سؤال عن طريقة حلى ؟؟

هلا عروب..
انا امس قاعد اقرأ قسم الحلويات وشفت هذا يمكن تقصدينه..
اتمنى..:27:
هذا الرابط
http://forum.hawaaworld.com/showthread.php?threadid=5574

حياك الله اختي شاكرة
أسعدني ردك وساأجرب الحلا وإن شاء الله يكون هو اللي أسأل عنه.
جزاك الله خيرا.

عروب
شوفي هذا..قريب لوصفك بعد..
http://forum.hawaaworld.com/showthread.php?threadid=14821
عموما الوصفات كثيره اللي بالقوالب..
جربي وشوفي وردي لنا خبر علشان نعرف طعمهن..:)

جزاك الله خيرا اختي شاكرة على إهتمامك,وأظنه هو الحلا اللي ادور عليه وأول ماأجربه ان شاء الله اعطيك خبر وتسلمي عيوني.

شوفي على ما اضن على حسب ما فهمت على طلبك للحلى هذا هو
اطحني يالغالية بسكوت اولكر او شاي 2 علبتين +اصبع زبدة مذوبة+حليب نستلة= عجينة متماسكة وسهلة التشكيل
بعدين جيبي معيار الدواء البلاستيكي يجي دايم مع الفيفادول وجيبي كيس نايلون ودخلية باصبعك جوا غطاء البلاستيك
بعدين حطي قطعة عجينة من الخلطة وواسيها باصبعك على القاعدة والجوانب فقط .. يعني خليها مجوفة تأخذ شكل القالب البلاستيكي ..وشوي شوي ارفعي كيس النايلون يطلع لك قالب حلو جاهز للحشو
كملي شغلك بباقي العجينة لحد ما تنتهي
ومن ثم احشية بالحشوة هذة

عبارة عن توفي +حليب جاف ثم ترش فستق أو قطع كاكاو فرمو سيل عليها وتبرد

او حشوة ثانية وهي
قشطة+كيس دريم ويب +كيس كريم كرامل=تخلط جيدآ ثم تضعين ملعقة صغيرة من الحشوة داخل الأكواب البسكوتية
ثم تزين بالطريقة السابقة أو تضعي فوقها حبة فستق كاملة وتبرديها
التبريد مهم جدآ لجودة هذا النوع

طريقة حشوة برضوة
تسوي توفي عادي
ثلاثة فناجين او فناجيل قهوة سكر تحركية في قدر صغير ولما يذوب تحطي علية قشطة وحدة وثلاث ملاعق حليب جاف
وعشان ما يتكتل معاك السكر في القشطة وما يذوب ويصيرمتجانسة حطي زبدة معاة او زيت

انا سويت كذا بس من دون حليب وبرضوة خلطت مع البسكويت زبدة فول السوداني لو تبغي تجربية

والطريقة هذة جبتها من المنتدى هذا وصورتها في رمضان ناقلتها لك بالحرف
بس ناسية والله من كانت حاطتها لانة وحدة واصفتها لوحدة زيك كانت تسئل عن الحلى هذا
الله يجزاهم خير عشان ما انسبة لي ونهضم حقهم