعي لاني ابغى اكير عدد من
الاخوات يشوفوه لعل وعسى اصل لحل بعد معاناة السنين..
2_ارجو عدم حذف اسماء الاماكن لاني ابغى رأي اهل المنطقه لانه يهمني جدا..
3_اللي ماعندها حل او معرفه ترفعلي الموضوع بدعوه ان الله يسرلي الشفاء من حيث لا احتسب ويعوض صبري خير...

ابدأ قصتي..انا بنت عمري 36 سنه قبل 18 سنه وتحديدا لما كنت بالثنوي كنت ولله الحمد انسانه بكامل صحتي وعاقيتي وشكلي يعطي اكبر من سني بكثير بس للاسف ماكنت مواظبه على الصلاه اراد الله ان نذهب زياره لمدة اسبوع لمدينة املج اخويا كان طالب فيها وكانت ايام اجازة الحج قبل مانسافر كانو يقولو ان البيت مسكون ويسمعو فيه اصوات وتسير اشياء تخوف..انا ماخفت ولا اهتميت واصلا رحت وجيت ماسمعت ولا شفت اي شي بالبيت ..
في يوم قررو يروحو منطقه اسمها الشبعان ..للمعلوميه هيا منطقه على البحر منطقه مهجوره تماما ماكان في احد غيرنا لاناس ولاحيوانات ولااااا أحد..وصلنا العصر ونزلت البحر وكنا عائله كبيره كثير مننا نزل البحر الكل طلع من البحر زي مانزل الا أنا اراد الله تنقلب حياتي لكن مااقول غير الحمدلله على كل حال..
كنت البس جزمه اعزكم الله قماش خرجت من البحر وفي بالي ان الجزمه تملت مويه وكشت بمعنى ضاقت وصغرت لانها قماش لكن طلع اللي صار ان رجلي اتقخت وهذا اول مره يسرلي شي زي كدا..
بعد كدا قررو انهم يخيمو ويباتو هذيك الليله هناك ..نمت زي الخلق افتكر اني صحيت بالليل وكانت في بسه(قطه) سوداء واقفه على باب الخيمه فتحت عيوني لقيتها مركزه نظرها عليا من بين الناس طليت فيها ورجعت نمت مااهتميت ولاخفت ولاسميت ..مرت ايامنا بأملج ورجعنا على فكره انا من المدينه..
بدأت رجولي تزيد تنفيخ لحد ماوصل النفخ فوق الركبه راجعت المستشفى واخدو عينه للكلى قالو التهاب في الكلى غير معروف سببه طبياً..
بدأت رحلة العلاج اللي لها 18 سنه ومازالت يعني بالضبط نص عمري مراجعات بالمستشفى تعبت وتعبت اهلي معايا الله يجزاهم عني كل خير..
وياليت الموضوع وقف على الالتهاب الا وصل لحد الفشل الكلوي وليا اكثر من 10 سنوات اغسل وصلت فيها لحد الموت لكن لسه العمر في بقيه ..ومو بس الفشل جاني التهاب كبد سي من الغسيل سارت فتره تجيني تشنجات وانصرع وجاني التهاب شديد ببطني جلسني شهور بالمستشفى وفي البدايه ماعرفو الدكاتره نوعه لانها أول حاله تمر عليهم بمستشفى الحرس بجده وقالوا حيسجلو حالتي بالنشره الطبيه لأن كل اللي جاهم هذا الالتهاب ماعاشو بس انا ولله الحمد شفيت لكن للاسف الادويه اثرت على العصب السمعي وفقدت جزء كبير جدا من سمعي وبدأت استعمل سماعات وياليت فايده..
صحيح ان المرض حرمني من اشياء كثيره لكن ماانكر انه ولله الحمد خلاني احسن علاقتي برب العالمين وهذي نعمه عظيمه..
الحمدلله انا راضيه وعندي يقين ان الله اخذ مني الكثير عشان يعطيني الاكثر وانه راح يشفيني ويعوض صبري خير..والمسأله مسألة وقت وأكيد ان ربي اللي نزل المرض نزل معه الشفاء واسأله عز وجل انه يسخرلي اسباب الشفاء وسبحان الله قلت انزل قصتي يمكن يكون العلاج على يد وحده منكم سواء للفشل او للسمع واذا ماكان دعواتكم اخواتي تكفيني ,,

للمعلوميه...
في حياتنا كثير اشياء ملخبطه مشاكل بين امي وابويا وصلت لطريق مسدود..عدم توفيق لاخويا الكبير وصل34 بدون وظيفه مع انه منعلم والكل يقول كيف الوالد بمنصب كبير يوظف الناس وعجز عن ولده وهوا فعلا عجز..اخويا الثاني من مرض لمرض..اختي اخدت فتره ماتمشي بالليل ومع طلعت الشمس ترجع عادي تعالجت بالرقيه بعد عجز الطب..

رحت لمشايخ منهم الشيخ أحمد الردادي رحمةالله عليه كان يقول انه سحر ويقول للوالده انا ماعجزني غير بنتك والله يعين بنتك على اللي فيها..ورحت لغيره ومنهم قال سحر ومنهم قال عين ومنهم قال مابان عليا شي ..
واخيراً..مااقول غير حسبي الله ونعم الوكيل فوضت امري للي مايغفل ولاينام..

رجاءاً اخواتي لاتحرموني طيب دعواتكم....وجزاكم الله خير..

معليش اذا في غلطات لاني كتبته ومباشره ارسلته.. دمتم بخير من الله ..
66
8K

يلزم عليك تسجيل الدخول أولًا لكتابة تعليق.

تسجيل دخول

*RYRY*
*RYRY*
لااله الا الله محمد رسول الله:)
نفس مطمئنه
نفس مطمئنه
اسأل الله تعالى ان لايحرمك اجر ذلك كله
ولايحرمك رؤيته ... واسأله تعالى ان يدخلك جنته بغير حساااااااااااااب

ماعندي علم ياقلبي .. لكن حبيت اقولك ماراح انساك من الدعاء بإذن الله

سلامتك والله ييسر اموركم ويفرح قلوبكم وبفرج همومكم
ويشرح صدوركم




لا اله الا الله
ركايز
ركايز
الله رحمته واسعه وانتي على خير باذن الله اختي كثفي من الرقيه الشرعيه ولاتيئسين
بالنسبه للكلى ممكن تزرعين اذا مافيه متبرع من الاهل انصحك بباكستان ممتازه ورخيصه
وبقوه الله يشفيك ويدلك على العلاج وييسره لك بأذن الله...
(نوووشه)
(نوووشه)
اسأل الله العظيم رب العرش العظيم ان يشفيك
ويفرج همكم و كربتكم فهو القادر على ذلك
لازلت طفله
لازلت طفله
وعليكم السلام ورحمة الله وبركآته
الحمدلله على كل حآل .. وآضح ان فيكم شي مو طبيعي ..َ!!
سبحآن الله في طي المحن تأتي المنح ويكفيكِ من هذآ الإبتلاء قربكِ من الله تعآلى ..
توكلي عليه نعم المولى ونعم النصير .. هذآ إبتلاء احتسبي الاجر
وماابتلاكِ الله إلا ليمحصكِ ويقربّكِ إليه "وهوَ الغني عن العآلمين سبحآنه"
استمري برقية نفسكِ وكوني متفائله إيجآبيه .. ولتوقني بأن الله إذآ احب عبدآ ابتلاه
واكثر النسآء بلاء الانبيآء ثم الذين يلونهم والذين يلونهم وهكذآ
الفرج قآدم .. ويكفيكِ قوله تعآلى :"إن مع العسر يسرآ إن مع العسر يسرآ"
اسأل الله العظيـم ان يشفيكِ ويعآفيكِ ويرفع ضركِ سبحآنه