آآآآآه ... ابنك راح يعيش مشلووووول .. كونوا معي وساعدوني

بسم الله الرحمن الرحيم


أكتب لكم وانا فيني من الالم ما يعلمه غير ربي

مقهوووره متضايقه


ما يصبرني غير ايماني بالله تعالى

لكن منظر ابني ما اتحمله
اشفق عليه
يحزن

وربي يقطع القلب


((( عمر ابني الان سنتين ... بعد كر وفر في المستشفيات كانت النتيجه كالصاعقه علي ..
ولدك النخاع الشوكي عنده تعبااااااااان فيه ضمور وهذا اللي سبب رخاوة جسمه السفلي ))
والاصابه شديدة


يعني مافينا نسوي له شي
ولا له علاج .. حتى في الدول المتقدمه



تعرفون ايش يعني مشلووول
يعني راح ينحرم من ابسط حقوقه وهي اللعب كطفل


هو يزحف على بطنه ويتنقل في البيت

وربي يبكيني من الالم من اطلع من الغرفه والقاه زاحف ومستواه تحت رجولي

يحزني وانا اشوفه يركز على رجول اخوه الصغير

اياديه صارت سودا من كثر ما يزحف عليها

ابدا ما يرفع رجوله ولا يحركها

ولا يقدر يرفع ظهره بعد

ماشاء الله يفهم ويتكلم


اخاف اذا كبر يقول لي ليه ما اقدر امشي ياماما


اخاف اخوه الصغير يركض ويجري وهو عاااااجز

بس يطالعه

مستوعبين هذا الشي



مو بس كذا


راح يأهلونه على استخدام الكرسي اللمتحرك


وراح يحتاج الى قسطره للبول


ويمكن ما راح افرح فيه اذا كبر

لانه احتمال يكون عاجر جنسيا



هذا ولدي البكريه

تعرفون شو يعني

يعني فرحتى الاولى

يعني اللي كنت احلم اني العب معه كوره

كنت احلم اني العب معه في البيت واركض وراه



ماتدورن كم بنيت من احلام وانا حامل
فيه


كنت بخليه صديقي قبل لايكون ابني



حبيته اول ماعرفت اني حامل فيه

بس قدرة الله



افكر كثير اذا كبر كيف بيتقبل وضعه


كيف اقدر اهيئه

ياترى بيدرس مع اخوه ولا في مدرسة للمعاقيين


رغم ان عقله سليم

والله خايفه كثييييييييير من المستقبل


اخاف يقول

ياماما ابغى اركض مثل اخوى




والله اللي في قلبي اكبر من كذا

ودي ابكي ابغى ارتااااااح
رغم ان دموعي مابعد نشفت


اكتب وانا اطالع فيه يجر نفسه جر في الصاله

وربي يقطع قلبي من اشوف رجوله تلتوي اذا بغى يعكس اتجاهه


المشكله اذا خليته في المشايه يبكي

يبغى يطلع ويروح يزحف ويكتشف عالمه كاي طفل






كل اللي نصحوني في الاطباء العلاج الطبيعي والتمارين

والحمد الله اسويها




صرت امرخه كل يوم بزيت زيتون مخلوط معه حبة البركه

واعطيه عسل


لعل وعسى يقول له ربي كون فيكون انه يمشي


وديت الاشاعه للخارج والكل اكد نفس الكلام


ولدك راج يكون مشلول سفلي





كل اللي اطلبه منكم اولا الدعاء


واللي عندها اي نصيحه لا تبخل بها على خايفه عليه من الزمن

خايفه عليه اذا كبر كيف يسوي


ياترى بتوظف ولا يتشرشح لانه معاق


خلاص احس نفسي ما اقدر اكتب اكثر من كذا متضااااااااااااااااااايقه كثيييير



والحمد الله ان شهر الخير جاء


حتى ادعيله اكثر
(( ياحبيبي شوفوه الان جاء تحت الكرسي دخل ))

اتخيله لو كان واقف

بس خلاااااص


ما اقدول غير الحمد الله

اللهم لا اعتراض على حكمتك